ಸಲ್ಮಾನ್ ಖಾನ್ ಪರಿಚಯಿಸಿದ ಇ ಸೈಕಲ್ ಬೆಲೆ 40ಸಾವಿರ ರು!

ನಟ ಸಲ್ಮಾನ್ ಖಾನ್ ಅವರ ಬೀಯಿಂಗ್ ಹ್ಯೂಮನ್ ಫೌಂಡೇಷನ್ ವತಿಯಿಂದ ಇ ಸೈಕಲ್ ಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಾಗಿದ್ದು, ಬೆಲೆ 40 ಸಾವಿರ ರು ಗಳಿಂದ ಆರಂಭವಾಗುತ್ತದೆ.

ಮುಂಬೈ, ಜೂನ್ 06: ನಟ ಸಲ್ಮಾನ್ ಖಾನ್ ಅವರ ಬೀಯಿಂಗ್ ಹ್ಯೂಮನ್ ಫೌಂಡೇಷನ್ ವತಿಯಿಂದ ಇ ಸೈಕಲ್ ಗಳನ್ನು ಮಾರುಕಟ್ಟೆಗೆ ಪರಿಚಯಿಸಲಾಗಿದೆ. ಇ ಸೈಕಲ್ ಬೆಲೆ 40 ಸಾವಿರ ರು ಗಳಿಂದ ಆರಂಭವಾಗಿ 57 ಸಾವಿರ ರು ತನಕ ಇದೆ.

ಬೀಯಿಂಗ್ ಹ್ಯೂಮನ್ ಬ್ರಾಂಡ್ ಅಡಿಯಲ್ಲಿ ಬ್ಯಾಟರಿ ಚಾಲಿತ ಇ-ಸೈಕಲ್ ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ. ಇ ಸೈಕಲ್ ಗಳ ಬೆಲೆ 40,000 ದಿಂದ 57,000 ರೂ. ವರೆಗೂ ಇದೆ.

ಪರಿಸರ ಸ್ನೇಹಿ ಸೈಕಲ್ ಇದಾಗಿದ್ದು, ವಿಶ್ವ ಪರಿಸರ ದಿನ(ಜೂನ್ 05)ದಂದು ಮಾರುಕಟ್ಟೆಗೆ ಪರಿಚಯಿಸಿದ್ದಾರೆ. ಈ ಸೈಕಲ್ ಉಳಿದ ಸೈಕಲ್ ಗಳಂತೆ ತುಳಿಯಲೂಬಹುದು. ಇದು ಬೈಕ್ ರೀತಿ ಕೂಡಾ ಕಾರ್ಯ ನಿರ್ವಹಿಸುತ್ತದೆ. ಆದರೆ, ಇದಕ್ಕೆ ಯಾವುದೇ ನೋಂದಣಿ, ಲೈಸನ್ ಅಗತ್ಯವಿರುವುದಿಲ್ಲ.

ಸೈಕಲ್ ಏರಿ ಬಂದ ಸಲ್ಲು: ಸಲ್ಮಾನ್ ಖಾನ್ ಅವರು ಬಾಂದ್ರಾದ ನಿವಾಸದಿಂದ ಮೆಹಬೂಬ್ ಸ್ಟುಡಿಯೋಕ್ಕೆ ಸೈಕಲ್ ನಲ್ಲೇ ಬಂದು ಇ-ಸೈಕಲ್ ಬಿಡುಗಡೆ ಸಮಾರಂಭದಲ್ಲಿ ಪಾಲ್ಗೊಂಡಿದ್ದು ವಿಶೇಷ.

'ಸುಮಾರು ಒಂದೂವರೆ ವರ್ಷಗಳ ಕಾಲ ಇದನ್ನು ಪರೀಕ್ಷೆಗೆ ಒಳಪಡಿಸಿ ಸಿದ್ಧಪಡಿಸಲಾಗಿದೆ. ಈ ಸೈಕಲ್ 25 ಕಿಮೀ ಪ್ರತಿ ಗಂಟೆ ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿರುವ ಇ ಸೈಕಲ್ ಎಲ್ಲಾ ವಯೋಮಿತಿಗೆ ಆನುಗುಣವಾಗಿ ವಿನ್ಯಾಸಗೊಳಿಸಲಾಗಿದೆ' ಎಂದು ಬೀಯಿಂಗ್ ಹ್ಯೂಮನ್ ಸೈಕಲ್ ಘಟಕದ ಸಿಇಒ ಅತುಲ್ ಗುಪ್ತಾ ಹೇಳಿದ್ದಾರೆ.

English summary

Salman Khan's Being Human Foundation has been working on the development of the E-Bicycle for about 1.5 years. The e-bike's electric motor has a range of 30 km and a top-speed of 25 kmph.