ಮುಂಬೈ ಕ್ರಿಸ್ಟೆಲ್ ಟವರ್ ನಲ್ಲಿ ಬೆಂಕಿ: ನಾಲ್ವರು ಸಾವು
ಮುಂಬೈ, ಆಗಸ್ಟ್ 22: ಮುಂಬೈಯ ಪ್ಯಾರೆಲ್ ಪ್ರದೇಶದ ಹಿಂದ್ ಮಾತಾ ಸಿನೆಮಾ ಪಕ್ಕದ ಕ್ರಿಸ್ಟೆಲ್ ಟವರ್ ನ ಮೂರನೇ ಮಹಡಿಗೆ ಬೆಂಕಿ ತಗುಲಿದ ಪರಿಣಾಮ ನಾಲ್ವರು ಮೃತರಾದ ಘಟನೆ ಇಂದು(ಆಗಸ್ಟ್ 22) ಬೆಳಿಗ್ಗೆ ನಡೆದಿದೆ.
ಬೆಳಿಗ್ಗೆ 8:30 ರ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿದ್ದು, ತಕ್ಷಣವೇ ಅಗ್ನಿಶಾಮಕ ದಡಳದ ಸಿಬ್ಬಂದಿಗಳು ರಕ್ಷಣಾ ಕಾರ್ಯ ಆರಂಭಿಸಿದ್ದರು. ಈ ಸಂದರ್ಭದಲ್ಲಿ ಮಹಡಿಯೊಳಗೆ ಸಿಲುಕಿಕೊಂಡಿದ್ದ ಹಲವರನ್ನು ರಕ್ಷಿಸಲಾಯಿತಾದರೂ, ನಾಲ್ವರು ಮೃತರಾಗಿದ್ದಾರೆ.
ರಕ್ಷಣಾ ಕಾರ್ಯ ಮುಂದುವರಿದಿದ್ದು, ಕಟ್ಟಡದೊಳಗೆ ಮತ್ತಷ್ಟು ಜನ ಸಿಲುಕಿರುವ ಶಂಕೆ ವ್ಯಕ್ತವಾಗಿದೆ.
ಕಳೆದ ಡಿಸೆಂಬರ್ ನಲ್ಲಿ ಮುಂಬೈನ ಕಮಲಾ ಮಿಲ್ ನಲ್ಲಿ ಸಂಭವಿಸಿದ ಭೀಕರ ಅಗ್ನಿ ದುರಂತದಲ್ಲಿ 14 ಜನ ಜೀವಂತ ಸಮಾಧಿಯಾಗಿದ್ದರು. ಹುಟ್ಟು ಹಬ್ಬವೊಂದರ ಆಚರಣೆಯ ಸಮಯದಲ್ಲಿ ಈ ದುರಂತ ಸಂಭವಿಸಿತ್ತು.
Click it and Unblock the Notifications
Sign in with Google