• search
ಮುಂಬೈ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಮಹಾರಾಷ್ಟ್ರ ಸಿಎಂ ಕಚೇರಿಯ ಚಹಾ-ತಿಂಡಿ ಖರ್ಚು 3.34 ಕೋಟಿ. ರೂ!

By ವಿಕಾಸ್ ನಂಜಪ್ಪ
|

ಮುಂಬೈ, ಮಾರ್ಚ್ 29: ಮಹಾರಾಷ್ಟ್ರದ ಮುಖ್ಯಮಂತ್ರಿ ಕಚೇರಿಯ ಚಹಾ ಮತ್ತು ತಿಂಡಿಯ ಖರ್ಚು ಇದೀಗ ರಾಜ್ಯದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಆರ್.ಟಿ.ಐ ಮೂಲಕ ಪಡೆದ ಮಾಹಿತಿಗಳನ್ನು ಆಧರಿಸಿ ಮುಂಬೈ ಕಾಂಗ್ರೆಸ್ ಮುಖ್ಯಸ್ಥ ಸಂಜಯ್ ನಿರುಪಮ್ ಬಿಜೆಪಿ ಸರಕಾರದ ವಿರುದ್ಧ ಕಿಡಿಕಾರಿದ್ದಾರೆ. ಮುಖ್ಯಮಂತ್ರಿಗಳ ಕಚೇರಿಯಲ್ಲಿ ನೀಡುವ ಚಹಾ ಮತ್ತು ತಿಂಡಿಯ ಖರ್ಚಿನಲ್ಲಿ ಶೇಕಡಾ 577 ಏರಿಕೆಯಾಗಿದೆ ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಬೆಲೆ ಇಷ್ಟಾ ಅನ್ನೋ ಚಿದಂಬರಂ ಪ್ರಶ್ನೆಗೆ ಟ್ವಿಟ್ಟಿಗರು ಕೊಟ್ರು ನೋಡಿ ಮಾರುತ್ತರ?

"ಮುಖ್ಯಮಂತ್ರಿ ದೇವೆಂದ್ರ ಫಡ್ನವೀಸ್ ಯಾವ ರೀತಿಯ ಚಹಾ ಕುಡಿಯುತ್ತಿದ್ದಾರೆ?" ಎಂದವರು ಸಿಟ್ಟಿನಿಂದ ಪ್ರಶ್ನಿಸಿದ್ದಾರೆ.

"2016ರಲ್ಲಿ ಚಹಾ ಮತ್ತು ತಿಂಡಿಗೆ 58 ಲಕ್ಷ ರೂಪಾಯಿ ಖರ್ಚಾಗುತ್ತಿತ್ತು. ಈ ಹಣ 2017-18ರಲ್ಲಿ ರೂ. 3.34 ಕೋಟಿಗೆ ಏರಿಕೆಯಾಗಿದೆ. ಒಟ್ಟಾರೆ ಟೀ ಮತ್ತು ಸ್ನಾಕ್ ಖರ್ಚಿನಲ್ಲಿ ಶೇಕಡಾ 577 ರಷ್ಟು ಏರಿಕೆ ಆಗಿರುವುದು ಆರ್.ಟಿ.ಐ ಮಾಹಿತಿಗಳಿಂದ ತಿಳಿದು ಬಂದಿದೆ," ಎಂದವರು ಆರೋಪಿಸಿದ್ದಾರೆ.

"ಮುಖ್ಯಮಂತ್ರಿಗಳ ಕಚೇರಿಯಲ್ಲಿ ಪ್ರತಿದಿನ 18,591 ಲೋಟ ಚಹಾ ವಿತರಣೆ ಮಾಡಲಾಗುತ್ತಿದೆ. ದೇವೇಂದ್ರ ಫಡ್ನವೀಸ್ ಅವರು ಇದರಲ್ಲಿ ಯಾವ ರೀತಿಯ ಚಹಾ ಸೇವಿಸುತ್ತಾರೆ. ನಾವು ಗ್ರೀನ್ ಟೀ, ಯೆಲ್ಲೋ ಟೀ ಕೇಳಿದ್ದೇವೆ. ಬಹುಶಃ ದೇವೇಂದ್ರ ಫಡ್ನವೀಸ್ ಗೋಲ್ಡನ್ ಟೀ (ಚಿನ್ನದ ಚಹಾ) ಸೇವಿಸುತ್ತಿರಬಹುದು," ಎಂದವರು ಅಣಕವಾಡಿದ್ದಾರೆ. ಮಹಾರಾಷ್ಟ್ರದಲ್ಲಿ ಪ್ರತಿದಿನ ರೈತರು ಸಾವನ್ನಪ್ಪುತ್ತಿರುವಾಗ ನನಗೆ ಈ ಚಹಾದ ದುಬಾರಿ ಖರ್ಚು ಅರ್ಥವಾಗುತ್ತಿಲ್ಲ ಎಂದು ನಿರುಪಮ್ ಹೇಳಿದ್ದಾರೆ.

ವಿಧಾನಸಭೆ ಚುನಾವಣೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಧಾನಿ ನರೇಂದ್ರ ಮೋದಿ ತಾವೊಬ್ಬ ಚಾಯ್ ವಾಲಾ ಎನ್ನುತ್ತಾರೆ. ಆದರೆ ಇವರಲ್ಲಿ ಚಹಾದ ಹೆಸರಿನಲ್ಲಿ ಹಣ ಹೊಡೆಯುತ್ತಾರೆ ಎಂದವರು ಟೀಕಿಸಿದ್ದಾರೆ.

ಇದೇ ವೇಳೆ ಇಲ್ಲಿನ ಆಡಳಿತ ಕೇಂದ್ರ 'ಮಂತ್ರಾಲಯ'ದಲ್ಲಿ ಇಲಿ ಮತ್ತು ಹೆಗ್ಗಣ ಹಿಡಿಯುವ ಯೋಜನೆಯಲ್ಲೂ ಅಕ್ರಮ ನಡೆದಿದೆ ಎಂದು ಮುಂಬೈ ಕಾಂಗ್ರೆಸ್ ಮುಖ್ಯಸ್ಥರು ಆರೋಪಿಸಿದ್ದಾರೆ.

ಈ ಆರೋಪಗಳಿಗೆ ಸಂಬಂಧಿಸಿದಂತೆ ಇಲ್ಲಿಯವರೆಗೆ ಮುಖ್ಯಮಂತ್ರಿಗಳ ಕಾರ್ಯಾಲಯ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ಇನ್ನಷ್ಟು ಮುಂಬೈ ಸುದ್ದಿಗಳುView All

English summary
There appears to be a storm brewing in a teacup in Maharashtra with the Congress accusing the Chief Minister’s Office of inflating bills on tea and snacks.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more