ಮಂಗಳೂರು : ಕಾಡಿನಲ್ಲಿ ಎರಡು ಅಸ್ತಿಪಂಜರ ಪತ್ತೆ

Updated: Friday, November 28, 2014, 16:12 [IST]

ಮಂಗಳೂರು, ನ.28 : ಮುಲ್ಕಿ ಸಮೀಪದ ಕೆರೆಕಾಡು ಎಂಬಲ್ಲಿನ ಕಾಡಿನಲ್ಲಿ ಸಂಪೂರ್ಣ ಕೊಳೆತ ಸ್ಥಿತಿಯಲ್ಲಿ ಎರಡು ಮೃತ ದೇಹಗಳು ಪತ್ತೆಯಾಗಿವೆ. ಸಾವಿಗೀಡಾದವರನ್ನು ಪ್ರೇಮಿಗಳೆಂದು ಶಂಕಿಸಲಾಗಿದೆ. ಮರಕ್ಕೆ ನೇಣು ಹಾಕಿಕೊಂಡು ಇಬ್ಬರು ಮೃಪಟ್ಟಿರಬಹುದು ಎಂದು ಪೊಲೀಸರು ಹೇಳಿದ್ದಾರೆ.

ಶುಕ್ರವಾರ ಮಧ್ಯಾಹ್ನ ಕೆರೆಕಾಡು ಪರಿಸರದ ದಟ್ಟವಾದ ಕಾಡಿನಲ್ಲಿ ಈ ಮೃತದೇಹಗಳು ಪತ್ತೆಯಾಗಿದ್ದು, ಎರಡೂ ದೇಹಗಳು ಕೊಳೆತು ಅಸ್ತಿ ಪಂಜರಗಳಾಗಿವೆ. ಈ ಕಾಡಿಗೆ ಜನರು ಹೋಗದ ಕಾರಣ ಪ್ರಕರಣ ತಡವಾಗಿ ಬೆಳಕಿಗೆ ಬಂದಿದೆ. [ಚಿತ್ರಗಳು : ಐಸಾಕ್ ರಿಚರ್ಡ್, ಮಂಗಳೂರು]

ಇಂದು ಮಧ್ಯಾಹ್ನ ಸ್ಥಳೀಯರು ಕಟ್ಟಿಗೆ ಸಂಗ್ರಹಿಸಲೆಂದು ಕಾಡಿಗೆ ಹೋದಾಗ ಎರಡು ಕೊಳೆತಿರುವ ಶವಗಳು ಪತ್ತೆಯಾಗಿದೆ. ಮರಕ್ಕೆ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಶಂಕಿಸಲಾಗಿದ್ದು, ಸ್ಥಳದಲ್ಲಿ ಹಗ್ಗ, ಯುವತಿಯ ಬಟ್ಟೆ ಮುಂತಾದ ವಸ್ತುಗಳು ಪತ್ತೆಯಾಗಿವೆ.