ಮಂಗಳೂರು : ಬಜ್ಪೆಯಲ್ಲಿ 8 ಪೆಟ್ರೋಲ್ ಬಾಂಬ್ ಪತ್ತೆ

By ಐಸಾಕ್ ರಿಚರ್ಡ್, ಮಂಗಳೂರು

Updated: Tuesday, March 31, 2015, 11:50 [IST]

ಮಂಗಳೂರು, ಮಾರ್ಚ್ 31 : ಮಂಗಳೂರಿನಲ್ಲಿ 8 ಪೆಟ್ರೋಲ್ ಬಾಂಬ್, 2 ತಲವಾರ್ ಪತ್ತೆಯಾಗಿವೆ. ಬಜ್ಪೆ ಪೊಲೀಸರು ಸ್ಥಳಕ್ಕೆ ತೆರಳಿ ಅವುಗಳನ್ನು ವಶಕ್ಕೆ ಪಡೆದಿದ್ದು, ತನಿಖೆ ನಡೆಸುತ್ತಿದ್ದಾರೆ. ಸ್ಥಳಕ್ಕೆ ನಗರ ಪೊಲೀಸ್ ಆಯುಕ್ತ ಮುರುಗನ್ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.

ಮಾ.30ರ ಸೋಮವಾರ ರಾತ್ರಿ ಗಂಜಿಮಠದಲ್ಲಿರುವ ಟೆಲಿಫೋನ್ ಕಚೇರಿ ಕಾಪೌಂಡ್‌ನಲ್ಲಿ ಚೀಲದಲ್ಲಿ ತುಂಬಿಟ್ಟಿದ್ದ 8 ಪೆಟ್ರೋಲ್ ಬಾಂಬ್, 2 ತಲವಾರ್, ಬೆಂಕಿ ಪೊಟ್ಟಣ ಪತ್ತೆಯಾಗಿದೆ. ಇದನ್ನು ನೋಡಿದ ಸ್ಥಳೀಯರು ಬಜ್ಪೆ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ. [ಮಂಗಳೂರು : ಪಾಲಿಕೆ ಬಜೆಟ್ ಮುಖ್ಯಾಂಶಗಳು]

ಟೆಲಿಫೋನ್ ಕಚೇರಿ ಕಾಪೌಂಡ್‌ನಲ್ಲಿ ವಾಸಿಸುವವರು ಸೋಮವಾರ ರಾತ್ರಿ ಕಸವನ್ನು ಬಿಸಾಡಲು ಆಗಮಿಸುತ್ತಿದ್ದಾಗ ಪೊದೆಯಲ್ಲಿ ಚೀಲವನ್ನು ನೋಡಿದ್ದಾರೆ. ಅದನ್ನು ತೆರದು ನೋಡಿದಾಗ ಬಾಂಬ್ ಮತ್ತು ತಲವಾರ್ ಪತ್ತೆಯಾಗಿದೆ. ತಕ್ಷಣ ಅವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. [ಮಂಗಳೂರು : ಕಡಿಮೆ ಸಂಬಳ ಕೊಟ್ಟರೆಂದು ಚರ್ಚ್‌ಗೆ ಕಲ್ಲೆಸದ]

ಬಜ್ಪೆ ಪೊಲೀಸರು ಸ್ಥಳಕ್ಕೆ ತೆರಳಿ ಬಾಂಬ್‌ಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. ಇವುಗಳು ಯಾರಿಗೆ ಸೇರಿದ್ದು? ಎಂಬ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ. ಗಲಭೆ ನಡೆಸಲು ಸಂಚು ರೂಪಿಸಿ ಇವುಗಳನ್ನು ತಂದಿರಬಹುದು ಎಂದು ಪೊಲೀಸರು ಶಂಕಿಸಿದ್ದು, ತನಿಖೆ ಮುಂದುವರೆದಿದೆ.