ಕೋಸ್ಟ್ ಗಾರ್ಡ್ ಗೆ ಬಂತು ಹೈ ಸ್ಪೀಡ್ ಇಂಟರ್ ಸೆಪ್ಟರ್ ನೌಕೆ
ಮಂಗಳೂರು, ಸೆಪ್ಟೆಂಬರ್ 24 : ನಗರದ ತಣ್ಣೀರುಬಾವಿಯ ಭಾರತಿ ಡಿಫೆನ್ಸ್ ಅಂಡ್ ಇನ್ಫ್ರಾಸ್ಟಕ್ಚರ್ ಲಿಮಿಟೆಡ್ ಸಂಸ್ಥೆ ನಿರ್ಮಿತ ಹೈಸ್ಪೀಡ್ ಇಂಟರ್ ಸೆಪ್ಟರ್ ನೌಕೆಯನ್ನು ಇಂಡಿಯನ್ ಕೋಸ್ಟ್ ಗಾರ್ಡ್ ಗೆ ಹಸ್ತಾಂತರಿಸಲಾಗಿದೆ.
ತಣ್ಣೀರುಬಾವಿಯ ಬಿಐಎಎಲ್ ಆವರಣದಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಬಿಡಿಎಲ್ ನ ಸಿಒಒ ನರೇಂದ್ರ ಕುಮಾರ್ ಹಾಗೂ ಇತರ ಅಧಿಕಾರಿಗಳ ಸಮ್ಮುಖದಲ್ಲಿ ನೌಕೆಯನ್ನು ನೀರಿಗೆ ಇಳಿಸುವ ಮೂಲಕ ಅಧಿಕೃತವಾಗಿ ಹಸ್ತಾಂತರಿಸಲಾಯಿತು.
ಈ ನೌಕೆ ಸುಮಾರು 54 ಟನ್ ತೂಕವಿದೆ. ಇದನ್ನು ನಿರ್ಮಾಣ ಮಾಡಲು ಸುಮಾರು 18 ಕೋಟಿ ರೂ. ವೆಚ್ಚವಾಗಿದೆ. ಈ ನೌಕೆ ಸಮುದ್ರದ ಯಾವುದೇ ಪರಿಸ್ಥಿತಿಗೆ ತಕ್ಕಂತೆ ಸಂಚರಿಸಬಲ್ಲರು. ಕಡಿಮೆ ನೀರಿನಲ್ಲೂ ಇದು ಸರಾಗವಾಗಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ.
ಪ್ರಸ್ತುತ ಈ ನೌಕೆಯನ್ನು ಹಸ್ತಾಂತರಿಸುವ ಪ್ರಕ್ರಿಯೆ ನಡೆದಿದೆ. ಕೋಸ್ಟ್ ಗಾರ್ಡ್ ಅವರು ತಮಗೆ ಬೇಕಾದ ಆಂತರಿಕ ವಿನ್ಯಾಸದ ಕೆಲಸಗಳನ್ನು ಇನ್ನಷ್ಟೇ ನಡೆಸಬೇಕಾಗಿದೆ. ಮುಂದಿನ ತಿಂಗಳು ಈ ನೌಕೆ ಕೆಲಸ ಮಾಡಲು ಆರಂಭಿಸಲಿದೆ.
ಭಾರತಿ ಡಿಫೆನ್ಸ್ ಅಂಡ್ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್ ಮೂಲಕ ಈಗಾಗಲೇ 5 ಸಣ್ಣ ನೌಕೆಗಳನ್ನು ಅನಾವರಣಗೊಳಿಸಲಾಗಿದೆ. ಇನ್ನೊಂದು ನೌಕೆ ಮುಂದಿನ ಡಿಸೆಂಬರ್ ಗೆ ಸಿದ್ಧವಾಗಿದೆ. ಒಟ್ಟಾರೆ ಇದುವರೆಗೆ ಸುಮಾರು 20 ನೌಕೆಗಳನ್ನು ನಿರ್ಮಿಸಲಾಗಿದೆ.
Click it and Unblock the Notifications
Sign in with Google