ವಿಶ್ವ ಸೂಪರ್ ಮಾಡೆಲ್ ಟೀನ್ ಸ್ಪರ್ಧೆಗೆ ಕರಾವಳಿ ಬೆಡಗಿ ಜೊಸಿಟಾ

By ಮಂಗಳೂರು ಪ್ರತಿನಿಧಿ

Updated: Thursday, May 4, 2017, 15:45 [IST]

ಮಂಗಳೂರು, ಮೇ 04 : ವಿಶ್ವ ಸೂಪರ್ ಮಾಡೆಲ್ ಟೀನ್ ಸ್ಪರ್ಧೆಗೆ ಕರಾವಳಿಯ ಸುಂದರಿ ಜೊಸಿಟಾ ಅನೋಲಾ ರಾಡ್ರಿಗಸ್ ಅವರು ದಕ್ಷಿಣ ಏಷ್ಯಾವನ್ನು ಪ್ರತಿನಿಧಿಸಲಿದ್ದಾರೆ.

ಈ ಸ್ಪರ್ಧೆ ಇದೇ ಮೇ 20 ಮತ್ತು 28 ರಂದು ಚೀನಾದ ಮಕಾವುನಲ್ಲಿ ನಡೆಯಲಿಯಲಿದೆ. ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಆಡಿಶನ್ ನಲ್ಲಿ ಭಾಗವಹಿಸಿದ್ದ 150 ಸ್ಪರ್ಧಿಯ ಪೈಕಿ ಮಂಗಳೂರಿನ ಶಾರದಾ ಪಿಯು ಕಾಲೇಜಿನ ವಿದ್ಯಾರ್ಥಿಯಾದ ಜೊಸಿಟಾ ಅನೋಲಾ ರಾಡ್ರಿಗಸ್ ಅವರನ್ನು ವರ್ಲ್ಡ್ ಸೂಪರ್ ಮಾಡೆಲ್ ಟೀನ್ ಸ್ಪರ್ಧೆಗೆ ಆಯ್ಕೆ ಮಾಡಲಾಯಿತು.[ದ. ಕೊರಿಯಾದ ಸೌಂದರ್ಯ ಸ್ಪರ್ಧೆಗೆ ಕರಾವಳಿ ಬೆಡಗಿ ನಿಮಿಕಾ]

Mangalorean Jocita Rodrigues to compete in World Teen pageant in Macau, china

ಈ ಸ್ಪರ್ಧೆಯ ವಿಜೇತರಿಗೆ 'ಟ್ರಂಪ್ ಮಾಡೆಲ್ ಏಜೆನ್ಸಿ' ಜತೆ ಮಾಡೆಲಿಂಗ್ ಒಪ್ಪಂದಕ್ಕೆ ಸಹಿ ಹಾಕುವ ಅವಕಾಶ ದೊರೆಯಲಿದ್ದು, ಈ ಏಜೆನ್ಸಿಯನ್ನು ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಕುಟುಂಬದವರು ನಡೆಸುತ್ತಿದ್ದಾರೆ.

ಜೊಸಿಟಾ ರೊಡ್ರಿಗಸ್ ಕೊಡಿಯಾಲ್ ಬೈಲ್ ನ ನಿವಾಸಿ ಅನಿತಾ ಲೋಬೋ ಅವರ ಪುತ್ರಿ ಜೊಸಿಟಾ, ಶಾರದಾ ಪಿಯು ಕಾಲೇಜ್ ನಲ್ಲಿ ಮೊದಲ ವರ್ಷ ಪಿಯುಸಿ ಪೂರ್ಣಗೊಳಿಸಿದ್ದು ಪ್ರಸಕ್ತ ಸಾಲಿನಲ್ಲಿ ದ್ವಿತೀಯ ಪಿಯುಸಿಗೆ ಕಾಲಿಡಲಿದ್ದಾರೆ.

ಜೊಸಿಟಾ ಅವರು ಅನುಪಮ ಸುವರ್ಣ ನೇತೃತ್ವದಲ್ಲಿ ಫ್ಯಾಶನ್ ಎಬಿಸಿಡಿ ಎಂಬಲ್ಲಿ ಮಾಡಲಿಂಗ್ ತರಬೇತಿ ಪಡೆದಿದ್ದಾರೆ. ಇದಲ್ಲದೆ ಜೊಸಿಟಾ ಸಿಜ್ಲಿಂಗ್ ಗೈಸ್ ಡ್ಯಾನ್ಸ್ ಸ್ಟುಡಿಯೊದ ಶುಭಕಿರಣ್ ಅವರ ಮಾರ್ಗದರ್ಶನದಡಿ ವೃತ್ತಿಪರ ನೃತ್ಯ ತರಬೇತಿ ಕೂಡಾ ಪಡೆದಿದ್ದಾರೆ.

ಮೇ 20 ಮತ್ತು 28 ರಂದು ಚೀನಾದ ಮಕಾವುನಲ್ಲಿ ನಡೆಯಲಿರುವ ವರ್ಲ್ಡ್ ಸೂಪರ್ ಮಾಡೆಲ್ ಟೀನ್ ಸ್ಪರ್ಧೆಯಲ್ಲಿ ಸ್ಪರ್ಧಿಸಲಿರುವ ಜೊಸಿಟಾ ಅನೋಲಾ ರಾಡ್ರಿಗಸ್ ಜಯಶಾಲಿಯಾಗಿ ಬರಲಿ ಎಂದು ಶುಭ ಹಾರಿಸೋಣ. ಆಲ್ ದಿ ಬೆಸ್ಟ್ ಜೊಸಿಟಾ..