ಮಂಗಳೂರಲ್ಲಿ ಕೆಎಂಎಫ್ ಮೊಸರಿನಲ್ಲಿ ಕೊಳೆತ ಕಾಗದ ಪತ್ತೆ
ಮಂಗಳೂರು, ಮಾರ್ಚ್ 21 : ಮಂಗಳೂರು ನಗರದಲ್ಲಿ ಕೆಎಂಎಫ್ ಮೊಸರಿನ ಪ್ಯಾಕೆಟ್ನಲ್ಲಿ ಕೊಳೆತ ಕಾಗದ ಪತ್ತೆಯಾಗಿದೆ. ಈ ಮೊಸರು ಸೇವಿಸಿದ ಗರ್ಭಿಣಿ ಸೇರಿದಂತೆ 3 ಮಂದಿ ಅಸ್ವಸ್ಥಗೊಂಡಿದ್ದಾರೆ.
ಮಂಗಳೂರಿನ ಕುದ್ರೋಳಿ ನಿವಾಸಿ ವಸಂತ ಹಾಗೂ ಶೀಲಾ ದಂಪತಿ ಶನಿವಾರ ಮನೆಯ ಪಕ್ಕದ ಅಂಗಡಿಯಿಂದ ಮೊಸರನ್ನು ತಂದಿದ್ದರು. ಮಧ್ಯಾಹ್ನ ಊಟಕ್ಕೆ ಅದನ್ನು ಬಳಸಿದ್ದರು. ಉಳಿದ ಮೊಸರನ್ನು ಪಕ್ಕದ ಮನೆಯಲ್ಲಿದ್ದ ನಿಶ್ಮಿತಾ ಅವರಿಗೂ ನೀಡಿದ್ದರು. [ಅಪಾರ್ಟ್ ಮೆಂಟ್ ಗಳಲ್ಲಿ ನಂದಿನಿ ಬೂತ್ ಆರಂಭ]
ಊಟ ಮಾಡಿದ ಸ್ವಲ್ಪ ಸಮಯಕ್ಕೆ ಎಲ್ಲರೂ ಅಸ್ವಸ್ಥಗೊಂಡಿದ್ದಾರೆ. ಮನೆ ಮದ್ದನ್ನು ಸೇವಿಸಿ ಸುಧಾರಿಸಿಕೊಂಡಿದ್ದಾರೆ. ರಾತ್ರಿ ಫ್ರಿಜ್ನಲ್ಲಿ ಇಟ್ಟಿದ್ದ ಮೊಸರನ್ನು ನೋಡಿದಾಗ ಅದರಿಂದ ಕೆಟ್ಟವಾಸನೆ ಬಂದಿದೆ. ಪ್ಯಾಕೆಟ್ ಪರಿಶೀಲನೆ ನಡೆಸಿದಾಗ ಅದರಲ್ಲಿ, ಕೊಳೆತ ಕಾಗದದ ತುಂಡುಗಳು ಪತ್ತೆಯಾಗಿವೆ. [ಹಾಲಿನ ದರ 4 ರೂ ಏರಿಕೆ, ಎಲ್ಲಿ ದರ ಎಷ್ಟಿದೆ?]
ಕೆಎಂಎಫ್ ಅಧಿಕಾರಿಗಳಿಗೆ ದೂರು : ಸರ್ಕಾರದ ಅಧೀನದಲ್ಲಿರುವ ಕೆಎಂಎಫ್ನಲ್ಲಿ ಶುದ್ಧವಾದ ಹಾಲು, ಮೊಸರು ಸಿಗುತ್ತದೆಂದು ಕೆಎಂಎಫ್ ಉತ್ಪನ್ನಗಳನ್ನು ಖರೀದಿಸಿದರೆ ಅದರಲ್ಲೂ ಈ ರೀತಿಯಾದ ಕಲಬೆರಕೆ ವಸ್ತುಗಳು ಪತ್ತೆಯಾಗುತ್ತಿದೆ ಎಂದು ವಸಂತ ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. [ಮೊಸರಿನ ದರ 2 ರೂ. ಏರಿಕೆ ಮಾಡಿದ ಕೆಎಂಎಫ್]
ಘಟನೆಯ ಕುರಿತು ಕೆಎಂಎಫ್ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ಅಧಿಕಾರಿಗಳು ಮೊಸರನ್ನು ಪರಿಶೀಲಿಸಿ ಜನರ ಯಾವುದೇ ಪ್ರಶ್ನೆಗಳಿಗೆ ಸೂಕ್ತ ಉತ್ತರ ನೀಡದೇ ಅಲ್ಲಿಂದ ತೆರಳಿದ್ದಾರೆ. ಮೊಸರು ಸೇವಿಸಿ ಅಸ್ವಸ್ಥಗೊಂಡ ಮೂವರು ಚೇತರಿಸಿಕೊಂಡಿದ್ದಾರೆ.
Click it and Unblock the Notifications
Sign in with Google