ವಿಡಿಯೋ: ಚಿನ್ನದ ಪದಕ ಪಡೆದು ವೇದಿಕೆ ಮೇಲೆಯೇ ಸಿಎಎ ಪ್ರತಿ ಹರಿದ ಯುವತಿ
ಕೊಲ್ಕತ್ತ, ಡಿಸೆಂಬರ್ 26: ಚಿನ್ನದ ಪದಕ ಪಡೆದ ಪ್ರತಿಭಾನ್ವಿತ ವಿದ್ಯಾರ್ಥಿನಿ ಅದೇ ವೇದಿಕೆ ಮೇಲೆ ಸಿಎಎ ವಿರುದ್ಧ ಪ್ರತಿಭಟನೆ ನಡೆಸಿ ಪೌರತ್ವ ಕಾಯ್ದೆಯ ಪ್ರತಿಯನ್ನು ಹರಿದು ಹಾಕಿ ಪ್ರತಿಭಟನೆ ನಡೆಸಿದ್ದಾರೆ.
ಪಶ್ಚಿಮ ಬಂಗಾಳ ರಾಜ್ಯದ ಕೊಲ್ಕತ್ತದಲ್ಲಿನ ಜಾದವ್ಪುರ ವಿಶ್ವವಿದ್ಯಾಲಯದ ವಿದ್ಯಾರ್ಥಿನಿ ದೇಬಸ್ಮಿತಾ ಚೌಧರಿ ಅವರಿಗೆ ಇಂದು ಸ್ನಾತಕೋತ್ತರ ಪದವಿ ಪ್ರದಾನ ಮಾಡಲಾಯಿತು. ಅವರಿಗೆ ಚಿನ್ನದ ಪದಕವನ್ನೂ ನೀಡಲಾಯಿತು. ಪದಕ ಸ್ವೀಕರಿಸಿದ ವೇದಿಕೆಯಲ್ಲಿಯೇ ಎಲ್ಲ ಗಣ್ಯರ ಎದುರೇ ಪೌರತ್ವ ಕಾಯ್ದೆಯ ಪ್ರತಿಯನ್ನು ಹರಿದು ಪ್ರತಿಭಟಿಸಿದರು.
Debsmita Chowdhury, a gold medalist tore up the controversial #CitizenshipAct in protest while accepting her degree at the Jadavpur University convocation today pic.twitter.com/iBCwuS9A7w
— Indrojit | ইন্দ্রজিৎ (@iindrojit) December 24, 2019
ವೇದಿಕೆಯ ಮೇಲೆ ಪದವಿ ಸ್ವೀಕರಿಸಿ ನಗುತ್ತಲೇ ಕುಲಪತಿಗಳ ಅನುಮತಿ ಪಡೆದು, ವೇದಿಕೆ ಮುಂಭಾಗಕ್ಕೆ ಬಂದು ಸಿಎಎ ಪ್ರತಿ ಹರಿದು, 'ಇನ್ಕ್ವಿಲಾಬ್ ಜಿಂದಾಬಾದ್' ಘೋಷಣೆ ಕೂಗಿದರು. 'ನಾನು ನನ್ನ ದಾಖಲೆಗಳನ್ನು ತೋರಿಸುವುದಿಲ್ಲ' ಎಂದು ಜೋರಾಗಿ ಕೂಗಿ ಹೇಳಿ, ಸಭಿಕರಿಗೆ ನಮಿಸಿ ವೇದಿಕೆಯಿಂದ ಹೊರನಡೆದರು. ದೇಬಸ್ಮಿತಾ ಚೌಧರಿ ಅವರ ಈ ಪ್ರತಿಭಟನೆಗೆ ವಿದ್ಯಾರ್ಥಿಗಳ ಕರತಾಡನದ ಸ್ವಾಗತ ಸಿಕ್ಕಿತು.
ಅದೇ ದಿನ ಪಶ್ಚಿಮ ಬಂಗಾಳದ ರಾಜ್ಯಪಾಲ ಜಗದೀಪ್ ಧಾನ್ಕರ್ ಅವರು ಪದವಿ ಪ್ರದಾನ ಸಮಾರಂಭದಲ್ಲಿ ಭಾಗಿಯಾಗಲು ವಿವಿ ಗೆ ಆಗಮಿಸಿದಾಗ ವಿದ್ಯಾರ್ಥಿಗಳು ಪ್ರತಿಭಟನೆ ಮಾಡಿದರು. ಕಪ್ಪು ಬಟ್ಟೆ ಪ್ರದರ್ಶಿಸಿ ರಾಜ್ಯಪಾಲರನ್ನು ಹಿಂತಿರುಗಿ ಹೋಗುವಂತೆ ಮಾಡಿದರು. ಕೆಲವು ಶಿಕ್ಷಕರೂ ವಿದ್ಯಾರ್ಥಿಗಳಿಗೆ ಜೊತೆಯಾದರು.
Click it and Unblock the Notifications
Sign in with Google