• search

ಕಾರವಾರ ಕಡಲ ತೀರದಲ್ಲಿ 2 ಭಾಗವಾಗಿ ಬಿದ್ದಿದ್ದ ನೀಲಿ ತಿಮಿಂಗಿಲ ಕಳೇಬರ

By ಕಾರವಾರ ಪ್ರತಿನಿಧಿ
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಕಾರವಾರ, ಫೆಬ್ರವರಿ 19 : ಇಲ್ಲಿನ ಟಾಗೋರ್ ಕಡಲತೀರದ ರಾಕ್ ಗಾರ್ಡನ್ ಸಮೀಪ ಮತ್ತು ದಿವೇಕರ ಕಾಲೇಜ್ ಹಿಂಭಾಗದಲ್ಲಿ ಮೃತ ತಿಮಿಂಗಿಲದ ಎರಡು ಭಾಗಗಳು ಭಾನುವಾರ ಪತ್ತೆಯಾಗಿವೆ. 15 ಮೀಟರ್ ಉದ್ದವಿದ್ದ ನೀಲಿ ತಿಮಿಂಗಿಲದ (ಬ್ಲೂ ವ್ಹೇಲ್) ಕಳೇಬರವನ್ನು ತೀರದಲ್ಲಿಯೇ ಹೂಳಲಾಗಿದೆ.

    ಅರಬ್ಬಿ ಸಮುದ್ರದಲ್ಲಿ ಹೆಚ್ಚಾಗಿ ಕಂಡುಬರುವ ನೀಲಿ ತಿಮಿಂಗಿಲ ಅಥವಾ ಬಲೇನ್ ವ್ಹೇಲ್ ತಳಿಯ ತಿಮಿಂಗಿಲ ಇದಾಗಿದೆ. ತಿಮಿಂಗಿಲದ ಮೃತದೇಹ ಎರಡು ಬೇರೆ ಬೇರೆ ಭಾಗಗಳಾಗಿ ಬಿದ್ದಿದ್ದವು. ಒಂದು ಭಾಗ ರಾಕ್ ಗಾರ್ಡನ್ ಬಳಿ ತೀರದಲ್ಲಿ ದೊರೆತಿದ್ದರೆ, ಮತ್ತೊಂದು ಭಾಗ ದಿವಾಕರ ವಾಣಿಜ್ಯ ಕಾಲೇಜಿನ ಹಿಂಭಾಗದಲ್ಲಿ ಪತ್ತೆಯಾಗಿತ್ತು.

    ಕಾರವಾರ ಕಡಲ ತೀರದಲ್ಲಿ ತೇಲಿತು ಮೂರು ಮೀಟರ್ ಉದ್ದದ ಡಾಲ್ಫಿನ್ ಕಳೇಬರ

    ದೇಹಕ್ಕೆ ಹಳದಿ ಬಣ್ಣದ ಪ್ಲಾಸ್ಟಿಕ್ ಹಗ್ಗ ಬಿಗಿದುಕೊಂಡಿತ್ತು. ಕಳೇಬರ ದೊರೆತ ಸ್ಥಳಕ್ಕೆ ಭೇಟಿ ನೀಡಿ, ಪರಿಶೀಲಿಸಿದ ಕಡಲಜೀವಶಾಸ್ತ್ರ ಅಧ್ಯಯನ ಕೇಂದ್ರದ ಶಿವಕುಮಾರ್ ಹರಗಿ ನೇತೃತ್ವದ ತಂಡ, 14 ರಿಂದ 16 ವರ್ಷ ಪ್ರಾಯದ ತಿಮಿಂಗಿಲ ಇರಬಹುದು ಎಂದು ಅಂದಾಜಿಸಿದ್ದಾರೆ.

    Blue wale corpse found in Karwar beach

    ಸಂಪೂರ್ಣ ಕೊಳೆತ ಅವಸ್ಥೆಯಲ್ಲಿ ಇದ್ದದರಿಂದ ಸಾವಿಗೆ ಸ್ಪಷ್ಟ ಕಾರಣ ತಿಳಿಯಲು ಕಷ್ಟವಾಗಿದೆ ಎಂದು ತಂಡ ತಿಳಿಸಿದೆ. ಆದರೆ ಸುಮಾರು 3 ದಿನಗಳ ಹಿಂದೆಯೇ ಮೃತಪಟ್ಟಿರಬಹುದು ಎಂದು ಅಂದಾಜಿಸಲಾಗಿದೆ.

    ದೊಡ್ಡ ಗಾತ್ರದ ತಿಮಿಂಗಿಲದ ಕಳೇಬರವನ್ನು ವಲಯ ಅರಣ್ಯಾಧಿಕಾರಿ ರಾಘವೇಂದ್ರ ನಾಯ್ಕ ಮಾರ್ಗದರ್ಶನದಲ್ಲಿ ಅರಣ್ಯ ಇಲಾಖೆ ಸಿಬ್ಬಂದಿ ಕಡಲತೀರದಲ್ಲಿ ಹೂತಿದ್ದಾರೆ. ಕಳೇಬರವನ್ನು ಸಾಗಿಸಲು ನಗರಸಭೆ ಮತ್ತು ರಾಕ್ ಗಾರ್ಡನ್ ಕಾಮಗಾರಿ ನಡೆಯುವ ಸ್ಥಳದಲ್ಲಿದ್ದ ಜೆಸಿಬಿ ಬಳಸಿಕೊಳ್ಳಲಾಯಿತು.

    ಕಡಲತೀರದಲ್ಲಿ ಎರಡು ಭಾಗವಾಗಿ ದೊರೆತ ತಿಮಿಂಗಿಲದ ದೇಹಕ್ಕೆ ಹಳದಿ ಬಣ್ಣದ ಹಗ್ಗ ಬಿಗಿದುಕೊಂಡಿತ್ತು. ಸಮುದ್ರದಲ್ಲಿ ತೇಲುತ್ತಿದ್ದ ಕಳೇಬರವನ್ನು ಮೀನುಗಾರಿಕಾ ಬೋಟ್ ನವರು ಹಗ್ಗ ಕಟ್ಟಿ ದಡಕ್ಕೆ ತಂದಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Blue wale corpse found in Karwar beach on Sunday. There was suspicion of killing blue wale. It was cremated.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more