Amul: MD ಹುದ್ದೆದಿಂದ ಆರ್ ಎಸ್ ಸೋಧಿ ಹಠಾತ್ ವಜಾ, ಏಕೆ ಗೊತ್ತಾ?
ಅಹಮದಾಬಾದ್, ಜನವರಿ 9: ಹಠಾತ್ ಬೆಳವಣಿಗೆಯಲ್ಲಿ ಯಾವುದೇ ಕಾರಣವನ್ನು ನೀಡದೆ ಗುಜರಾತ್ ಕೋ-ಆಪರೇಟಿವ್ ಮಿಲ್ಕ್ ಮಾರ್ಕೆಟಿಂಗ್ ಫೆಡರೇಶನ್ ಲಿಮಿಟೆಡ್ (ಜಿಸಿಎಂಎಂಎಫ್) ಸೋಮವಾರ ತನ್ನ ದೀರ್ಘಕಾಲ ಸೇವೆ ಸಲ್ಲಿಸಿದ ವ್ಯವಸ್ಥಾಪಕ ನಿರ್ದೇಶಕ ಆರ್ ಎಸ್ ಸೋಧಿಯನ್ನು ವಜಾಗೊಳಿಸಿದೆ.
ಆದರೆ ಈ ಬಗ್ಗೆ ಸೋಧಿ ತಮ್ಮನ್ನು ತನ್ನ ಕರ್ತವ್ಯದಿಂದ ಮುಕ್ತಗೊಳಿಸುವಂತೆ ಫೆಡರೇಶನ್ ಮಂಡಳಿಗೆ ಮನವಿ ಮಾಡಿದ್ದೇನೆ ಎಂದು ಸೋಧಿ ಹೇಳಿದ್ದಾರೆ. ಗುಜರಾತ್ ಕೋ-ಆಪರೇಟಿವ್ ಮಿಲ್ಕ್ ಮಾರ್ಕೆಟಿಂಗ್ ಫೆಡರೇಶನ್ ಲಿಮಿಟೆಡ್ (ಜಿಸಿಎಂಎಂಎಫ್) ತನ್ನ ಉತ್ಪನ್ನಗಳನ್ನು 'ಅಮುಲ್' ಬ್ರಾಂಡ್ನಲ್ಲಿ ಮಾರಾಟ ಮಾಡುತ್ತಿದೆ.
ಫೆಡರೇಶನ್ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಜಯನ್ಭಾಯ್ ಮೆಹ್ತಾ ಅವರಿಗೆ ವ್ಯವಸ್ಥಾಪಕ ನಿರ್ದೇಶಕರ (MD) ಮಧ್ಯಂತರ ಉಸ್ತುವಾರಿ ನೀಡಲಾಗಿದೆ. ನಾಲ್ಕು ದಶಕಗಳಿಗೂ ಹೆಚ್ಚು ಕಾಲ ಫೆಡರೇಶನ್ನೊಂದಿಗೆ ಸಂಬಂಧ ಹೊಂದಿರುವ ಸೋಧಿ, ಮಂಡಳಿಯು ತಮ್ಮ ಸ್ಥಾನವನ್ನು ತ್ಯಜಿಸುವಂತೆ ಸೂಚಿಸದ ಕೂಡಲೇ ತನ್ನ ರಾಜೀನಾಮೆಯನ್ನು ಹಾಕಿದರು ಎನ್ನಲಾಗಿದೆ.
ಹಠಾತ್ ನಡೆಗೆ ಕಾರಣವನ್ನು ತಕ್ಷಣವೇ ತಿಳಿಯಲು ಸಾಧ್ಯವಾಗದಿದ್ದರೂ ಸೋಧಿ ಅವರು ವಿಸ್ತರಣೆಯಲ್ಲಿರುವುದಾಗಿಯೂ ಅಲ್ಲದೆ ಅವರನ್ನು ಎಂಡಿ ಜವಾಬ್ದಾರಿಯಿಂದ ಬಿಡುಗಡೆ ಮಾಡಲು ಮಂಡಳಿಗೆ ಮನವಿ ಮಾಡಿದ್ದಾಗಿಯೂ ಅವರು ತಿಳಿಸಿದರು. ಸೋಮವಾರ ಗಾಂಧಿನಗರದ ಅಮುಲ್ ಫೆಡ್ ಡೈರಿ ಆವರಣದಲ್ಲಿ ನಡೆದ ಒಕ್ಕೂಟದ ಆಡಳಿತ ಮಂಡಳಿ ಸಭೆಯಲ್ಲಿ ಸೋಧಿ ಸೇವೆಯನ್ನು ಕೊನೆಗೊಳಿಸಲು ನಿರ್ಧರಿಸಲಾಯಿತು.
ಮಂಡಳಿ ಸಭೆಯ ನಿರ್ಣಯ ನಂ. 2 ರ ಪ್ರಕಾರ, ತಕ್ಷಣವೇ ಜಾರಿಗೆ ಬರುವಂತೆ ಫೆಡರೇಶನ್ನ ಎಂಡಿಯಾಗಿ ನಿಮ್ಮ ಸೇವೆಯನ್ನು ಕೊನೆಗೊಳಿಸಲು ಪ್ರಸ್ತಾಪಿಸಲಾಗಿದೆ. ಹೀಗಾಗಿ, ತಕ್ಷಣದಿಂದಲೇ ಜಾರಿಗೆ ಬರುವಂತೆ ಎಂಡಿಯಾಗಿ ನಿಮ್ಮ ಅಧಿಕಾರವನ್ನು ತ್ಯಜಿಸಲು ಮತ್ತು ಅದನ್ನು ಫೆಡರೇಶನ್ ಸಿಒಒಗೆ ಹಸ್ತಾಂತರಿಸಲು ಈ ಮೂಲಕ ನಿರ್ದೇಶಿಸಲಾಗಿದೆ ಎಂದು ಮಂಡಳಿಯ ಜಯೇನ್ಭಾಯ್ ಮೆಹ್ತಾ ಕಳುಹಿಸಿರುವ ಪತ್ರದಲ್ಲಿ ಸೋಧಿಗೆ ತಿಳಿಸಲಾಗಿದೆ.
ಒಕ್ಕೂಟದ ಅಧ್ಯಕ್ಷ ಶಮಲಭಾಯ್ ಪಟೇಲ್ ಮತ್ತು ಉಪಾಧ್ಯಕ್ಷ ವಾಲಂಜಿಭಾಯಿ ಹುಂಬಲ್ ಅವರು ಈ ಪತ್ರಕ್ಕೆ ಸಹಿ ಹಾಕಿದ್ದಾರೆ. ಆದರೆ ಫೆಡರೇಶನ್ನ ಈ ನಿರ್ಧಾರದಿಂದ ತುಂಬಾ ಸಂತೋಷವಾಗಿದೆ ಎಂದು ಸೋಧಿ ಹೇಳಿದರು. ಆದರೆ ಅವರನ್ನು ವಜಾಗೊಳಿಸಲಾಗಿದ್ದು, ಅವರ ಕಚೇರಿಯನ್ನು ಸೀಲ್ ಮಾಡಲಾಗಿದೆ ಎಂದು ಹೇಳುವ ಕೆಲವು ಮಾತುಗಳನ್ನು ನಿರಾಕರಿಸಿದರು.
ಆದರೂ ನಾನು ವಿಸ್ತರಣೆಯಲ್ಲಿದ್ದೇನೆ
ನನ್ನ ಎಂಡಿ ಹುದ್ದೆಯು ಎರಡು ವರ್ಷಗಳ ಹಿಂದೆ ಕೊನೆಗೊಂಡಿತ್ತು. ಆದರೂ ನಾನು ವಿಸ್ತರಣೆಯಲ್ಲಿದ್ದೇ. ಈ ಜವಾಬ್ದಾರಿಯಿಂದ ನನ್ನನ್ನು ಮುಕ್ತಗೊಳಿಸುವಂತೆ ನಾನು ಮಂಡಳಿಗೆ ಮನವಿ ಮಾಡಿದ್ದೇ. ಸೂಕ್ತ ಬದಲಿ ಸಿಕ್ಕ ನಂತರ ನನ್ನನ್ನು ಬಿಡುಗಡೆ ಮಾಡುತ್ತೇವೆ ಎಂದು ಮಂಡಳಿಯು ಸ್ವಲ್ಪ ಸಮಯ ಕಾಯಲು ಹೇಳಿತ್ತು ಎಂದು ಸೋಧಿ ಸುದ್ದಿಗಾರರಿಗೆ ತಿಳಿಸಿದರು.
ಸ್ವಂತ ನಿರ್ಧಾರದಿಂದ ಕೆಳಗಿಳಿಯುತ್ತಿದ್ದೇನೆ
ನನ್ನನ್ನು ಬಿಡುಗಡೆ ಮಾಡುವಂತೆ ನಾನು ಮತ್ತೆ ಜಿಸಿಎಂಎಂಎಫ್ ಮಂಡಳಿಗೆ ಮನವಿ ಮಾಡಿದಾಗ, ಅವರು ಅಂತಿಮವಾಗಿ ನನ್ನ ಮನವಿಯನ್ನು ಸ್ವೀಕರಿಸಿದರು ಮತ್ತು ಇಂದು ನನ್ನನ್ನು ಬಿಡುಗಡೆ ಮಾಡಿದರು. ಇದು ನನ್ನ ಸ್ವಂತ ನಿರ್ಧಾರದಿಂದ ಕೆಳಗಿಳಿಯುತ್ತಿದ್ದೇನೆ. ಇದರಿಂದ ಇಂದು ತುಂಬಾ ಸಂತೋಷವಾಗಿದ್ದೇನೆ ಎಂದು ಅವರು ಹೇಳಿದರು ಎಂದು ಡಿಎಚ್ ವರದಿ ಮಾಡಿದೆ.
2021-22ನೇ ವರ್ಷದಲ್ಲಿ 61,000 ಕೋಟಿ ವಹಿವಾಟು
ಸೋಧಿ ಎಂಡಿಯಾಗಿ ಅಧಿಕಾರ ವಹಿಸಿಕೊಂಡಾಗ 2010-11ನೇ ಹಣಕಾಸು ವರ್ಷದಲ್ಲಿ ಒಕ್ಕೂಟದ ವಹಿವಾಟು ಕೇವಲ 9,774 ಕೋಟಿ ರೂಪಾಯಿ. ಆದರೆ 2021-22ನೇ ಹಣಕಾಸು ವರ್ಷದಲ್ಲಿ ಒಕ್ಕೂಟದ ವಹಿವಾಟು 61,000 ಕೋಟಿ ರೂಪಾಯಿ ಆಗಿತ್ತು. 40 ವರ್ಷಗಳಿಗೂ ಹೆಚ್ಚು ಕಾಲ ಫೆಡರೇಶನ್ನೊಂದಿಗೆ ಕೆಲಸ ಮಾಡಿದ ಸೋಧಿ, 12 ವರ್ಷಗಳ ಕಾಲ ಎಂಡಿಯಾಗಿ ಸೇವೆ ಸಲ್ಲಿಸಿದ್ದರು.
ಎಂಬಿಎ ಪದವೀಧರ ಸೋಧಿ
ಅವರು ಮೊದಲು 2010 ರಲ್ಲಿ ಐದು ವರ್ಷಗಳ ಕಾಲ ಎಂಡಿ ಆಗಿ ನೇಮಕಗೊಂಡರು. 2015 ರಲ್ಲಿ, ಅವರು 2020 ರವರೆಗೆ ಅದೇ ಹುದ್ದೆಗೆ ಮರು ನೇಮಕಗೊಂಡರು. ಅಂದಿನಿಂದ ಅವರು ವಿಸ್ತರಣೆಯಲ್ಲಿಯೇ ಇದ್ದಾರೆ. ಸೋಧಿ ಇನ್ಸ್ಟಿಟ್ಯೂಟ್ ಆಫ್ ರೂರಲ್ ಮ್ಯಾನೇಜ್ಮೆಂಟ್ ಆನಂದ್ನಿಂದ ಎಂಬಿಎ ಪದವಿ ಮಾಡಿದರು ಮತ್ತು ಫೆಡರೇಶನ್ನೊಂದಿಗೆ ವ್ಯವಸ್ಥಾಪಕರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ್ದರು.
Click it and Unblock the Notifications
Sign in with Google