ಡಿ.31; ಕರ್ನಾಟಕದಲ್ಲಿ 952 ಕೊರೊನಾ ಪ್ರಕರಣಗಳು ದಾಖಲು

ಬೆಂಗಳೂರು, ಡಿಸೆಂಬರ್ 31: ಕರ್ನಾಟಕದಲ್ಲಿ ಡಿ.31ರ ಗುರುವಾರ 952 ಹೊಸ ಕೊರೊನಾ ಸೋಂಕಿನ ಪ್ರಕರಣಗಳು ಪತ್ತೆಯಾಗಿವೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ9,19,496ಕ್ಕೆ ಏರಿಕೆಯಾಗಿದೆ.

ಇಂದು 1282 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, ಇದುವರೆಗೂ ಒಟ್ಟು 8,96,116 ಮಂದಿ ಗುಣಮುಖರಾಗಿರುವುದಾಗಿ ತಿಳಿದುಬಂದಿದೆ. ರಾಜ್ಯದಲ್ಲಿ ಚೇತರಿಕೆ ಪ್ರಮಾಣ ಏರಿಕೆಯಾಗಿರುವುದು ಸಮಾಧಾನಕರ ಸಂಗತಿಯಾಗಿದೆ. ಬೆಂಗಳೂರು ನಗರದಲ್ಲಿ ಗರಿಷ್ಠ, ಅಂದರೆ 554 ಪ್ರಕರಣಗಳು ದಾಖಲಾಗಿವೆ. ರಾಯಚೂರಿನಲ್ಲಿ ಶೂನ್ಯ ದಾಖಲಾತಿಯಾಗಿದೆ.

ಕಳೆದ 24 ಗಂಟೆಯಲ್ಲಿ ಒಂಬತ್ತು ಮಂದಿ ಕೊರೊನಾ ಸೋಂಕಿನಿಂದ ಮೃತಪಟ್ಟಿರುವುದಾಗಿ ತಿಳಿದುಬಂದಿದೆ. ಪ್ರಸ್ತುತ 11,271 ಸಕ್ರಿಯ ಪ್ರಕರಣಗಳಿದ್ದು, ಇದುವರೆಗೂ ಕೊರೊನಾದಿಂದ ಒಟ್ಟು 12,090 ಮಂದಿ ಮೃತಪಟ್ಟಿದ್ದಾರೆ. ಸದ್ಯಕ್ಕೆ 194 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಜಿಲ್ಲಾವಾರು ಕೊರೊನಾ ವರದಿ: ಬಾಗಲಕೋಟೆ 9, ಬಳ್ಳಾರಿ 8, ಬೆಳಗಾವಿ 23, ಬೆಂಗಳೂರು ಗ್ರಾಮಾಂತರ 24, ಬೆಂಗಳೂರು ನಗರ 554, ಬೀದರ್ 5, ಚಾಮರಾಜನಗರ 6, ಚಿಕ್ಕಬಳ್ಳಾಪುರ 19, ಚಿಕ್ಕಮಗಳೂರು 9, ಚಿತ್ರದುರ್ಗ 20, ದಕ್ಷಿಣ ಕನ್ನಡ ಜಿಲ್ಲೆ 35, ದಾವಣಗೆರೆ 16, ಧಾರವಾಡ 7, ಗದಗ 4, ಹಾಸನ 6, ಹಾವೇರಿ 1, ಕಲಬುರಗಿ 18, ಕೊಡಗು 14, ಕೋಲಾರ 10, ಕೊಪ್ಪಳ 7, ಮಂಡ್ಯ 14, ಮೈಸೂರು 48, ರಾಯಚೂರು 0, ರಾಮನಗರ 5, ಶಿವಮೊಗ್ಗ 19, ತುಮಕೂರು 28, ಉಡುಪಿ 20, ಉತ್ತರ ಕನ್ನಡ 9, ವಿಜಯಪುರ 7, ಯಾದಗರಿಯಲ್ಲಿ 7 ಪ್ರಕರಣಗಳು ದಾಖಲಾಗಿವೆ.

English summary

952 new coronavirus cases reported in karnataka on dec 31. Total cases rises to 9,19,496,