• search

ಚುನಾವಣೆಗೆ ನಾಮಪತ್ರ ಸಲ್ಲಿಸದವರೆಷ್ಟು ಇಲ್ಲಿದೆ ಪೂರ್ಣ ವಿವರ

By Manjunatha
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಬೆಂಗಳೂರು, ಏಪ್ರಿಲ್ 24: ಕರ್ನಾಟಕ ವಿಧಾನಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸುವ ಗಡುವು ಮುಗಿದಿದ್ದು ಒಟ್ಟು 3374 ಮಂದಿ ನಾಮಪತ್ರ ಸಲ್ಲಿಸಿದ್ದಾರೆ. ರಾಜ್ಯದಲ್ಲಿ ಒಟ್ಟು ಇರುವ ವಿಧಾನಸಭಾ ಕ್ಷೇತ್ರಗಳು 224.

    ಏಪ್ರಿಲ್ 17 ರಿಂದ ಏಪ್ರಿಲ್ 24ರ ವರೆಗೆ ನಾಮಪತ್ರ ಸಲ್ಲಿಸಬಹುದಾಗಿತ್ತು, ಈ ನಡುವೆ ಎರಡು ದಿನ ರಜೆ ಇದ್ದಿದ್ದರಿಂದ ಒಟ್ಟು ಆರು ದಿನ ನಾಮಪತ್ರ ಸಲ್ಲಿಸಲು ಅವಕಾಶ ಇತ್ತು.

    ಟೈಮ್ಸ್ ನೌ-ವಿಎಂಆರ್ ಸಮೀಕ್ಷೆ: ಹೆಚ್ಚಿನ ವಿಭಾಗಗಳಲ್ಲಿ ಬಿಜೆಪಿ ಬಲವರ್ಧನೆ

    1673 ಪಕ್ಷೇತರ ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದ್ದು, ಕಾಂಗ್ರೆಸ್‌ನ 250, ಬಿಜೆಪಿಯ 282, ಜೆಡಿಎಸ್‌ನ 239 ಮಂದಿ, ಬಿಎಸ್‌ಪಿಯ 22, ಸಿಪಿಐಎಂನ 2, ಸಿಪಿಐನ 3, ಎನ್‌ಸಿಪಿಯ 15 ಅಭ್ಯರ್ಥಿಗಳು ಮತ್ತು ಎಎಪಿ ಸೇರಿದಂತೆ ಇತರೆ ಪಕ್ಷಗಳ 896 ಮಂದಿ ನಾಮಪತ್ರ ಸಲ್ಲಿಸಿದ್ದಾರೆ.

    Karnataka elections: 2924 members filed election nomination

    ಈ ಬಾರಿ ಒಟ್ಟು 259 ಮಂದಿ ಮಹಿಳೆಯರು ಮತ್ತು 3115 ಪುರುಷರು ಈ ಬಾರಿ ನಾಮಪತ್ರ ಸಲ್ಲಿಸಿದ್ದಾರೆ. ಬಿಜೆಪಿಯಿಂದ 17 ಮಂದಿ ಮಹಿಳೆಯರು, ಕಾಂಗ್ರೆಸ್‌ನಿಂದ 16, ಜೆಡಿಎಸ್‌ನಿಂದ 14 ಮಂದಿ ನಾಮಪತ್ರ ಸಲ್ಲಿಸಿದ್ದಾರೆ. ಉಳಿದಂತೆ 90 ಮಹಿಳೆಯರು ಪಕ್ಷೇತರರಾಗಿ, ಎಎಪಿ ಸೇರಿದಂತೆ ಇತರೆ ಪಕ್ಷಗಳ 119 ಮಹಿಳೆಯರು ನಾಮಪತ್ರ ಸಲ್ಲಿಸಿದ್ದಾರೆ.

    ಅತಿ ಹೆಚ್ಚು ನಾಮಪತ್ರ ಸಲ್ಲಿಕೆ ಆಗಿರುವುದು ಮುಳಬಾಗಲು ಕ್ಷೇತ್ರದಿಂದ ಅಲ್ಲಿ ಬರೋಬ್ಬರಿ 60 ಮಂದಿ ನಾಮಪತ್ರ ಸಲ್ಲಿಸಿದ್ದಾರೆ. ವರುಣಾದಲ್ಲಿ 35 ನಾಮಪತ್ರ ಸಲ್ಲಿಕೆಯಾಗಿವೆ. 95ಕ್ಕಿಂತ ಹೆಚ್ಚು ಕ್ಷೇತ್ರಗಳಲ್ಲಿ 15ಕ್ಕಿಂತಲೂ ಹೆಚ್ಚು ನಾಮ ಪತ್ರ ಸಲ್ಲಿಕೆಯಾಗಿವೆ.

    ಡಿಕೆಶಿ, ರಮೇಶ್ ಕುಮಾರ್, ಮಂಜು ಸೇರಿ ಹಲವು ಕಾಂಗ್ರೆಸ್ಸಿಗರ ನಾಮಪತ್ರ

    ಕಾಂಗ್ರೆಸ್‌ ಬಿಡುಗಡೆ ಮಾಡಿದ ಅಭ್ಯರ್ಥಿಗಳ ಪಟ್ಟಿಯಲ್ಲಿ 218 ಮಂದಿ ಹೆಸರಷ್ಟೆ ಇತ್ತಲ್ಲ ಆದರೆ 239 ಮಂದಿ ಹೇಗೆ ನಾಮಪತ್ರ ಸಲ್ಲಿಸಿದರು ಎಂದು ಗೊಂದಲ ಗೊಳ್ಳುವಂತಿಲ್ಲ. ಏಕೆಂದರೆ ಕೆಲವು ಕ್ಷೇತ್ರಗಳಲ್ಲಿ ಡಮ್ಮಿ ಅಭ್ಯರ್ಥಿಗಳು ನಮಪತ್ರ ಸಲ್ಲಿಸಿರುತ್ತಾರೆ.

    ಯಾರಾದರೂ ಪಕ್ಷದ ಟಿಕೆಟ್ ಪಡೆದು ನಾಮಪತ್ರ ಸಲ್ಲಿಸಿ ನಂತರ ವಾಪಾಸ್ಸು ಪಡೆದುಬಿಟ್ಟರೆ. ನಿಜ ಅಭ್ಯರ್ಥಿಯ ನಾಮಪತ್ರ ರದ್ದಾಗುವ ಭೀತಿ ಇದ್ದರೆ ಹೀಗೆ ಇನ್ನೂ ಕೆಲವು ಕಾರಣಗಳಿಗಾಗಿ ಡಮ್ಮಿ ಅಭ್ಯರ್ಥಿಗಳು ನಮಪತ್ರ ಸಲ್ಲಿಸಿರುತ್ತಾರೆ. ಎಲ್ಲಾ ಪಕ್ಷಗಳು ಈ ರೀತಿಯ ಜಾಗೃತೆ ವಹಿಸುವುದು ಸಾಮಾನ್ಯ.

    ಪೊಲೀಸರ ಎಲೆಕ್ಷನ್ ಡ್ಯೂಟಿಗೆ ಹೊಸ ಮಾರ್ಗಸೂಚಿ ರೆಡಿ!

    ಏಪ್ರಿಲ್ 25 ರಿಂದ ನಾಮಪತ್ರ ಪರಿಶೀಲನೆ ಪ್ರಾರಂಭವಾಗುತ್ತಿದ್ದು, ಏಪ್ರಿಲ್ 27 ನಾಮಪತ್ರ ವಾಪಾಸ್ಸು ಪಡೆಯಲು ಕೊನೆಯ ದಿನವಾಗಿದೆ. ಮೇ 12ರಂದು ಮತದಾನ ನಡೆಯಲಿದ್ದು, ಮೇ 15ರಂದು ಮತ ಎಣಿಕೆ ನಡೆಯಲಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Today (April 24) last date for filling nominations for Karnataka assembly elections 2018. election commission has received 2924 nominations for 224 constituency. last date for take back the nomination in April 27.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more