Karnataka Dam Water Level: ಭಾರೀ ಮಳೆ, ರಾಜ್ಯದ ಅಣೆಕಟ್ಟುಗಳ ಒಳಹರಿವು ಭಾರೀ ಹೆಚ್ಚಳ, ರೈತರಲ್ಲಿ ಹೊಸ ಭರವಸೆ

Published: Friday, July 10, 2026, 12:53 [IST]

Dam Water Storage Today Updates: ರಾಜ್ಯದಲ್ಲಿ ಕಳೆದ ಎರಡು ವಾರಗಳಲ್ಲಿ ಸುರಿದ ಮುಂಗಾರು ಮಳೆಯಿಂದಾಗಿ ರಾಜ್ಯದ ಪ್ರಮುಖ ಎಲ್ಲ ಜಲಾಶಯಗಳಿಗೂ ಜೀವಕಳೆ ಬಂದಿದೆ. ಜೂನ್ ತಿಂಗಳು ಪೂರ್ತಿ ಅಣೆಕಟ್ಟುಗಳಲ್ಲಿ ನೀರಿನ ಸಂಗ್ರಹ ಕಮೇಣ ಇಳಿಕೆ ಆಗಿತ್ತು. ಇದೀಗ ಜುಲೈ ಮೊದಲ ಎರಡು ವಾರದಲ್ಲೇ ಡ್ಯಾಂಗಳಲ್ಲಿ ದುಪ್ಪಟ್ಟು ಪ್ರಮಾಣದಲ್ಲಿ ನೀರಿನ ಸಂಗ್ರಹವಾಗಿದೆ. ಈ ಮೂಲಕ ಜಲಾನಯನ ಭಾಗದ ರೈತರಲ್ಲಿ ಹೊಸ ಭರವಸೆ ಮೂಡಿಸಿದೆ. ಇಂದು (ಜುಲೈ 10) ಶುಕ್ರವಾರದ ಹೊತ್ತಿಗೆ ಕಬಿನಿ, ಹಾರಂಗಿ, ಆಲಮಟ್ಟಿ, ಕೆಆರ್ ಎಸ್, ಲಿಂಗನಮಕ್ಕಿ ಸೇರಿದಂತೆ ಅನೇಕ ಜಲಾಶಯಗಳಲ್ಲಿ ಒಳಹರಿವು ಏರಿಕೆ ಆಗಿದೆ.

ಕೇರಳ, ಕರ್ನಾಟಕ ಮಲೆನಾಡು, ಪಶ್ಚಿಮ ಘಟ್ಟಗಳ ಸಾಲಿನಲ್ಲಿ ಮುಂಗಾರು ಮಳೆ ಅಬ್ಬರಿಸಿದ ಪರಿಣಾಮ ನದಿಗಳಲ್ಲಿ ನೀರಿನ ಒಳಹರಿವು ಏರಿಕೆ ಆಗಿದೆ. ಕನಿಷ್ಠ ಮಟ್ಟದ ನೀರು ಹೊಂದಿದ್ದ ರಾಜ್ಯದ ಜಲಾಶಯಗಳ ಚಿತ್ರಣ ಒಂದೇ ವಾರದಲ್ಲಿ ಸಂಪೂರ್ಣ ಬದಲಾಗಿದೆ. ಹೀಗೆ ನಿರಂತರವಾಗಿ ಮುಂದಿನ ದಿನಗಳಲ್ಲೂ ಮಳೆ ಆದಲ್ಲಿ ಬರದ ಪರಿಸ್ಥಿತಿಯನ್ನು ಎದುರಿಸಬಹುದಾಗಿದೆ. ಆದರೆ ಹವಾಮಾನ ಇಲಾಖೆ ಪ್ರಕಾರ ಮುಂಗಾರು ಮಳೆ ಇಂದಿನಿಂದ ದುರ್ಬಲಗೊಳ್ಳಲಿದ್ದು, ಅಣೆಕಟ್ಟುಗಳ ಹಾಲಿ ನೀರನ್ನೇ ಬಳಸುತ್ತಾ ಹೋದರೆ ಒಳಹರಿವಿಗಿಂತ ಹೊರ ಹರಿವು ಹೆಚ್ಚಾಗಿ ಮತ್ತೆ ನೀರಿನ ಕೊರತೆಯ ಭೀತಿಯು ನಿರ್ಮಾಣವಾಗಿದೆ.

ಆಲಮಟ್ಟಿ, ತುಂಗಭದ್ರಾ ಡ್ಯಾಂಗೆ ಅತ್ಯಧಿಕ ಒಳಹರಿವು

ಕೊಡಗು, ಮಡಿಕೇರಿ, ಮೈಸೂರು, ಹಾಸನ, ಶಿವಮೊಗ್ಗ, ಚಿಕ್ಕಮಗಳೂರು, ಉತ್ತರ ಕನ್ನಡ, ಬೆಳಗಾವಿ, ಧಾರವಾಡ ಭಾಗದಲ್ಲಿ ವಾರದಿಂದಲೂ ಉತ್ತಮ ಮಳೆ ಆಗಿದೆ. ಆಯಾ ಭಾಗದ ನದಿಗಳ ಒಳಹರಿವು ಹೆಚ್ಚಾಗಿದ್ದು, ಬೆಳಗಾವಿ ಜಿಲ್ಲೆ ವ್ಯಾಪ್ತಿಯ ಕೆಲವೆಡೆ ಸಣ್ಣ ಸಣ್ಣ ಸೇತುವೆಗಳು ಮುಳಗಡೆ ಆಗಿವೆ. ಎಲ್ಲ ಡ್ಯಾಂಗಳ ಪೈಕಿ ಆಲಮಟ್ಟಿ ಹಾಗೂ ತುಂಗಭದ್ರಾ ಡ್ಯಾಂಗಳ ಒಳಹರಿವು ದಾಖಲೆ ಮಟ್ಟದಲ್ಲಿ ಏರಿಕೆ ಆಗಿದೆ. ಅವುಗಳ ಮಾಹಿತಿ ಮುಂದಿದೆ.