ಕನ್ನಡ Edition
twitter YouTube
ಟ್ರೆಂಡಿಂಗ್
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

Just In

Must Watch

Don't Miss

    Oneindia App Download

    ಜಯನಗರ ಚುನಾವಣೆ : ಶೇ 54.9 ರಷ್ಟು ಮತದಾನ

    By Sachhidananda Acharya
    |
    Google Oneindia Kannada News

    Recommended Video

        Jayanagar Assembly Elections 2018 : ಮತದಾನದ ಬಗ್ಗೆ ಜನರ ಅಭಿಪ್ರಾಯ

        ಬೆಂಗಳೂರು, ಜೂನ್ 11 : ಬಿಜೆಪಿ ಅಭ್ಯರ್ಥಿ ಮತ್ತು ಹಾಲಿ ಶಾಸಕರಾಗಿದ್ದ ಬಿ.ಎನ್. ವಿಜಯಕುಮಾರ್ ಅವರ ನಿಧನದಿಂದ ಮುಂದೂಡಲಾಗಿದ್ದ ಚುನಾವಣೆ ಜಯನಗರ ಕ್ಷೇತ್ರಕ್ಕೆ ಇಂದು ನಡೆಯಿತು. ಸಂಜೆ 5 ಗಂಟೆಯ ವೇಳೆಗೆ ಶೇ.51ರಷ್ಟು ಮಾತ್ರ ಮತದಾನವಾಗಿದ್ದು, ಜೂನ್ 13ರಂದು ಜಯನಗರ ಕ್ಷೇತ್ರದ ಮತ ಎಣಿಕೆ ನಡೆಯಲಿದೆ.

        ಇಲ್ಲಿ ಕಾಂಗ್ರೆಸಿನಿಂದ ಮಾಜಿ ಸಚಿವ ರಾಮಲಿಂಗಾ ರೆಡ್ಡಿ ಪುತ್ರಿ ಸೌಮ್ಯಾ ರೆಡ್ಡಿ ಕಣದಲ್ಲಿದ್ದಾರೆ. ಬಿಜೆಪಿಯಿಂದ ಬಿ.ಎನ್ ವಿಜಯಕುಮಾರ್ ಅವರ ಸಹೋದರ ಬಿ.ಎನ್. ಪ್ರಹ್ಲಾದ್ ಸ್ಪರ್ಧೆಯಲ್ಲಿದ್ದಾರೆ. ಇನ್ನು ಪಕ್ಷೇತರ ಅಭ್ಯರ್ಥಿ ರವಿಕೃಷ್ಣಾ ರೆಡ್ಡಿಯೂ ಇಲ್ಲಿ ಸ್ಪರ್ಧಿಸುತ್ತಿದ್ದಾರೆ. ಜೆಡಿಎಸ್ ಇಲ್ಲಿ ಅಭ್ಯರ್ಥಿಯನ್ನು ಕಣಕ್ಕಿಳಿಸಿತ್ತಾದರೂ, ವಿಧಾನಸಭೆ ಚುನಾವಣೆ ನಡೆದು ಮೈತ್ರಿ ಸರಕಾರ ಅಸ್ತಿತ್ವಕ್ಕೆ ಬಂದ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿಯನ್ನೇ ಬೆಂಬಲಿಸುತ್ತಿದೆ.

        Jayanagar assembly constituency voting LIVE updates

        Newest FirstOldest First
        7:19 PM, 11 Jun

        ಜಯನಗರ ಚುನಾವಣೆಯಲ್ಲಿ ಶೇ 55ರಷ್ಟು ಮತದಾನವಾಗಿದೆ. ಜೂನ್ 13ರಂದು ಮತ ಎಣಿಕೆ ನಡೆಯಲಿದೆ
        6:08 PM, 11 Jun

        ಜಯನಗರ ಕ್ಷೇತ್ರದ ಮತದಾನ ಮುಕ್ತಾಯ. 5 ಗಂಟೆ ತನಕ ಶೇ 51ರಷ್ಟು ಮತದಾನವಾಗಿದೆ.
        6:01 PM, 11 Jun

        ಹಳೆ ಮತದಾರರಲ್ಲಿ ಮತ ಚಲಾವಣೆಯ ಉತ್ಸಾಹ ಎಷ್ಟಿತ್ತೆಂದರೆ, ಕೆಲವಾರು ಹಿರಿಯ ನಾಗರಿಕರು ಹೊಸ ಬಟ್ಟೆ ತೊಟ್ಟು ಮತ ಚಲಾಯಿಸಲು ಆಗಮಿಸಿದ್ದರು.
        3:26 PM, 11 Jun

        3 ಗಂಟೆ ವೇಳೆಗೆ ಜಯನಗರದಲ್ಲಿ ಶೇಕಡಾ 43 ಮತದಾನವಾಗಿದೆ. ಇನ್ನೂ ಮತದಾನ ಮುಗಿಯಲು ಮೂರು ಗಂಟೆಗಳು ಬಾಕಿ ಉಳಿದಿದ್ದು, ಒಟ್ಟಾರೆ ಮತದಾನ ಅರ್ಧ ಶತಕದ ಗಡಿ ದಾಟುವ ನಿರೀಕ್ಷೆ ಇದೆ.
        1:52 PM, 11 Jun

        ಜಯನಗರದಲ್ಲಿ ಮಧ್ಯಾಹ್ನ 1 ಗಂಟೆ ವೇಳೆಗೆ ಶೇಕಡಾ 34 ಮತದಾನ ನಡೆದಿದೆ. ಬೆಳಿಗ್ಗೆ ಬಿರುಸಿನಿಂದ ಮತದಾನ ನಡೆದಿದ್ದು, ಮಧ್ಯಾಹ್ನ ನಂತರವೂ ಇದೇ ರೀತಿ ಮತದಾನ ನಡೆದಲ್ಲಿ ಶೇಕಡಾ 50 ಕ್ಕಿಂತ ಹೆಚ್ಚಿನ ಮತ ಚಲಾವಣೆಯಾಗುವ ಸಾಧ್ಯತೆ ಇದೆ.
        11:40 AM, 11 Jun

        ನಟ ಸುಂದರ್ ರಾಜ್ ದಂಪತಿ ಪುತ್ರಿ ಹಾಗೂ ನಟಿ ಮೇಘನಾ ರಾಜ್ ಜೊತೆ ಬಂದು ಮತ ಚಲಾಯಿಸಿದರು.
        10:18 AM, 11 Jun

        ಜಯನಗರದಲ್ಲಿ ಚುರುಕುಗೊಂಡ ಮತದಾನ ಪ್ರಕ್ರಿಯೆ. ಸಾಲು ಸಾಲಾಗಿ ಬಂದು ಮತ ಚಲಾಯಿಸುತ್ತಿರುವ ಮತದಾರರು
        Advertisement
        10:10 AM, 11 Jun

        ಜೆ ಪಿ ನಗರದ ವಿಇಟಿ ಮತಗಟ್ಟೆಯಲ್ಲಿ ಮತಚಲಾಯಿಸಿದ ಸಾಹಿತಿ ಬರಗೂರು ರಾಮಚಂದ್ರಪ್ಪ
        10:00 AM, 11 Jun

        ಬೆಳಗ್ಗೆ 9 ಗಂಟೆಯ ತನಗ ಶೇ.10 ರಷ್ಟು ಮತದಾನ
        9:59 AM, 11 Jun

        ಹಾಸ್ಯ ನಟ ಉಮೇಶ್, ನಟಿ ಭಾರತಿ, ಸಾಹಿತಿ ಬರಗೂರು ರಾಮಚಂದ್ರಪ್ಪ ಸೇರಿದಂತೆ ಹಲವು ಗಣ್ಯರು ಸರತಿ ಸಾಲಲ್ಲಿ ನಿಂತು ಮತಚಲಾಯಿಸಿದರು.
        9:30 AM, 11 Jun

        ಜಯನಗರದಲ್ಲಿ ಮತದಾನ ಬಿರುಸಿನಿಂದ ಸಾಗಿದೆ. ಜನರು ಸರತಿ ಸಾಲಿನಲ್ಲಿ ನಿಂತು ಮತ ಚಲಾಯಿಸುತ್ತಿದ್ದಾರೆ.
        8:57 AM, 11 Jun

        "ಜನರಿಂದ ಉತ್ತಮ ಸ್ಪಂದನೆ ಸಿಗುತ್ತಿದೆ. ಮತದಾರರು ಖಂಡಿತ ನಮಗೆ ಯಶಸ್ಸು ನೀಡುತ್ತಾರೆ. ಜನರು ಮತಚಲಾಯಿಸಬೇಕು ಎಂಬುದೇ ನನ್ನ ಮನವಿ,” ಎಂದು ಜಯನಗರ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಸೌಮ್ಯ ರೆಡ್ಡಿ ಹೇಳಿದರು. ಮತಗಟ್ಟೆ ಸಂಖ್ಯೆ 173ಕ್ಕೆ ಭೇಟಿ ನೀಡಿದ ನಂತರ ಅವರು ಈ ಹೇಳಿಕೆ ನೀಡಿದರು.
        Advertisement
        7:54 AM, 11 Jun

        ಜಯನಗರ ಚುನಾವಣೆಯ ಬಿಜೆಪಿ ಅಭ್ಯರ್ಥಿ ಬಿ.ಎನ್. ಪ್ರಹ್ಲಾದ್ ತಮ್ಮ ಮತ ಚಲಾಯಿಸಿದರು. ಸರತಿ ಸಾಲಿನಲ್ಲಿ ನಿಂತು ರಾಣಿ ಚೆನ್ನಮ್ಮ ಸ್ಟೇಡಿಯಂನಲ್ಲಿ ಅವರು ತಮ್ಮ ಹಕ್ಕು ಚಲಾಯಿಸಿದರು.
        7:54 AM, 11 Jun

        ಜಯನಗರ 4ನೇ T ಬ್ಲಾಕ್ ನಲ್ಲಿರುವ ಮತಗಟ್ಟೆ ಸಂಖ್ಯೆ 52ರಲ್ಲಿ ಹಿರಿಯ ಚಿತ್ರ ನಟಿ ಭಾರತೀ ವಿಷ್ಣುವರ್ಧನ್ ಮತ ಚಲಾಯಿಸಿದರು.
        7:17 AM, 11 Jun

        ಜಯನಗರದಲ್ಲಿ 7 ಗಂಟೆಗೆ ಸರಿಯಾಗಿ ಮತದಾನ ಆರಂಭವಾಗಿದೆ. 216 ಮತಗಟ್ಟೆಗಳಲ್ಲಿ ಮತದಾನ ಆರಂಭವಾಗಿದೆ. ಜನರು ಬೆಳಗ್ಗೆಯೇ ಬಂದು ಮತ ಚಲಾವಣೆ ಮಾಡಲು ಮತಗಟ್ಟೆಗಳಲ್ಲಿ ಸಾಲಾಗಿ ನಿಂತಿದ್ದಾರೆ.
        5:43 AM, 11 Jun

        ಜಯನಗರದಲ್ಲಿ ಒಟ್ಟು 19 ಜನರು ಕಣದಲ್ಲಿದ್ದಾರೆ. ಇನ್ನೇನು ಕೆಲವೇ ಕ್ಷಣಗಳಲ್ಲಿ ಮತದಾನ ಆರಂಭವಾಗಲಿದ್ದು, ಎಲ್ಲಾ ಮತಗಟ್ಟೆಗಳಲ್ಲಿ ಮತದಾನಕ್ಕೆ ಅಗತ್ಯ ಏರ್ಪಾಟುಗಳನ್ನು ಮಾಡುವಲ್ಲಿ ಚುನಾವಣಾ ಸಿಬ್ಬಂದಿಗಳು ನಿರತರಾಗಿದ್ದಾರೆ.
        5:43 AM, 11 Jun

        2013ರಲ್ಲಿ ಇಲ್ಲಿ ಚುನಾವಣೆ ನಡೆದಾಗ ಬಿಜೆಪಿಯ ಬಿ.ಎನ್. ವಿಜಯಕುಮಾರ್ ಜಯಶಾಲಿಯಾಗಿದ್ದರು. 43,990 ಮತಗಳನ್ನು ಪಡೆದಿದ್ದ ಅವರು 31,678 ಮತಗಳನ್ನು ಪಡೆದಿದ್ದ ಕಾಂಗ್ರೆಸಿನ ಎಂ.ಸಿ. ವೇಣುಗೋಪಾಲ್ ಅವರನ್ನು ಸೋಲಿಸಿದ್ದರು.
        5:42 AM, 11 Jun

        ಜಯನಗರ ಕ್ಷೇತ್ರದಲ್ಲಿ ಒಟ್ಟು 2,03,184 ಮತದಾರರಿದ್ದಾರೆ. ಇವರಲ್ಲಿ 1,02,668 ಪುರುಷ ಮತದಾರರು ಮತ್ತು 1,00,501 ಮಹಿಳಾ ಮತದಾರರಾಗಿದ್ದಾರೆ. 15 ತೃತೀಯ ಲಿಂಗಿ ಮತದಾರರೂ ಇಲ್ಲಿದ್ದಾರೆ.
        5:42 AM, 11 Jun

        ಜಯನಗರ ಕ್ಷೇತ್ರದಲ್ಲಿ ಬೆಳಿಗ್ಗೆ 7 ಗಂಟೆಯಿಂದ ಮತದಾನ ಪ್ರಕ್ರಿಯೆ ಆರಂಭವಾಗಲಿದೆ. ಕ್ಷೇತ್ರದ ಮತಗಟ್ಟೆಗಳಲ್ಲಿ ಬಿಗಿ ಭದ್ರತೆ ಕಲ್ಪಿಸಲಾಗಿದ್ದು ಸಂಜೆ 6 ಗಂಟೆವರೆಗೆ ಮತದಾನ ನಡೆಯಲಿದೆ.

        Comments

        ಇನ್ನಷ್ಟು karnataka assembly elections 2018 ಸುದ್ದಿಗಳು  

        Read more about:

        karnataka assembly elections 2018 jayanagar bengaluru voting karnataka elections bjp congress sowmya reddy ravikrishna reddy ಕರ್ನಾಟಕ ವಿಧಾನಸಭೆ ಚುನಾವಣೆ 2018 ಜಯನಗರ ಬೆಂಗಳೂರು ಮತದಾನ ಕರ್ನಾಟಕ ಚುನಾವಣೆ ಬಿಜೆಪಿ ಕಾಂಗ್ರೆಸ್ ರವಿಕೃಷ್ಣಾ ರೆಡ್ಡಿ ಸೌಮ್ಯ ರೆಡ್ಡಿ

        English summary
        Karnataka assembly elections 2018: Jayanagar constituency voting live updates in Kannada. Get latest trends, developments, voting percentage updates. Voting of Jayanagar constituency was postponed to June 11 due to the death of BJP candidate BN Vijayakumar.
        Click to comments
        ತಾಜಾ ಸುದ್ದಿ ತಕ್ಷಣ ಪಡೆಯಿರಿ
        Enable
        x
        Notification Settings X
        Time Settings
        Done
        Clear Notification X
        Do you want to clear all the notifications from your inbox?
        Yes No
        Settings X