ಕರ್ನಾಟಕ ಕರಾವಳಿಯಲ್ಲಿ ಎಡೆಬಿಡದೆ ಸುರಿಯುತ್ತಿದೆ ಭಾರೀ ಮಳೆ

ಬೆಂಗಳೂರು, ಜುಲೈ 19: ಸಾಮಾನ್ಯವಾಗಿ ಕರ್ನಾಟಕ ಕರಾವಳಿ ಭಾಗದಲ್ಲಿ ಹೆಚ್ಚಾಗಿ ಮಳೆ ಸುರಿದರೂ ಈ ಬಾರಿಯ ಮುಂಗಾರಿನಲ್ಲಿ ಮಾತ್ರ ಅಷ್ಟಾಗಿ ಮಳೆ ಸುರಿದಿರಲಿಲ್ಲ. ಆದರೆ ಕಳೆದೆರಡು ದಿನಗಳಿಂದ ಮಂಗಳೂರು, ಕಾರವಾರ, ಚಿಕ್ಕಮಗಳೂರು ಸೇರಿದಂತೆ ದಕ್ಷಿಣ ಒಳನಾಡಿನಲ್ಲಿ ಹೆಚ್ಚಿನ ಮಳೆ ಬೀಳುತ್ತಿದೆ.

ಕಳೆದ 24 ಗಂಟೆಗಳಿಂದ ಚಿಕ್ಕಮಗಳೂರಿನಲ್ಲಿ ಭಾರೀ ಮಳೆಯಾಗುತ್ತಿದೆ. ಚಿಕ್ಕಮಗಳೂರಿನ ಶೃಂಗೇರಿಯಲ್ಲಿ ಅತೀ ಹೆಚ್ಚು 19.9 ಸೆಂಟಿ ಮೀಟರ್ ಮಳೆಯಾಗಿದೆ. ಸೋಮವಾರ ಮತ್ತು ಮಂಗಳವಾರ ಮಂಗಳೂರಿನಲ್ಲಿ 4.7 ಸೆಂಟಿ ಮೀಟರ್ ಮಳೆ ಬಿದ್ದಿದ್ದರೆ ಕಾರವಾರದಲ್ಲಿ 3.6 ಸೆಂಟಿ ಮೀಟರ್ ಮಳೆ ಸುರಿದಿದೆ. ಮಡಿಕೇರಿಯಲ್ಲಿ 2.7 ಸೆಂಟಿ ಮೀಟರ್ ಹಾಗೂ ಹೊನ್ನಾವರದಲ್ಲಿ 7 ಮಿಲಿಮೀಟರ್ ಮಳೆಯಾಗಿದೆ.

24Hrs☔Map of #Karnataka ending at 8.30am of 19th July 2017, Highest 199mm ☔@Chikkamagalur_Sringeri_Kere pic.twitter.com/0oIfkrLIdr

— KSNDMC (@KarnatakaSNDMC) July 19, 2017

ಸಮೀಪದ ಕೇರಳ ಕರಾವಳಿಯಲ್ಲೂ ಭರ್ಜರಿ ಮಳೆಯಾಗುತ್ತಿದೆ. ಕಣ್ಣೂರಿನಲ್ಲಿ 3.6 ಸೆಂ.ಮೀ, ಕರಿಪುರ್ 3.6 ಸೆಂ.ಮೀ, ಕೊಚ್ಚಿ 3.2 ಸೆಂ.ಮೀ, ಕೋಝಿಕ್ಕೋಡ್ 2.3 ಸೆಂ.ಮೀ ಮಳೆಯಾಗಿದೆ.

ಇನ್ನು ಮುಂದಿನ ಕೆಲವು ದಿನಗಳಲ್ಲಿ ಕರಾವಳಿ ಕರ್ನಾಟಕ ಮತ್ತು ಕೇರಳ ಕರಾವಳಿಯಲ್ಲಿ ಹೆಚ್ಚಿನ ಭಾಗಗಳಲ್ಲಿ ಸಾಧಾರಣದಿಂದ ಭಾರೀ ಮಳೆಯಾಗಲಿದೆ ಎಂದು ಹವಾಮಾನ ಮುನ್ಸೂಚನೆ ನೀಡುವ ಸ್ಕೈಮೆಟ್ ವೆದರ್ ವರದಿ ಮಾಡಿದೆ.

English summary

Coastal Karnataka as well as the Kerala region witnessed heavy rains in last few days. In a span of 24 hours ending at 8.30am of 19th July 2017, Highest 199mm rain fall observed in Chikkamagalur's Sringeri. Mangaluru recorded a good 47 mm of rainfall, Karwar 36.4 mm, Madikeri 27 mm and Honavar 7 mm and agumbe 73.4mm on Monday.