ರಾಜ್ಯದ ಜನರಿಗೆ ಮತ್ತೆ ವಿದ್ಯುತ್ ದರ ಹೆಚ್ಚಳ ಶಾಕ್

Updated: Sunday, December 14, 2014, 10:22 [IST]

ಬೆಂಗಳೂರು, ಡಿ. 14: ಕರ್ನಾಟಕದ ಜನ ಮತ್ತೆ ವಿದ್ಯುತ್ 'ಶಾಕ್ 'ಗೆ ಒಳಗಾಗಲಿದ್ದಾರೆ. ಮಾರ್ಚ್ 31ರ ನಂತರ ಪ್ರತಿ ಯುನಿಟ್ ಗೆ 80 ಪೈಸೆ ಹೆಚ್ಚಳ ಮಾಡುವಂತೆ ರಾಜ್ಯದ 5 ವಿದ್ಯುತ್ ಪ್ರಸರಣಾ ಕಂಪನಿಗಳು ಕರ್ನಾಟಕ ವಿದ್ಯುತ್ ನಿಯಂತ್ರಣ ಆಯೋಗಕ್ಕೆ ಪ್ರಸ್ತಾವನೆ ಸಲ್ಲಿಸಿವೆ.

ಎಲ್ಲ ವರ್ಗದವರು ಉಪಯೋಗಿಸುವ ವಿದ್ಯುತ್ ನ ದರ ಹೆಚ್ಚಿಸಲು ಕಂಪನಿಗಳು ಅರ್ಜಿ ಸಲ್ಲಿಸಿವೆ. ವಾಣಿಜ್ಯ ಮತ್ತು ಗೃಹ ಬಳಕೆಯ ವಿದ್ಯುತ್ ದರವೂ ಹೆಚ್ಚಾಗಲಿದೆ. ಇದರಲ್ಲಿ ರೈತರ ಪಂಪ್ ಸೆಟ್ ಗೆ ಬಳಕೆಯಾಗುವ ವಿದ್ಯುತ್ ಸಹ ಸೇರಿದ್ದು ಹಣವನ್ನು ಸರ್ಕಾರ ಭರಿಸಲಿದೆ.[ವಿದ್ಯುತ್ ಸಂಪರ್ಕಕ್ಕೆ ವಾಸ್ತವ್ಯ ಪ್ರಮಾಣ ಪತ್ರ ಕಡ್ಡಾಯ]

ಕಲಬುರಗಿ ಕಂಪನಿ 2014ನೇ ಸಾಲಿನ 308 ಕೋಟಿ ರೂಪಾಯಿ ಹಣವನ್ನು ಸರ್ಕಾರ ತುಂಬಿಸಿಕೊಡಬೇಕು ಎಂದು ಮನವಿ ಮಾಡಿದೆ. ಅಲ್ಲದೇ ಕರ್ನಾಟಕ ವಿದ್ಯುತ್ ಪ್ರಸರಣಾ ನಿಗಮ 255 ಕೋಟಿ ರೂ. ವೆಚ್ಚಭರಿಸಬೇಕು ಎಂದು ಕೋರಿದೆ.[ವಿದ್ಯುತ್ತಿಗಾಗಿ 5100 ಕೋಟಿ ರೂ ಕಾಮಗಾರಿ: ಡಿಕೆಶಿ]

ಹೊಸ ದರ ಜಾರಿಗೆ ಬರುವುದು ಮಾರ್ಚ್ 31 ರೊಳಗೆ ತೀರ್ಮಾನವಾಗಬೇಕು. ಐದು ಕಂಪನಿಗಳಲ್ಲಿ ಬೆಸ್ಕಾಂ 262 ಕೋಟಿ ರೂ. ನಷ್ಟ ಅನುಭವಿಸುತ್ತಿದೆ. ಕಳೆದ ಮೇ ತಿಂಗಳಿನಲ್ಲಿ ಯುನಿಟ್ ಗೆ 32 ಪೈಸೆ ದರ ಹೆಚ್ಚಳ ಮಾಡಲಾಗಿತ್ತು.