ADR Report: ಕರ್ನಾಟಕ ವಿಧಾನಸಭೆ ಚುನಾವಣೆಯಲ್ಲಿ ಅಕ್ಷರಸ್ಥ-ಅನಕ್ಷರಸ್ಥ ಅಭ್ಯರ್ಥಿಗಳು; ಇಲ್ಲಿದೆ ಶೈಕ್ಷಣಿಕ ಮಾಹಿತಿ

2023ರ ಕರ್ನಾಟಕ ವಿಧಾನಸಭೆ ಚುನಾವಣೆ ಕಾವು ಜೋರಾಗಿದ್ದು, ಮತದಾನ ದಿನಾಂಕ ಹತ್ತಿರವಾಗುತ್ತಿದ್ದಂತೆ ಅಭ್ಯರ್ಥಿಗಳು ಮತ್ತು ರಾಜಕೀಯ ಪಕ್ಷಗಳು ಪ್ರಚಾರದ ಭರಾಟೆಯಲ್ಲಿ ನಿರತರಗಿದ್ದಾರೆ. ಕೊನೆಯ ಕ್ಷಣದಲ್ಲಿ ಮತದಾರರ ಮನಗೆಲ್ಲಲು ಭಾರೀ ಕಸರತ್ತು ನಡೆಸುತ್ತಿದ್ದಾರೆ.

ರಾಜ್ಯದಲ್ಲಿ ಬಹಿರಂಗ ಪ್ರಚಾರಕ್ಕೆ ಮೂರೇ ದಿನಗಳು ಮಾತ್ರ ಬಾಕಿ ಉಳಿದಿದ್ದು, ಈಗಾಗಲೇ ರಾಜ್ಯ ನಾಯಕರೊಂದಿಗೆ ರಾಷ್ಟ್ರೀಯ ನಾಯಕರು ಕಾಲಿಗೆ ಚಕ್ರ ಕಟ್ಟಿಕೊಂಡವರಂತೆ ಪ್ರಚಾರ ಸಭೆ, ರೋಡ್ ಶೋಗಳಲ್ಲಿ ಭಾಗವಹಿಸುತ್ತಿದ್ದಾರೆ.

2023ರ ಕರ್ನಾಟಕ ವಿಧಾನಸಭೆ ಚುನಾವಣೆಗೆ ಈಗಾಗಲೇ ನಾಮಪತ್ರ ಸಲ್ಲಿಕೆ, ಪರಿಶೀಲನೆ ಮತ್ತು ನಾಮಪತ್ರ ವಾಪಸ್ ಪ್ರಕ್ರಿಯೆ ಕೊನೆಗೊಂಡಿದೆ. ಮೇ 10ರಂದು ಒಂದೇ ಹಂತದಲ್ಲಿ ಮತದಾನ ನಡೆಯಲಿದ್ದರೆ, ಮೇ 13ರಂದು ಫಲಿತಾಂಶ ಪ್ರಕಟವಾಗಲಿದ್ದು, ಬಳಿಕ ಯಾವ ಪಕ್ಷ ರಾಜ್ಯದಲ್ಲಿ ಸರ್ಕಾರ ರಚಿಸಲಿದೆ ಎಂಬ ಕುತೂಹಲ ಮೂಡಿದೆ.

ಇದೇ ವೇಳೆ ಅಪರಾಧ ಹಿನ್ನೆಲೆ, ಹಣಕಾಸು, ಶಿಕ್ಷಣ, ಲಿಂಗ ವಿಶ್ಲೇಷಣೆ ಮತ್ತು ಅಭ್ಯರ್ಥಿಗಳ ಇತರ ವಿವರಗಳ ವರದಿಯನ್ನು ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಬಿಡುಗಡೆ ಮಾಡಿದ್ದು, ಈ ವರದಿಯಲ್ಲಿ 2023ರ ಚುನಾವಣೆಯಲ್ಲಿ ಸ್ಪರ್ಧಿಸಿರುವ ಅಭ್ಯರ್ಥಿಗಳ ಶೈಕ್ಷಣಿಕ ಮಾಹಿತಿ ಇಲ್ಲಿದೆ. (Source: ADR Press Release dated 3rd May, 2023)

ಕರ್ನಾಟಕ ವಿಧಾನಸಭೆ ಚುನಾವಣೆ 2023: ಅಭ್ಯರ್ಥಿಗಳ ಒಟ್ಟಾರೆ ಶೈಕ್ಷಣಿಕ ವರದಿ

ಶೈಕ್ಷಣಿಕ ಗುಂಪು	ಅಭ್ಯರ್ಥಿಗಳು
ಅನಕ್ಷರಸ್ಥ	37 ಅಭ್ಯರ್ಥಿಗಳು
ಅಕ್ಷರಸ್ಥ	47 ಅಭ್ಯರ್ಥಿಗಳು
5ನೇ ತರಗತಿ ಪಾಸ್	142 ಅಭ್ಯರ್ಥಿಗಳು
8ನೇ ತರಗತಿ ಪಾಸ್	146 ಅಭ್ಯರ್ಥಿಗಳು
10ನೇ ತರಗತಿ ಪಾಸ್	10ನೇ ತರಗತಿ ಪಾಸ್
12ನೇ ತರಗತಿ ಪಾಸ್	427 ಅಭ್ಯರ್ಥಿಗಳು
ಪದವೀಧರರು	441 ಅಭ್ಯರ್ಥಿಗಳು
ಪದವೀಧರ ವೃತ್ತಿಪರರು	341 ಅಭ್ಯರ್ಥಿಗಳು
ಸ್ನಾತಕೋತ್ತರ ಪದವೀಧರರು	304 ಅಭ್ಯರ್ಥಿಗಳು
ಡಾಕ್ಟರೇಟ್ ಪಡೆದರವರು	22 ಅಭ್ಯರ್ಥಿಗಳು
ಡಿಪ್ಲೋಮಾ	150 ಅಭ್ಯರ್ಥಿಗಳು
ಶೈಕ್ಷಣಿಕ ಮಾಹಿತಿ ನೀಡದವರು	1 ಅಭ್ಯರ್ಥಿ

ಕರ್ನಾಟಕ ವಿಧಾನಸಭೆ ಚುನಾವಣೆ 2018: ಅಭ್ಯರ್ಥಿಗಳ ಒಟ್ಟಾರೆ ಶೈಕ್ಷಣಿಕ ವರದಿ

ಶೈಕ್ಷಣಿಕ ಗುಂಪು	ಅಭ್ಯರ್ಥಿಗಳು
ಅನಕ್ಷರಸ್ಥ	50 ಅಭ್ಯರ್ಥಿಗಳು
ಅಕ್ಷರಸ್ಥ	52 ಅಭ್ಯರ್ಥಿಗಳು
8ನೇ ತರಗತಿ ಪಾಸ್	180 ಅಭ್ಯರ್ಥಿಗಳು
10ನೇ ತರಗತಿ ಪಾಸ್	580 ಅಭ್ಯರ್ಥಿಗಳು
12ನೇ ತರಗತಿ ಪಾಸ್	400 ಅಭ್ಯರ್ಥಿಗಳು
ಪದವೀಧರರು	410 ಅಭ್ಯರ್ಥಿಗಳು
ಪದವೀಧರ ವೃತ್ತಿಪರರು	309 ಅಭ್ಯರ್ಥಿಗಳು
ಸ್ನಾತಕೋತ್ತರ ಪದವೀಧರರು	239 ಅಭ್ಯರ್ಥಿಗಳು
ಡಾಕ್ಟರೇಟ್ ಪಡೆದರವರು	23 ಅಭ್ಯರ್ಥಿಗಳು
ಡಿಪ್ಲೋಮಾ	115 ಅಭ್ಯರ್ಥಿಗಳು
ಶೈಕ್ಷಣಿಕ ಮಾಹಿತಿ ನೀಡದವರು	11 ಅಭ್ಯರ್ಥಿಗಳು

English summary

Karnataka Assembly Election 2023: Here is the educational information of the candidates contested in the Karnataka assembly elections 2023