ಶಾಲೆಗಳ ದಸರಾ ರಜೆ ಕಡಿತ : 14 ದಿನ ಮಾತ್ರ ರಜೆ!
ಬೆಂಗಳೂರು, ಸೆಪ್ಟೆಂಬರ್ 09 : ಶಾಲೆಗಳಿಗೆ ನೀಡುವ ದಸರಾ ರಜೆಗೆ ಈ ಬಾರಿ ಕತ್ತರಿ ಬಿದ್ದಿದೆ. 14 ದಿನಗಳ ಕಾಲ ಮಾತ್ರ ರಜೆ ಸಿಗಲಿದೆ. ಖಾಸಗಿ ಶಾಲೆಗಳು ಸರ್ಕಾರದ ಈ ತೀರ್ಮಾನದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿವೆ.
ಶಿಕ್ಷಣ ಇಲಾಖೆ ಈ ಕುರಿತು ಆದೇಶ ಹೊರಡಿಸಿದೆ. ಅಕ್ಟೋಬರ್ 8 ರಿಂದ 21ರ ತನಕ ಈ ಬಾರಿಯ ದಸರಾ ರಜೆ ನೀಡಲಾಗಿದೆ. ಕಳೆದ ವರ್ಷ 22 ದಿನಗಳ ಕಾಲ ರಜೆ ಸಿಕ್ಕಿತ್ತು. ಈ ಬಾರಿ 14 ದಿನಗಳಿಗೆ ಅದನ್ನು ಕಡಿತಗೊಳಿಸಲಾಗಿದೆ.
ಶಿಕ್ಷಕರ ಸಂಘ ಈ ಆದೇಶದ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದೆ. ಕರ್ನಾಟಕ ರಾಜ್ಯ ಸರ್ಕಾರಿ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ಬಸವರಾಜ್ ಗುರಿಕಾರ್ ಅವರು, 'ದಸರಾ ರಜೆಯನ್ನು ಕಡಿತಗೊಳಿಸಿದರೆ ಶಿಕ್ಷಣದ ಗುಣಮಟ್ಟ ಹೆಚ್ಚಾಗುವುದಿಲ್ಲ' ಎಂದು ಹೇಳಿದ್ದಾರೆ.
ಖಾಸಗಿ ಶಾಲಾ ಆಡಳಿತ ಮಂಡಳಿಗಳು ಸಹ ಈ ನಿರ್ಧಾರಕ್ಕೆ ವಿರೋಧ ವ್ಯಕ್ತಪಡಿಸಿವೆ. ರಜೆಗಳನ್ನು ಕಡಿಮೆ ಮಾಡುವುದು ಉತ್ತಮವಾದ ನಿರ್ಧಾರವಲ್ಲ. ಇದನ್ನು ಪಾಲಿಸುವುದು ಕಷ್ಟ ಎಂದು ಹೇಳಿವೆ.
ರಾಜ್ಯದ ಕೆಲವು ಭಾಗಗಳಲ್ಲಿ ಮುಖ್ಯವಾಗಿ ಕೊಡಗು ಜಿಲ್ಲೆಯಲ್ಲಿ ಮಳೆ ಮತ್ತು ಪ್ರವಾಹದಿಂದ ಹಲವು ದಿನ ಶಾಲೆಗಳನ್ನು ಬಂದ್ ಮಾಡಲಾಗಿತ್ತು. ಅಲ್ಲಿ ದಸರಾ ಸಂದರ್ಭದಲ್ಲಿ ಪಾಠಗಳನ್ನು ಮಾಡಿಕೊಳ್ಳಲಿ. ಬೇರೆ ಜಿಲ್ಲೆಗೆ ಏಕೆ ಈ ನಿಯಮ?' ಎಂದು ಶಾಲೆಗಳು ಪ್ರಶ್ನಿಸಿವೆ.
Click it and Unblock the Notifications
Sign in with Google