WeWork Bankruptcy: ದಿವಾಳಿತನಕ್ಕೆ ಯುಎಸ್ನಲ್ಲಿ ಅರ್ಜಿ ಸಲ್ಲಿಸಿದ ದೈತ್ಯ ಕಂಪನಿ ವಿವರ್ಕ್
ಕೋ ವರ್ಕ್ ಸ್ಪೇಸ್ ಸೇವೆ ಒದಗಿಸುವ ದೈತ್ಯ ಕಂಪನಿ ಯುಎಸ್ ಮೂಲದ ವಿವರ್ಕ್ ದಿವಾಳಿಯಾಗುವ ಹಂತವನ್ನು ತಲುಪಿದ್ದು, ದಿವಾಳಿತನಕ್ಕಾಗಿ ಯುಎಸ್ನಲ್ಲಿ ಅರ್ಜಿ ಸಲ್ಲಿಸಿದೆ. ಹಲವು ವರ್ಷಗಳಿಂದ ನಷ್ಟದ ಸುಳಿಯಲ್ಲಿ ಸಿಲುಕಿದ್ದ ವಿವರ್ಕ್ (WeWork) ದಿವಾಳಿತನಕ್ಕಾಗಿ ನ್ಯಾಯಾಲಯದ ಮೆಟ್ಟಿಲೇರಿದೆ.
ನ್ಯೂಜೆರ್ಸಿ ಫೆಡರಲ್ ನ್ಯಾಯಾಲಯದಲ್ಲಿ ದಿವಾಳಿತನದ ಫೈಲಿಂಗ್ ಪ್ರಕಾರ ಸಂಸ್ಥೆಯು $10 ಬಿಲಿಯನ್ನಿಂದ $50 ಬಿಲಿಯನ್ವರೆಗೆ ಹೊಣೆಗಾರಿಕೆಯನ್ನು ವರದಿ ಮಾಡಿದೆ. ಸಾಲಗಾರರಿಂದ ಕಾನೂನು ರಕ್ಷಣೆ ಮತ್ತು ಭೂಮಾಲೀಕರೊಂದಿಗೆ ಮಾತುಕತೆಗಾಗಿ ಹೆಚ್ಚಿನ ಅವಕಾಶಗಳನ್ನು ನೀಡಲು ವಿವರ್ಕ್ ಕಂಪನಿ ನ್ಯಾಯಾಲಯದ ಮೆಟ್ಟಿಲೇರಿದೆ.
ವಿವರ್ಕ್, ಸ್ಟಾರ್ಟ್-ಅಪ್ಗಳು ಮತ್ತು ಸ್ವತಂತ್ರ ಉದ್ಯೋಗಿಗಳಿಗೆ ಹೊಂದಿಕೊಳ್ಳುವ ನಿಯಮಗಳ ಮೇಲೆ ಬಾಡಿಗೆಗೆ ಹೆಸರುವಾಸಿಯಾಗಿದೆ, ಇದನ್ನು ಒಮ್ಮೆ ಕಚೇರಿಯ ಬದಲಾಗಿ ಭವಿಷ್ಯದಲ್ಲಿ ಉತ್ತಮ ಆಯ್ಕೆ ಎಂದು ಪರಿಗಣಿಸಲಾಗಿತ್ತು. ಆದರೆ, ಕಂಪನಿ ನಷ್ಟವನ್ನು ಹೊಂದುವ ಮೂಲಕ ದಿವಾಳಿಯ ಹಾದಿ ಹಿಡಿಯಿತು.
ರಕ್ಷಣೆಗಾಗಿ ಅರ್ಜಿ
ವಿವರ್ಕ್ ಇಂಕ್. (WeWork Inc.) ಮತ್ತು ಅದರ ಕೆಲವು ಘಟಕಗಳು ಯುಎಸ್ ದಿವಾಳಿತನ ಸಂಹಿತೆಯ ಅಧ್ಯಾಯ 11 ರ ಅಡಿಯಲ್ಲಿ ರಕ್ಷಣೆಗಾಗಿ ಅರ್ಜಿ ಸಲ್ಲಿಸಿವೆ ಮತ್ತು ಕೆನಡಾದಲ್ಲಿ ಮಾನ್ಯತೆ ಪ್ರಕ್ರಿಯೆಗಳನ್ನು ಸಲ್ಲಿಸಲು ಉದ್ದೇಶಿಸಿದೆ ಎಂದು ಸಂಸ್ಥೆಯು ಹೇಳಿಕೆಯಲ್ಲಿ ತಿಳಿಸಿದೆ.
ವಿವರ್ಕ್ ಮುಖ್ಯ ಕಾರ್ಯನಿರ್ವಾಹಕ ಡೇವಿಡ್ ಟೋಲಿ ಅವರು "ನಮ್ಮ ಬಂಡವಾಳದ ರಚನೆಯನ್ನು ಬಲಪಡಿಸಲು ಮತ್ತು ಪುನರ್ರಚನಾ ಬೆಂಬಲ ಒಪ್ಪಂದದ ಮೂಲಕ ಈ ಪ್ರಕ್ರಿಯೆಯನ್ನು ವೇಗಗೊಳಿಸಲು ನಾವು ಒಟ್ಟಾಗಿ ಕೆಲಸ ಮಾಡುತ್ತಿದ್ದು ನಮ್ಮ ಹಣಕಾಸಿನ ಮಧ್ಯಸ್ಥಗಾರರ ಬೆಂಬಲ ನೀಡಿದ್ದಕ್ಕಾಗಿ ಅವರಿಗೆ ಕೃತಜ್ಞರಾಗಿರುತ್ತೇನೆ" ಎಂದು ಹೇಳಿದರು.
"ನಮ್ಮ ಸಮುದಾಯವನ್ನು ಬೆಂಬಲಿಸಲು ನಮ್ಮ ಉತ್ಪನ್ನಗಳು, ಸೇವೆಗಳು ಮತ್ತು ವಿಶ್ವ ದರ್ಜೆಯ ಉದ್ಯೋಗಿಗಳ ತಂಡದಲ್ಲಿ ಹೂಡಿಕೆ ಮಾಡಲು ನಾವು ಬದ್ಧರಾಗಿದ್ದೇವೆ" ಎಂದು ಅವರು ಹೇಳಿದ್ದಾರೆ.
ಸಾರ್ವಜನಿಕ ಪಟ್ಟಿಯಲ್ಲಿ ಹಣವನ್ನು ಸಂಗ್ರಹಿಸಲು 2019 ರ ಪ್ರಯತ್ನದ ನಂತರ ವಿವರ್ಕ್ನಿಂದ ಕಚೇರಿ ಸ್ಥಳಗಳನ್ನು ಸಹ-ಹಂಚಿಕೆಗೆ ಬೇಡಿಕೆ ಕಡಿಮೆಯಾಯಿತು, ಜನಪ್ರಿಯತೆ ಕಡಿಮೆಯಾಯಿತು. ಸಹ-ಸಂಸ್ಥಾಪಕ ಆಡಮ್ ನ್ಯೂಮನ್ ಅವರನ್ನು ಕಂಪನಿಯಿಂದ ಹೊರಹಾಕಲಾಯಿತು.
ಕೋವಿಡ್ ಸಾಂಕ್ರಾಮಿಕದ ಹೊಡೆತ
ಇದರೊಂದಿಗೆ ಕೋವಿಡ್ ಸಾಂಕ್ರಾಮಿಕ ಕಂಪನಿಗೆ ಹೆಚ್ಚಿನ ಹೊಡೆತ ನೀಡಿತು. ಇದರಿಂದ ಪ್ರಪಂಚಾದ್ಯಂತ ಅನೇಕ ಕಚೇರಿಗಳನ್ನು ಮುಚ್ಚಲಾಯಿತು, ಮನೆಯಿಂದ ಕೆಲಸ ವ್ಯವಸ್ಥೆ ಬಂದಿದ್ದು, ವಿವರ್ಕ್ಗೆ ಭಾರಿ ಹೊಡೆತ ನೀಡಿತು.
ಈ ವರ್ಷದ ಮೊದಲಾರ್ಧದಲ್ಲಿ, ವಿವರ್ಕ್ $1 ಬಿಲಿಯನ್ಗಿಂತ ಹೆಚ್ಚು ಬಂಡವಾಳವನ್ನು ಕಳೆದುಕೊಂಡಿತು, ಅದರ ಕಚೇರಿಗಳನ್ನು ನಿರ್ವಹಿಸುವ ವೆಚ್ಚ ಮತ್ತು ಇತರ ವೆಚ್ಚಗಳನ್ನು ನೀಡಲು ಸಹ ಪರದಾಡುವಂತಾಯಿತು.
ಕಂಪನಿಯು ತನ್ನ ವ್ಯವಹಾರದ ಭಾಗಗಳನ್ನು ಮಾರಾಟ ಮಾಡಲು ಪರದಾಡುತ್ತಿದೆ ಮತ್ತು ಸ್ಥಳಗಳನ್ನು ಮುಚ್ಚಲು ಅಥವಾ ದೀರ್ಘಾವಧಿಯ ಗುತ್ತಿಗೆ ಮತ್ತು ಸಾಲಗಳ ನಿಯಮಗಳನ್ನು ಮರುಸಂಧಾನ ಮಾಡಲು ಸಮಯಾವಕಾಶ ಕೇಳಿದೆ.
ಕಳೆದ ತಿಂಗಳು, ಆ ಚರ್ಚೆಗಳು ತೀವ್ರಗೊಂಡಂತೆ, ವಿವರ್ಕ್ ಹೂಡಿಕೆದಾರರಿಗೆ ತನ್ನ ಸಾಲಗಳ ಮೇಲೆ ಪಾವತಿಗಳನ್ನು ಮಾಡುತ್ತಿಲ್ಲ ಎಂದು ಹೇಳಿದರು.
2010 ರಲ್ಲಿ ಸ್ಥಾಪನೆಯಾದ ವಿವರ್ಕ್ ಈ ವರ್ಷ ಜೂನ್ನಲ್ಲಿ ಪ್ರಪಂಚದಾದ್ಯಂತ 700 ಕ್ಕೂ ಹೆಚ್ಚು ಸ್ಥಳಗಳನ್ನು ಮತ್ತು ಸುಮಾರು 730,000 ಸದಸ್ಯರನ್ನು ಹೊಂದಿದೆ ಎಂದು ಹೇಳಿಕೊಂಡಿದೆ. ಹೂಡಿಕೆದಾರರು 2019 ರ ಆರಂಭದಲ್ಲಿ ವಿವರ್ಕ್ ಕಂಪನಿ ಮೌಲ್ಯ $47 ಬಿಲಿಯನ್ ಎಂದು ಮೌಲ್ಯೀಕರಿಸಲಾಗಿತ್ತು.
Click it and Unblock the Notifications
Sign in with Google