ಮುಟ್ಟಿದ್ರೆ ಸರಿ ಇರಲ್ಲ: ಚೀನಾ ವಿರುದ್ಧ ತೈವಾನ್ ಗರಂ!
ತೈಪೆ: ಚೀನಾ & ತೈವಾನ್ ಘರ್ಷಣೆ ಹೆಚ್ಚಾಗುತ್ತಲೇ ಇದೆ. ಈ ನಡುವೆ ಚೀನಾ ಸೇನೆ ದ್ವೀಪ ರಾಷ್ಟ್ರದ ಸುತ್ತಲೂ ಬಿಡಾರ ಹೂಡಿ ಎಚ್ಚರಿಸಿದೆ. ಆದರೆ ಇಷ್ಟು ದಿನಗಳ ಕಾಲ ಯಾವುದೇ ರೀತಿಯ ಪ್ರತಿಕ್ರಿಯೆ ನೀಡದ ತೈವಾನ್, ಈಗ ದಿಢೀರ್ ಚೀನಾಗೆ ವಾರ್ನಿಂಗ್ ಕೊಟ್ಟಿದೆ. ತೈವಾನ್ ಗಡಿಗೆ ನುಗ್ಗಿರುವ ಚೀನಾ ಡ್ರೋನ್ಗಳನ್ನೇ ತೈವಾನ್ ಮೇಲಿನ ಮೊದಲ ದಾಳಿ ಎಂದಿದ್ದಾರೆ ದ್ವೀಪ ರಾಷ್ಟ್ರದ ರಕ್ಷಣಾ ಸಚಿವ.
ಚೀನಾ ತನ್ನ ಸುತ್ತಮುತ್ತಲ ದೇಶಗಳು ಅಮೆರಿಕದ ಸಹವಾಸ ಮಾಡಿದರೆ ಸಹಿಸುವುದಿಲ್ಲ. ಅದ್ರಲ್ಲೂ ತೈವಾನ್ ನಮ್ಮದೇ ಜಾಗ ಎಂದು ಹೇಳಿಕೊಂಡು ಬರುತ್ತಿರುವ ಚೀನಾ, ಅಮೆರಿಕದ ಜೊತೆ ತೈವಾನ್ ಸ್ನೇಹ ಬೆಳೆಸಿದರೆ ಉರಿದು ಬೀಳುತ್ತದೆ. ಆದರೆ ಈ ಬಾರಿ ಕಿತ್ತಾಟ, ಘರ್ಷಣೆ ಜೋರಾಗಿಯೇ ಇದೆ. ಪರಿಣಾಮ ತೈವಾನ್ ಸುತ್ತಲೂ ತನ್ನ ಸೇನೆಯನ್ನ ನಿಯೋಜನೆ ಮಾಡಿ, ಪ್ರತಿ ಕ್ಷಣವೂ ತೈವಾನ್ ಮೇಲೆ ಹದ್ದಿನ ಕಣ್ಣು ಇಟ್ಟು ಕೂತಿದೆ. ಪರಿಣಾಮ ತೈವಾನ್ಗೆ ಅಮೆರಿಕ ಬೆಂಬಲ ನೀಡಿದ್ದು, ಎರಡೂ ರಾಷ್ಟ್ರಗಳ ನಡುವೆ ಯುದ್ಧದ ಭೀತಿ ನಿರ್ಮಾಣವಾಗಿದೆ.
ತೈವಾನ್ ನೀಡಿತು ಖಡಕ್ ಎಚ್ಚರಿಕೆ!
ಅಂದಹಾಗೆ ಕೆಲ ದಿನಗಳಿಂದ ತೈವಾನ್ ಸುತ್ತಲೂ ಚೀನಾ ಹರಾಡಿಸುತ್ತಿರುವ ಮಾನವ ರಹಿತ ಯುದ್ಧ ವಿಮಾನಗಳು, ಅಂದ್ರೆ ಡ್ರೋನ್ ಭೀತಿ ಸೃಷ್ಟಿಸಿವೆ. ಹೀಗಾಗಿ ತೈವಾನ್ನ ರಕ್ಷಣಾ ಸಚಿವ ಚೂ ಕೋ-ಚೆಂಗ್ ಗಂಭೀರ ಮೆಸೇಜ್ ಒಂದನ್ನ ಚೀನಾಗೆ ನೀಡಿ, ಪರೋಕ್ಷವಾಗಿ ಕೆಣಕಿದ್ದಾರೆ. ಈ ಮೂಲಕ ನಮ್ಮ ತಂಟೆಗೆ ಬರಬೇಡಿ ಎಂದು ತೈವಾನ್ ಎಚ್ಚರಿಕೆ ರವಾನಿಸಿದೆ. ತೈವಾನ್ ಜಲಸಂಧಿ ವಿಚಾರದಲ್ಲಿ ಚೀನಾ ಮೂಗು ತೂರಿಸುತ್ತಿರುವುದು ಸರಿ ಬರುವುದಿಲ್ಲ ಎಂದಿದೆ ತೈವಾನ್. ಈ ಕೇಳಿಕೆ ಡ್ರ್ಯಾಗನ್ ಪಿತ್ತ ನೆತ್ತಿಗೇರುವಂತೆ ಮಾಡಿದೆ.
ತೈವಾನ್ ಗಡಿಯಲ್ಲಿ ಚೀನಾ ಭಯಂಕರ!
ಚೀನಾ ತೈವಾನ್ ಗಡಿಗೆ ನುಗ್ಗಿಸುತ್ತಿರುವ ಪ್ರತಿಯೊಂದು ಡ್ರೋನ್ ಕೂಡ ವಿನಾಶಕಾರಿಯಾಗಿದೆ. ಈ ಹಿಂದೆ ಎಸ್ಯು-30, ಎರಡು ಜೆ-16 ಮತ್ತು ಟಿಬಿ-001 ರವಾನಿಸಿತ್ತು. ನಂತರ Z-9 ಹೆಲಿಕಾಪ್ಟರ್ ಹಾರಾಡಿಸಿ ಭಯಹುಟ್ಟಿಸಿತ್ತು. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ BZK-005 ಡ್ರೋನ್ಗಳ ಪರಿಚಯ ಮಾಡಿಸಿತ್ತು. ಚೀನಾ ಬಳಿ ಇರುವ ಈ ಡ್ರೋನ್ ಎಷ್ಟು ಬಲಶಾಲಿ ಎಂದರೆ, ಸಾಮಾನ್ಯ ಡ್ರೋನ್ಗಳಿಂತ ಅತಿಹೆಚ್ಚು ದೂರ ಒಂದೇ ಬಾರಿಗೆ ಕ್ರಮಿಸುವ ಸಾಮರ್ಥ್ಯ ಹೊಂದಿದ್ದು, ಇದು ತೈವಾನ್ ಜನರ ನಿದ್ದೆಗೆಡಿಸಿದೆ.
ತೈವಾನ್ ಬಗ್ಗೆ ಚೀನಾ ರಿಯಾಕ್ಷನ್ ಹೇಗಿರುತ್ತೆ?
ರಷ್ಯಾ & ಉಕ್ರೇನ್ ಒಬ್ಬರಿಗೊಬ್ಬರು ಬಾಂಬ್ ಎಸೆಯುತ್ತಾ ಶೆಲ್ ದಾಳಿ ಮಾಡುತ್ತಾ ವಿನಾಶದ ಮುನ್ಸೂಚನೆ ನೀಡುತ್ತಿವೆ. ಇತ್ತ ತೈವಾನ್ ಮತ್ತು ಚೀನಾ ಗಡಿಯಲ್ಲಿ ಇಂತಹದ್ದೇ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದು ಜಗತ್ತಿನಾದ್ಯಂತ ಸಂಚಲನ ಸೃಷ್ಟಿಸಿದೆ. ಅದೇ ಸಮಯಕ್ಕೆ ತೈವಾನ್ ಕೂಡ ಚೀನಾ ವಿರುದ್ಧ ಹೇಳಿಕೆ ನೀಡಿ ಗಮನಸೆಳೆದಿದೆ. ಮೊದಲೇ ಆಕ್ರೋಶ ಹೊರಹಾಕುತ್ತಿರುವ ಚೀನಾ ತೈವಾನ್ ನೀಡಿರುವ ಈ ಹೇಳಕೆಗೆ ಯಾವ ರೀತಿ ರಿಯಾಕ್ಷನ್ ಕೊಡಲಿದೆ ಎಂಬುದನ್ನ ಕಾದು ನೋಡಬೇಕು. ಆದರೆ ಚೀನಾ ಮತ್ತೊಂದು ಯುದ್ಧಕ್ಕೆ ಸಿದ್ಧವಾಗಿರುವುದು ಸತ್ಯ ಎನ್ನುತ್ತಿದ್ದಾರೆ ತಜ್ಞರು.
ಎಲ್ಲವನ್ನೂ ಅಳೆದು, ತೂಗಿ ಹೇಳುವುದಾರೆ ಚೀನಾ ಯುದ್ಧಕ್ಕೆ ಸಿದ್ಧ ಎಂದರೆ ನಾವು ಕೂಡ ಯುದ್ಧಕ್ಕೆ ತಯಾರಿ ನಡೆಸಿದ್ದೇವೆ ಎಂಬ ರೀತಿ ತೈವಾನ್ ರಕ್ಷಣಾ ಸಚಿವ ಮಾತನಾಡಿದ್ದಾರೆ. ತೈವಾನ್ ಈ ಹೇಳಿಕೆ ನೀಡುವುದರ ಹಿಂದೆ ಅಮೆರಿಕದ ಧೈರ್ಯ ಕೂಡ ಇರಬಹುದು. ಯಾಕಂದ್ರೆ ಅಮೆರಿಕದ ಬೆಂಬಲ ಇಲ್ಲದೆ ತೈವಾನ್ ಇಷ್ಟು ಖಡಕ್ ಹೇಳಿಕೆ ನೀಡಲು ಸಾಧ್ಯವಿಲ್ಲ. ಆದರೆ ತೈವಾನ್ ಈಗ ನೀಡಿರುವ ಹೇಳಿಕೆ ದಕ್ಷಿಣ ಚೀನಾ ಸಮುದ್ರ ಪ್ರದೇಶದಲ್ಲಿ ಯಾವ ರೀತಿ ಪರಿಣಾಮ ಬೀರಲಿದೆ ಎಂಬುದನ್ನ ಕಾದು ನೋಡಬೇಕು.
-
Video: ಲ್ಯಾಂಬೋರ್ಗಿನಿ ಸ್ಟಂಟ್ ಕೇಸ್: ಮುತ್ತಪ್ಪ ರೈ ಪುತ್ರ ರಿಕ್ಕಿ ರೈಗೆ ಪೊಲೀಸರಿಂದ ನೋಟಿಸ್ -
ಮೈಸೂರು, ಬೆಂಗಳೂರು, ವಿಜಯಪುರ ರೈಲು ಪ್ರಯಾಣಿಕರೇ ಗಮನಕ್ಕೆ; ರೈಲುಗಳ ಸಂಚಾರ ಭಾಗಶಃ ರದ್ದು -
NWKRTC ಬಸ್ಗಳಿಗೆ ಟ್ರ್ಯಾಕಿಂಗ್ ಸಿಸ್ಟಮ್ ಅಳವಡಿಕೆಗೆ 'ಆಡಿಟ್' ಬಿಸಿ: ಜಗದೀಶ್ ಶೆಟ್ಟರ್ಗೆ ನಿತಿನ್ ಗಡ್ಕರಿ ಪತ್ರ -
Gold Rate Today: ಸತತ ನಾಲ್ಕನೇ ದಿನವು ಚಿನ್ನ-ಬೆಳ್ಳಿ ದರ ಭರ್ಜರಿ ಇಳಿಕೆ, ಇಂದಿನ ದರವೆಷ್ಟು? -
ಆರ್ಸಿಬಿಗೆ ಚಾರ್ಟರ್ಡ್ ಫ್ಲೈಟ್ ಸೌಲಭ್ಯದ ಬೇಡಿಕೆ ಆರೋಪ: ಒಂದೇ ಎಮೋಜಿ ಹಾಕಿ ಕಿಂಗ್ ಕೊಹ್ಲಿ ಸಷ್ಟನೆ -
Devanahalli accident: ದೇವನಹಳ್ಳಿ ಬಳಿ ಭೀಕರ ಅಪಘಾತ: ಕಾಶಿಯಾತ್ರೆಗೆ ಹೊರಟಿದ್ದ ತಿಪಟೂರಿನ ಮೂವರು ಮಹಿಳೆಯರು ಸಾವು -
March 22 Horoscope: ಇಂದು ನಿಮ್ಮ ಧನ, ಆರೋಗ್ಯ, ಉದ್ಯೋಗದ ಭವಿಷ್ಯ ಹೇಗಿದೆ? -
ಅಮೆರಿಕ ಪಾಕಿಸ್ತಾನದ ಮೇಲೆ ದಾಳಿ ಮಾಡಿದರೆ ನಾವು ಮುಂಬೈ, ದೆಹಲಿ ಮೇಲೆ ಬಾಂಬ್ ಹಾಕ್ತೀವಿ: ಪಾಕ್ ಮಾಜಿ ರಾಯಭಾರಿ ವಿವಾದಾತ್ಮಕ ಹೇಳಿಕೆ -
ಮಾರ್ಚ್ 22ರಂದು ಬೆಂಗಳೂರು ಸೇರಿ ರಾಜ್ಯದ ಇತರ ಜಿಲ್ಲೆಗಳಲ್ಲಿ ಪೆಟ್ರೋಲ್, ಡೀಸೆಲ್ ದರ ಎಷ್ಟಿದೆ ತಿಳಿಯಿರಿ -
IPL 2026 Ticket: ಐಪಿಎಲ್ ಟಿಕೆಟ್ ಖರೀದಿ ಕುರಿತು ಬೆಂಗಳೂರು ಪೊಲೀಸರಿಂದ ಕ್ರಿಕೆಟ್ ಪ್ರೇಮಿಗಳಿಗೆ ಮಹತ್ವದ ಸಲಹೆ -
By-Election: ದಾವಣಗೆರೆ ದಕ್ಷಿಣದಲ್ಲಿ ಮೊದಲ ಬಾರಿ ಬಿಜೆಪಿ ಗೆಲುವು ನಿಶ್ಚಿತ; ಬಸವರಾಜ ಬೊಮ್ಮಾಯಿ ವಿಶ್ವಾಸ -
ಆರ್ಸಿಬಿ ವಿರುದ್ಧದ ಪಂದ್ಯಕ್ಕೂ ಮುನ್ನ ಕೇವಲ 42 ಎಸೆತಗಳಲ್ಲಿ 94 ರನ್ ಸಿಡಿಸಿದ ಅಭಿಷೇಕ್ ಶರ್ಮಾ: ಭಾರೀ ವೈರಲ್
Click it and Unblock the Notifications
Sign in with Google