ಸಾರ್ವಜನಿಕ ಸಭೆಗಳಲ್ಲಿ ಭಾಗವಹಿಸದಿರಲು ಪ್ರಿನ್ಸ್ ಫಿಲಿಪ್ ನಿರ್ಧಾರ

ಲಂಡನ್, ಮೇ 04 : ಇದೀಗ ಬಂದಿರುವ ಮಾಹಿತಿ ಪ್ರಕಾರ, 95 ವರ್ಷದ ಪ್ರಿನ್ಸ್ ಫಿಲಿಪ್ ಅವರು ಯಾವುದೇ ಸಾರ್ವಜನಿಕ ಸಭೆಗಳಲ್ಲಿ ಭಾಗವಹಿಸದಿರಲು ನಿರ್ಧರಿಸಿದ್ದಾರೆ ಎಂದು ತಿಳಿದುಬಂದಿದೆ.

ಪ್ರಿನ್ಸ್ ಫಿಲಿಪ್ ಅವರು ಅವಸಾನ ಹೊಂದಿದ್ದಾರೆ ಎಂಬ ಗಾಳಿಸುದ್ದಿಗೆ ಕೊನೆಗೂ ತೆರೆ ಬಿದ್ದಂತಾಗಿದೆ. ಅವರ ಉತ್ತಮ ಆರೋಗ್ಯಕ್ಕಾಗಿ ಎಲ್ಲೆಡೆ ಪ್ರಾರ್ಥನೆ ಸಲ್ಲಿಸಲಾಗುತ್ತಿದೆ.

ಹಿಂದಿನ ಸುದ್ದಿ : ಇಂಗ್ಲೆಂಡಿನ ರಾಣಿ ಎಲಿಜಬೆತ್ ಅವರ ಗಂಡ ತೊಂಬತ್ತೈದು ವರ್ಷದ ಪ್ರಿನ್ಸ್ ಫಿಲಿಪ್ ಸಾವಿಗೀಡಾಗಿದ್ದಾರೆ ಎಂಬ ಗಾಳಿಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ಗುರುವಾರ ಹರಿದಾಡುತ್ತಿದೆ.

ಈ ಸುದ್ದಿಯನ್ನು ಬಕ್ಕಿಂಗ್ ಹ್ಯಾಮ್ ಪ್ಯಾಲೇಸ್ ಖಚಿತ ಮಾಡಿಲ್ಲ. ಆದರೆ, ರಾಣಿ ಎಲಿಜಬೆತ್ II ಅವರು ಅರಮನೆ ಆಡಳಿತವರ್ಗದ ತುರ್ತು ಸಭೆಯನ್ನು ಕರೆದಿರುವುದು ಹಲವು ಊಹಾಪೋಹಗಳಿಗೆ ಎಡೆಮಾಡಿಕೊಟ್ಟಿದೆ.

ಅರಮನೆಯಿಂದ ಯಾವುದೇ ಖಚಿತ ಸುದ್ದಿ ಬಾರದಿದ್ದರೂ ಪ್ರಿನ್ಸ್ ಫಿಲಿಪ್ ಸಾವಿನ ಕುರಿತು ನಾನಾ ಸುದ್ದಿಗಳು ಟ್ವಿಟ್ಟರಿನಲ್ಲಿ ಸದ್ದು ಮಾಡುತ್ತಿವೆ.

ಬಕ್ಕಿಂಗ್ ಹ್ಯಾಮ್ ಪ್ಯಾಲೇಸಿನಲ್ಲಿ ಇಂಥ ಎಮರ್ಜೆನ್ಸಿ ಮೀಟಿಂಗ್ ಕರೆಯುವುದು ಸರ್ವೇಸಾಮಾನ್ಯ. ಇದರಿಂದ ಯಾರೇ ಆಗಲಿ ಕಳವಳಕ್ಕೀಡಾಗುವ ಕಾರಣವಿಲ್ಲ ಎಂದು ಸ್ಟಾಂಡರ್ಡ್ ನ್ಯೂಸ್ ಪತ್ರಿಕೆಯ ಪತ್ರಕರ್ತ ರಾಬರ್ಟ್ ಜಾಬ್ಸನ್ ಅವರು ಹೇಳಿದ್ದಾರೆ.

My understanding re so called Buckingham Palace "emergency meeting" is there is no cause for alarm.

— Robert Jobson (@theroyaleditor) May 4, 2017

English summary

Speculation about the death of Prince Philip (95) is rife in social media. Many are tweeting about his ill health. Bukkingham palace has called for an emergency meeting has given more feathers to the speculation.