ಕೊರೊನಾ ವೈರಸ್‌ನ 8 ತಳಿಗಳನ್ನು ಗುರುತಿಸಿದ ವಿಜ್ಞಾನಿಗಳು

ನ್ಯೂಯಾರ್ಕ್, ಏಪ್ರಿಲ್ 2: ಇಡೀ ವಿಶ್ವವನ್ನೇ ತಲ್ಲಣಗೊಳಿಸಿರುವ ಕೊರೊನಾ ವೈರಸ್‌ನ 8 ತಳಿಗಳನ್ನು ವಿಜ್ಞಾನಿಗಳು ಕಂಡು ಹಿಡಿದಿದ್ದಾರೆ.

ಓಪನ್ ಸೋರ್ಸ್ ಯೋಜನೆಯಾಗಿರುವ Nextstrain.org ಗೆ ವಿಶ್ವಾದ್ಯಂತ ಇರುವ ಪ್ರಯೋಗಾಲಯಗಳಿಂದ ಸಲ್ಲಿಕೆಯಾಗಿರುವ 2,000 ಕ್ಕೂ ಹೆಚ್ಚು ಜೆನೆಟಿಕ್ ಸೀಕ್ವೆನ್ಸ್ ಗಳ ಪ್ರಕಾರ ವೈರಾಣು ರೂಪಾಂತರ ಹೊಂದುತ್ತಿರುವುದು ತಿಳಿದುಬಂದಿದೆ.

ಜಗತ್ತಿನಾದ್ಯಂತ ಸಂಶೋಧಕರು ಕೊರೋನಾ ವೈರಸ್ ನ ವಿಕಸನವನ್ನು ಅರ್ಥ ಮಾಡಿಕೊಳ್ಳಲು ಯತ್ನಿಸುತ್ತಿದ್ದು, ಇತ್ತೀಚಿನ ವರದಿಯ ಪ್ರಕಾರ ವಿಜ್ಞಾನಿಗಳು ಜಾಗತಿಕವಾಗಿ ಹರಡುತ್ತಿರುವ ಕೊರೋನಾ ವೈರಸ್ ನ ಕನಿಷ್ಟ 8 ತಳಿಗಳನ್ನು ಗುರುತಿಸಿದ್ದಾರೆ.

ರೂಪಾಂತರ ಹೊಂದುತ್ತದೆ ಎಂಬ ಕಾರಣಕ್ಕೆ ವೈರಾಣು ಅಪಾಯಕಾರಿಯಾಗುತ್ತಿದೆ ಎಂದು ಹೇಳಲು ಸಾಧ್ಯವಿಲ್ಲ. ಈ ರೂಪಾಂತರಗಳು ವಿಜ್ಞಾನಿಗಳಿಗೆ ಆ ವೈರಾಣುವಿನ ಮೂಲ ಹಾಗೂ ಚರ್ಯೆಯನ್ನು ತಿಳಿದುಕೊಳ್ಳುವುದಕ್ಕೆ ಸಹಕಾರಿಯಾಗುತ್ತದೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ನ್ಯಾಷನಲ್ ಜಿಯಾಗ್ರಫಿಕ್ ಚಾನಲ್ ನ ವರದಿಯ ಪ್ರಕಾರ, ಅಂಟಾರ್ಟಿಕ ಹೊರತುಪಡಿಸಿ ಎಲ್ಲಾ ಖಂಡಗಳಿಂದಲೂ ಸ್ಯಾಂಪಲ್ ಗಳನ್ನು ತರಿಸಿಕೊಳ್ಳಲಾಗಿದ್ದು, ರೂಪಾಂತರ ಹೊಂದುವುದಕ್ಕೆ 15 ದಿನಗಳ ಸಮಯ ತೆಗೆದುಕೊಳ್ಳುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ.

English summary

ven as researchers across the world work overtime to understand evolution of the virus that causes the disease COVID-19, scientists have identified at least eight strains of coronavirus doing the rounds globally.