ನಾಸಾದಿಂದ 'ರಿಯಲ್' ಗ್ರ್ಯಾವಿಟಿ ಅನಾವರಣ

By Mahesh

Updated: Tuesday, March 4, 2014, 15:19 [IST]

'ಗ್ರ್ಯಾವಿಟಿ' ಅಥವಾ 'ಗುರುತ್ವ' ಎನ್ನುವ ಶಕ್ತಿಯೂ ಮಾನವ ಸಂಶೋಧನೆಯ ಮಾರ್ಗದಲ್ಲಿ ನಿರಂತರವಾಗಿ ಎದುರಾದ ಸವಾಲು. ಗುರುತ್ವ ಎನ್ನುವುದು ಅಗತ್ಯ. ಗುರುತ್ವದಾಚೆ ಸಾಗಿದಾಗಲೇ ಈ ಶಕ್ತಿಯ ಮಹತ್ವ ಅರಿವಾಗಿದೆ. ಅಂಥದೊಂದು ಗುರುತ್ವ ರಹಿತವಾದ ಆವರಣದಲ್ಲಿ ಎದುರಾಗುವ ಸವಾಲುಗಳನ್ನು ಅನುಭವಿಸುವ ಅವಕಾಶ ನೀಡಿರುವುದೇ ಹಾಲಿವುಡ್ ಚಿತ್ರ 'ಗ್ರ್ಯಾವಿಟಿ'.

ಈ ಸಿನಿಮಾವನ್ನು '3ಡಿ'ಯಲ್ಲಿ ನೋಡುವುದೇ ಒಂದು ಅದ್ಭುತ ಅನುಭೂತಿ. ಗುರುತ್ವದಾಚೆಗಿನ ಸವಾಲುಗಳ ರೋಮಾಂಚನವು ಪ್ರೇಕ್ಷಕರನ್ನು ಹಿಡಿದಿಡುವ ಶಕ್ತಿ. ಇಂಥದೊಂದು ವಾಸ್ತವಕ್ಕೆ ತೀರ ಹತ್ತಿರವಾದ ರೋಚಕ ಕಲ್ಪನೆಯನ್ನು ವಾಸ್ತವ ಎನ್ನುವಂತೆ ಕಟ್ಟಿಕೊಡುವ ಆಲ್ಫಾನ್ಸೋ ಕಾರನ್ ನಿರ್ದೇಶನದ 'ಗ್ರ್ಯಾವಿಟಿ' ಚಿತ್ರವು ಬರೋಬ್ಬರಿ 7 ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಈ ಚಿತ್ರವು 10 ವಿಭಾಗಗಳಲ್ಲಿ ನಾಮನಿರ್ದೇಶನಗೊಂಡಿತ್ತು. ಶ್ರೇಷ್ಠ ನಿರ್ದೇಶಕ ಸೇರಿದಂತೆ 7 ಪ್ರಶಸ್ತಿಗಳು ಗ್ರ್ಯಾವಿಟಿ ಮಡಿಲು ಸೇರಿದವು.

ಇದು ಚಿತ್ರದ ಕಥೆಯಾದರೆ ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಗ್ರ್ಯಾವಿಟಿ ಚಿತ್ರದ ಆಸ್ಕರ್ ಸಂಭ್ರಮವನ್ನು ವಿಶಿಷ್ಟವಾಗಿ ಆಚರಿಸಿದೆ. ಬಾಹ್ಯಾಕಾಶದಲ್ಲಿ ಇಬ್ಬರು ಗಗನಯಾತ್ರಿಗಳ ಬದುಕನ್ನು ಕಟ್ಟಿಕೊಡುವ ಚಿತ್ರಗಳನ್ನು ನಾಸಾ ಸಾಮಾಜಿಕ ಜಾಲ ತಾಣ ಟ್ವಿಟ್ಟರ್ ಮೂಲಕ ಬಿಡುಗಡೆ ಮಾಡಿದೆ. #realgravity ಎಂಬ ಹ್ಯಾಶ್ ಟ್ಯಾಗ್ ಮೂಲಕ ಸರಣಿಯಾಗಿ ಚಿತ್ರಗಳನ್ನು ಸಾರ್ವಜನಿಕರ ಮುಂದಿಡಲಾಗಿದೆ.

ಬಾಹ್ಯಾಕಾಶದಿಂದ ನೋಡಿದಾಗ ರಾತ್ರಿ ವೇಳೆ ಭೂಮಿ ಹೇಗೆ ಕಾಣುತ್ತದೆ? ಗಗನಯಾತ್ರಿಗಳ ನಡಿಗೆ, ಗುರುತ್ವವಿಲ್ಲದ ಹಾರಾಟ ಸೇರಿದಂತೆ ಅನೇಕ ಗಗನಯಾತ್ರಿಗಳಿಂದ ಬಂದಿರುವ ಶುಭ ಹಾರೈಕೆ ಸಂದೇಶಗಳನ್ನು ನಾಸಾ ಹಂಚಿಕೊಂಡಿದೆ. ಈ ಬಗ್ಗೆ ಇನ್ನಷ್ಟು ವಿವರ ಮುಂದೆ ಓದಿ...

ಶ್ರೇಷ್ಠ ನಿರ್ದೇಶಕ ಸೇರಿದಂತೆ 7 ಪ್ರಶಸ್ತಿಗಳು ಗ್ರ್ಯಾವಿಟಿ

ಆಲ್ಫಾನ್ಸೋ ಕಾರನ್ ನಿರ್ದೇಶನದ 'ಗ್ರ್ಯಾವಿಟಿ' ಚಿತ್ರವು ಬರೋಬ್ಬರಿ 7 ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಈ ಚಿತ್ರವು 10 ವಿಭಾಗಗಳಲ್ಲಿ ನಾಮನಿರ್ದೇಶನಗೊಂಡಿತ್ತು. ಶ್ರೇಷ್ಠ ನಿರ್ದೇಶಕ ಸೇರಿದಂತೆ 7 ಪ್ರಶಸ್ತಿಗಳು ಗ್ರ್ಯಾವಿಟಿ ಮಡಿಲು ಸೇರುವ ಹೊತ್ತಿಗೆ ನಾಸಾ ರಿಯಲ್ ಗ್ರ್ಯಾವಿಟಿ ಬಗ್ಗೆ ಚಿತ್ರಗಳನ್ನು ಹೊರ ಹಾಕಿದೆ.

Array