ನೇಪಾಳ: ಮತ್ತೊಂದು ವಿಮಾನ ದುರಂತ, 18 ಸಾವು

ಕಠ್ಮಂಡು, ಫೆ. 17: ನಿನ್ನೆ ಭಾನುವಾರ ನೇಪಾಳದಲ್ಲಿ ಸಂಭವಿಸಿದ ವಿಮಾನ ದುರಂತದಲ್ಲಿ ಮೃತಪಟ್ಟ ಎಲ್ಲ 18 ಪ್ರಯಾಣಿಕರ ಮೃತದೇಹಗಳು ಇಂದು ಪತ್ತೆಯಾಗಿವೆ. ಅಪಘಾತಕ್ಕೆ ನಿಖರ ಕಾರಣ ಏನೆಂಬುದು ತಕ್ಷಣಕ್ಕೆ ತಿಳಿದುಬಂದಿಲ್ಲವಾದರೂ ಹವಾಮಾನ ವೈಪರೀತ್ಯವೇ ಅಪಘಾತಕ್ಕೆ ಕಾರಣವೆಂದು ತಿಳಿದುಬಂದಿದೆ.

ಬೆಳಗಿನ ಸುದ್ದಿ: ಬೆಟ್ಟ-ತಪ್ಪಲುಗಳಿಂದ ಆವೃತವಾದ ಹಿಮ ಪ್ರದೇಶ ನೇಪಾಳದಲ್ಲಿ ವಿಮಾನಯಾನ ದುಸ್ತರ ಮತ್ತು ಅಪಾಯಕಾರಿಯಾಗಿ ಪರಿಣಮಿಸುತ್ತಿದೆ. ಆಗಾಗ್ಗೆ ಪುಟ್ಟ ಪುಟ್ಟ ವಿಮಾನಗಳು ನೆಲದಿಂದ ಎದ್ದುಹೋದ ಕೆಲವೇ ನಿಮಿಷಗಳಲ್ಲಿ ಯಾವುದೋ ಬೆಟ್ಟಕ್ಕೆ ಡಿಕ್ಕಿ ಹೊಡೆದು ವಿಮಾನದಲ್ಲಿದ್ದ ಅಷ್ಟೂ ಮಂದಿ ಸುಟ್ಟು ಭಸ್ಮವಾದ ದುರಂತಗಳು ಘಟಿಸುತ್ತಲೇ ಇವೆ.

ಇದಕ್ಕೆ ತಾಜಾ ಸೇರ್ಪಡೆಯೆಂದರೆ ನಿನ್ನೆ ಮಧ್ಯಾಹ್ನ 1.30ರಲ್ಲಿ ಹೊರಟ ವಿಮಾನವೊಂದು 15ನೇ ನಿಮಿಷದಲ್ಲಿ ಅಪಘಾತಕ್ಕೀಡಾಗಿ ಪುಟ್ಟ ವಿಮಾನದಲ್ಲಿದ್ದ ಸಿಬ್ಬಂದಿ ಸಮೇತ 18 ಮಂದಿ ಪ್ರಯಾಣಿಕರು ಅಸುನೀಗಿದ್ದಾರೆ.

Nepal Airlines ದುರಂತಕ್ಕೀಡಾದ ನತದೃಷ್ಟ ವಿಮಾನ. ಸುಟ್ಟು ಕರಕಲಾದ ವಿಮಾನದ ಅವಶೇಷಗಳು ಪತ್ತೆಯಾಗಿವೆ. ರಾಜಕೀಯ ನಾಯಕರು, ಉನ್ನತಾಧಿಕಾರಿಗಳು ಮತ್ತು ಪತ್ರಕರ್ತರು ವಿಮಾನದಲ್ಲಿದ್ದರು.

English summary

Kathmandu Nepal Airlines plane crash 18 dead on Feb 16 -2014. A Nepal Airlines plane bound for the city of Jumla from Katmandu, the capital, crashed in the forests of western Nepal on Sunday, killing all 21 people aboard, officials said. An official at Tribhuvan International Airport in Katmandu blamed bad weather for the crash, saying it had been snowing for much of the day.