ವಿಶ್ವಸಂಸ್ಥೆಯ ಅಂಗಸಂಸ್ಥೆಗಳ ಚುನಾವಣೆಯಲ್ಲಿ ಗೆದ್ದ ಭಾರತ
ನವದೆಹಲಿ, ಏಪ್ರಿಲ್ 21 : ಭಾರತ ಹಾಗೂ ಇತರೆ 12 ಸದಸ್ಯರು ವಿಶ್ವಸಂಸ್ಥೆಯ ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿ(ECOSOC) ಅಂಗಸಂಸ್ಥೆ ಕಾರ್ಯಕ್ರಮ ಮತ್ತು ಸಮನ್ವಯ ಸಮಿತಿಗೆ (ಸಿಪಿಸಿ) ಆಯ್ಕೆಯಾಗಿವೆ.
ಸಾಮಾಜಿಕ ಮತ್ತು ಆರ್ಥಿಕ ವಿಷಯಗಳಿಗೆ ಸಂಬಂಧಿಸಿದಂತೆ ಕಾರ್ಯನಿರ್ವಹಿಸುವ ವಿಶ್ವಸಂಸ್ಥೆಯ ಅಂಗಸಂಸ್ಥೆಗೆ ನಡೆದ ಚುನಾವಣೆಯಲ್ಲಿ ಭಾರತ ಅತ್ಯಧಿಕ ಮತಗಳೊಂದಿಗೆ ಜಯಿಸುವ ಮೂಲಕ ಸಿಪಿಸಿಗೆ ಆಯ್ಕೆಯಾಗಿದೆ.
ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿಯ 50 ಸದಸ್ಯರ ಪೈಕಿ 49 ಸದಸ್ಯರ ಮತ ಪಡೆಯುವ ಮೂಲಕ ಭಾರತ ಕಾರ್ಯಕ್ರಮ ಮತ್ತು ಸಮನ್ವಯ ಸಮಿತಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದೆ ಎಂದು ವಿಶ್ವಸಂಸ್ಥೆಯಲ್ಲಿ ಭಾರತದ ಖಾಯಂ ಪ್ರತಿನಿಧಿ ಸೈಯದ್ ಅಕ್ಬರುದ್ದೀನ್ ಅವರು ಟ್ವೀಟ್ ಮಾಡಿದ್ದಾರೆ.
ಇದರೊಂದಿಗೆ ಭಾರತವು ಇತರೆ 19 ಸದಸ್ಯ ರಾಷ್ಟ್ರಗಳೊಂದಿಗೆ ಅಂತರರಾಷ್ಟ್ರೀಯ ಮಾದಕದ್ರವ್ಯ ನಿಯಂತ್ರಣ ಮಂಡಳಿಗೆ ನಾಲ್ಕು ವರ್ಷದ ಅವಧಿಗೆ ಆಯ್ಕೆಯಾಗಿದೆ.
Click it and Unblock the Notifications
Sign in with Google