ನಾಪತ್ತೆಯಾಗಿದ್ದ ರಷ್ಯಾ ಅಧ್ಯಕ್ಷ ಪುಟಿನ್ ಶತ್ರು ಕೊನೆಗೂ ಪತ್ತೆ!
ಉಕ್ರೇನ್ ವಿರುದ್ಧ ಹೋರಾಡುತ್ತಿರುವ ರಷ್ಯಾಗೆ ಒಳಗಿನ ಕಿಚ್ಚು ದೊಡ್ಡದಾಗುತ್ತಿದೆ. ಕೆಲವು ತಿಂಗಳ ಹಿಂದೆ ಸ್ವತಃ ರಷ್ಯಾದ ಖಾಸಗಿ ಸೈನಿಕ ಪಡೆ ಮುಖ್ಯಸ್ಥರೇ, ರಷ್ಯಾ ಅಧ್ಯಕ್ಷ ಪುಟಿನ್ ವಿರುದ್ಧ ರೊಚ್ಚಿಗೆದ್ದು ಆಂತರಿಕ ಯುದ್ಧ ಸಾರಿದ್ದ. ಕೊನೆಗೆ ಭೀಕರವಾಗಿ ಮೃತಪಟ್ಟಿದ್ದರು ರಷ್ಯಾದ ಖಾಸಗಿ ಸೇನೆ ಮುಖ್ಯಸ್ಥ. ಇದೇ ಸಮಯದಲ್ಲಿ ರಷ್ಯಾ ಅಧ್ಯಕ್ಷ ಪುಟಿನ್ ಶತ್ರುವಾಗಿ ಗುರುತಿಸಿಕೊಂಡಿದ್ದ ಅಲೆಕ್ಸಿ ನವಲ್ನಿ ನಾಪತ್ತೆಯಾಗಿ ಸಂಚಲನ ಸೃಷ್ಟಿಯಾಗಿತ್ತು.
ರಷ್ಯಾ ಅಧ್ಯಕ್ಷ ಪುಟಿನ್ ವಿರುದ್ಧ ಭ್ರಷ್ಟಾಚಾರ ಆರೋಪ ಮಾಡಿ, ಹೋರಾಟ ನಡೆಸಿದ್ದ ಅಲೆಕ್ಸಿ ನವಲ್ನಿ ಈಗ ಜೈಲಿನಲ್ಲಿ ಕೊಳೆಯುವಂತಾಗಿದೆ. 2020ರಲ್ಲಿ ನವಲ್ನಿಗೆ ವಿಷ ಹಾಕಿ, ಕೊಲೆಗೆ ಪ್ರಯತ್ನ ಮಾಡಲಾಗಿತ್ತು ಎನ್ನುವ ಆರೋಪ ಕೇಳಿಬಂದಿತ್ತು. ನಂತರ ನವಲ್ನಿ ಜರ್ಮನಿಗೂ ತೆರಳಿ ಚಿಕಿತ್ಸೆ ಪಡೆದಿದ್ದರು. ಆದ್ರೆ ಮರಳಿ ರಷ್ಯಾಗೆ ಬಂದ ಬಳಿಕ ಅಲೆಕ್ಸಿ ನವಲ್ನಿ ಬಂಧನವಾಗಿ ಸಂಚಲನ ಸೃಷ್ಟಿಯಾಗಿತ್ತು. ಹೀಗಿದ್ದಾಗ ಪುಟಿನ್ ಶತ್ರುಗೆ ಜೈಲು ಶಿಕ್ಷೆ ಗ್ಯಾರಂಟಿ ಆಗಿದ್ದು, ಇನ್ನೂ 20 ವರ್ಷ ಹೊರಗೆ ಬರುವ ಯಾವುದೇ ಸಾಧ್ಯತೆ ಇಲ್ಲ. ಈ ವಾತಾವರಣದ ಮಧ್ಯೆ ದಿಢೀರ್ ಇದೇ ಮನುಷ್ಯ ನಾಪತ್ತೆಯಾಗಿ ಸಂಚಲನ ಸೃಷ್ಟಿಯಾಗಿತ್ತು.
ರಷ್ಯಾದಲ್ಲಿ ಮತ್ತೆ ಹಿಂಸಾಚಾರ?
ನವಲ್ನಿ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರ ವೈರಿ, ಇದೇ ಕಾರಣಕ್ಕೆ ನವಲ್ನಿ ವಿರುದ್ಧ ಗಂಭೀರ ಆರೋಪ ಹೊರಿಸಿ ಜೈಲಿಗೆ ಹಾಕಿರುವ ಆರೋಪ ಇದೆ. ಅದರಲ್ಲೂ ಉಗ್ರವಾದದ ಕಾರಣಕ್ಕೆ 19 ವರ್ಷ ಜೈಲು ಶಿಕ್ಷೆ ಅನುಭವಿಸುವ ಸ್ಥಿತಿ ಎದುರಾಗಿದೆ ಅಲೆಕ್ಸಿ ನವಲ್ನಿಗೆ. ಹೀಗೆ ನವಲ್ನಿ ಪರದಾಡುತ್ತಿರುವ ಸಮಯದಲ್ಲಿ, ಅವರ ಬೆಂಬಲಿಗರು ಭಯಪಟ್ಟು ರಷ್ಯಾ ಅಧ್ಯಕ್ಷರ ವಿರುದ್ಧ ಗಂಭೀರ ಆರೋಪ ಮಾಡುತ್ತಿದ್ದರು. ಜೈಲಿನಲ್ಲಿ ಇದ್ದ ನವಲ್ನಿ ನಾಪತ್ತೆಯಾಗಿದ್ದು ಇದರ ಹಿಂದೆ ಪುಟಿನ್ ಕೈವಾಡ ಇದೆ ಎನ್ನುವ ಆರೋಪ ಕೇಳಿಬಂದಿತ್ತು. ಅದಕ್ಕೆಲ್ಲಾ ಈಗ ಉತ್ತರ ಹೊರಬಿದ್ದಿದೆ.
ಎಲ್ಲಿದ್ದಾರೆ ಗೊತ್ತಾ ಪುಟಿನ್ ಶತ್ರು?
ಭಯೋತ್ಪಾದಕ ಕೃತ್ಯದಲ್ಲಿ ಭಾಗಿಯಾರುವ ಆರೋಪದಲ್ಲಿ ಅಲೆಕ್ಸಿ ನವಲ್ನಿ ಅವರನ್ನು ಅರೆಸ್ಟ್ ಮಾಡಿ ಕಂಬಿ ಹಿಂದೆ ತಳ್ಳಿದೆ ಪುಟಿನ್ ಆಡಳಿತ. ನಿಷೇಧಿತ ರಾಜಕೀಯ ಸಂಸ್ಥೆಗೆ ನೀಡಿರುವ 4.7 ದಶ ಲಕ್ಷ ಡಾಲರ್ ಹಣ ದುರುಪಯೋಗ ಆರೋಪ ಕೂಡ ನವಲ್ನಿ ವಿರುದ್ಧ ಹೊರಿಸಲಾಗಿದೆ. ಹೀಗೆ ಸಾಲು ಸಾಲು ಆರೋಪ ನಡುವೆ ನವಲ್ನಿ ನಾಪತ್ತೆ ಆಗಿದ್ದು ಕೂಡ ಆತಂಕ ಹುಟ್ಟಿಸಿತ್ತು.
ಆದರೆ ಇದೀಗ ಅದಕ್ಕೆಲ್ಲಾ ಉತ್ತರ ಸಿಕ್ಕಿದ್ದು, ಜೈಲು ಶಿಕ್ಷೆ ಅನುಭವಿಸುತ್ತಿರುವ ರಷ್ಯಾ ಅಧ್ಯಕ್ಷ ಪುಟಿನ್ ಅವರ ಶತ್ರು ಅಲೆಕ್ಸಿ ನವಲ್ನಿ ಎಲ್ಲಿದ್ದಾರೆಂದು ಗೊತ್ತಾಗಿದೆ. ಬಂಧನದಲ್ಲಿರುವ ನವಲ್ನಿ ಇದೀಗ ಆರ್ಕ್ಟಿಕ್ ವೃತ್ತದ ಬಳಿಯ ಪ್ರಿಸನ್ ಕಾಲೋನಿಯಲ್ಲಿ ಇದ್ದಾರೆ ಎಂದು ವಕ್ತಾರ ಕಿರಾ ಯಾರ್ಮಿಶ್ ಅವರು ತಿಳಿಸಿದ್ದಾರೆ.
Click it and Unblock the Notifications
Sign in with Google