ಕೇನ್ಸ್ ಫಿಲ್ಮ್ ಫೆಸ್ಟಿವಲ್ 2023: ನೀಲಿ ಬಣ್ಣದ ಲಿಪ್ಸ್ಟಿಕ್ ಹಾಕಿ ಟ್ರೋಲ್ ಆದ ನಟಿ
ಕೇನ್ಸ್ ಫಿಲ್ಮ್ ಫೆಸ್ಟಿವಲ್ 2023ನಲ್ಲಿ ಬಾಲಿವುಡ್ ಸುಂದರಿಯರು ಮಿಂಚುವುದನ್ನು ಮುಂದುವರೆಸಿದ್ದಾರೆ. ಮಾಜಿ ವಿಶ್ವ ಸುಂದರಿ ಹಾಗೂ ನಟಿ ಐಶ್ವರ್ಯಾ ರೈ ಬಚ್ಚನ್ ಕೇನ್ಸ್ನ ರೆಡ್ ಕಾರ್ಪೆಟ್ ಮೇಲೆ ಹೂಡಿ ಗೌನ್ನೊಂದಿಗೆ ನಡೆದರೆ, ಊರ್ವಶಿ ರೌಟೇಲಾ ಕೂಡ ಅಂತಹ ಸ್ಟೈಲ್ನಲ್ಲಿ ಕಾಣಿಸಿಕೊಂಡರು. ಊರ್ವಶಿ ಅವರ ನೋಟವನ್ನು ನೋಡಿ ಜನರು ಆಶ್ಚರ್ಯಚಕಿತರಾದರು. ಈ ಹಿಂದೆ ಕೇನ್ಸ್ನಲ್ಲಿ ಹಲ್ಲಿಯ ಹಾರದಿಂದ ಆಕರ್ಷಿಸಿದ ನಟಿ ಊರ್ವಶಿ ರೌಟೇಲಾ, ಈ ಬಾರಿಯೂ ವಿಶೇಷವಾಗಿ ಕೆಂಪು ಕಾರ್ಪೆಟ್ನಲ್ಲಿ ಕಾಣಿಸಿಕೊಂಡಿದ್ದಾರೆ.
ಈ ಬಾರಿ ಕೇನ್ಸ್ನ ರೆಡ್ ಕಾರ್ಪೆಟ್ನಲ್ಲಿ, ಊರ್ವಶಿ ರೌಟೇಲಾ ನೀಲಿ ಬಣ್ಣದ ತುಟಿಗಳೊಂದಿಗೆ ನಡೆಯುತ್ತಿರುವುದು ಕಂಡುಬಂದಿದೆ. ಅವರು ನೀಲಿ ಲಿಪ್ಸ್ಟಿಕ್, ಕ್ರೀಮ್ ಮತ್ತು ನೀಲಿ ಗೌನ್ನೊಂದಿಗೆ ಕಾಣಿಸಿಕೊಂಡರು. ಐಶ್ವರ್ಯಾ ರೈ ಬಚ್ಚನ್ ಒಮ್ಮೆ ಕೇನ್ಸ್ನಲ್ಲಿ ನೇರಳೆ ತುಟಿಗಳೊಂದಿಗೆ ಸುದ್ದಿಯಲ್ಲಿದ್ದರು. ಅಂದು ಐಶ್ವರ್ಯ ಹಾಕಿದ ಲಿಪ್ಸ್ಟಿಕ್ ಅನ್ನು ಇಂದು ಊರ್ವಶಿ ರೌಟೇಲಾ ಅವರನ್ನು ನೋಡಿ ನೆಟ್ಟಿಗರು ನೆನೆದಿದ್ದಾರೆ. ಆ ಸಮಯದಲ್ಲಿ ಐಶ್ವರ್ಯಾ ರೈ ಬಚ್ಚನ್ ಲ್ಯಾವೆಂಡರ್ ಗೌನ್ನಲ್ಲಿ ಕಾಣಿಸಿಕೊಂಡಿದ್ದರು. ಆಗ ತುಟಿಗೆ ನೇರಳೆ ಬಣ್ಣದ ಲಿಪ್ಸ್ಟಿಕ್ ಹಾಕಿಕೊಂಡು ನೋಡುಗರ ಗಮನ ಸೆಳೆದಿದ್ದರು.
ನೀಲಿ ಗೌನ್ ಮತ್ತು ನೀಲಿ ತುಟಿ
'ಇಂಡಿಯಾನಾ ಜೋನ್ಸ್ ಅಂಡ್ ದಿ ಡಯಲ್ ಆಫ್ ಡೆಸ್ಟಿನಿ' ಸ್ಕ್ರೀನಿಂಗ್ನಲ್ಲಿ ಊರ್ವಶಿ ರೌಟೇಲಾ ಅವರು ತಮ್ಮ ಆಫ್-ಶೋಲ್ಡರ್ ಕ್ರೀಮ್ ಮತ್ತು ನೀಲಿ ಬಣ್ಣದ ಗೌನ್ ಅನ್ನು ಬೃಹತ್ ಡೈಮಂಡ್ ನೆಕ್ಲೇಸ್ ಮತ್ತು ಅದಕ್ಕೆ ಹೊಂದಿಕೆಯಾಗುವ ಕಿವಿಯೋಲೆಗಳನ್ನು ಧರಿಸಿದ್ದರು. ಅವರು ತನ್ನ ಕೂದಲನ್ನು ಬನ್ನಲ್ಲಿ ಕಟ್ಟಿ ಬಳೆಯನ್ನೂ ಹಾಕಿದ್ದರು. ಅದೇ ಸ್ಕ್ರೀನಿಂಗ್ನಲ್ಲಿ ಐಶ್ವರ್ಯಾ ರೈ ಬಚ್ಚನ್ ಕೂಡ ಭಾಗವಹಿಸಿದ್ದರು. ಅವರು ಗೌನ್ ಕೂಡ ಈ ಬಾರಿ ಅನೇಕರ ಗಮನ ಸೆಳೆದಿದೆ.
ಊರ್ವಶಿ ರೌಟೇಲಾ ಅವರನ್ನು ಅಪಹಾಸ್ಯ ಮಾಡಿದ ನೆಟ್ಟಿಗರು
ಊರ್ವಶಿ ರೌಟೆಲಾ ಅವರು ಹಲ್ಲಿಯ ನೆಕ್ಲೇಸ್ನೊಂದಿಗೆ ಗುಲಾಬಿ ಬಣ್ಣದ ರಫಲ್ ಗೌನ್ ಅನ್ನು ಆಯ್ಕೆ ಮಾಡಿದವರಲ್ಲಿ ಮೊದಲಿಗರಾಗಿದ್ದರು. ಕೇನ್ಸ್ 2023 ರಲ್ಲಿ ಅವರು ಹಾಕಿದ ಲಿಪ್ಸ್ಟಿಕ್ ಚರ್ಚೆಗೆ ಗ್ರಾಸವಾಗಿದೆ. ಅವರನ್ನು ಸಾಮಾಜಿಕ ಮಾಧ್ಯಮದಲ್ಲಿ ಅನೇಕರು ಪ್ರಶ್ನೆ ಮಾಡಿದ್ದಾರೆ. ಊರ್ವಶಿಯ ನೀಲಿ ತುಟಿ ನೋಡಿಯೂ ಜನ ಗೇಲಿ ಮಾಡುತ್ತಿದ್ದಾರೆ. ಊರ್ವಶಿ ರೌಟೇಲಾ ಅವರ ಈ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿವೆ.
ಜನರು ಹೇಳಿದರು - ನೀವು ನಿಮ್ಮೊಂದಿಗೆ ಏನು ಮಾಡಿದ್ದೀರಿ
ಊರ್ವಶಿ ರೌಟೇಲಾ ಅವರ ನೀಲಿ ತುಟಿಗಳ ಚಿತ್ರಗಳಿಗೆ ಜನರು ತೀವ್ರವಾಗಿ ಕಾಮೆಂಟ್ ಮಾಡುತ್ತಿದ್ದಾರೆ. ವ್ಯಕ್ತಿಯೊಬ್ಬರು ಬರೆದಿದ್ದು ಹೀಗೆ - ನೀವು ಸುಂದರವಾಗಿದ್ದೀರಿ ಆದರೆ ನೀವು ಜನರಿಗೆ ಅಂತಹ ವಿಚಿತ್ರ ನೋಟವನ್ನು ಏಕೆ ತೋರಿಸುತ್ತಿದ್ದೀರಿ ಎಂದು ಪ್ರಶ್ನೆ ಮಾಡಿದ್ದಾರೆ.
ಮತ್ತೊಬ್ಬರು- ನೀವು ನಿಮ್ಮೊಂದಿಗೆ ಏನು ಮಾಡಿದ್ದೀರಿ ನಿಮಗೆ ಗೊತ್ತೇ?.. ಯಾರ ತುಟಿಗಳು ನೀಲಿಯಾಗಿರುತ್ತವೆ.. ನಿಮಗೆ ಬೇರೆ ಆಯ್ಕೆ ಇಲ್ಲವೆ ಎಂದು ಪ್ರಶ್ನೆ ಮಾಡಿದ್ದಾರೆ.
ಇನ್ನೊಬ್ಬ ವ್ಯಕ್ತಿ - ನಿಮ್ಮ ನೀಲಿ ತುಟಿಗಳು ನಿಮ್ಮ ಸೌಂದರ್ಯವನ್ನು ಹಾಳುಮಾಡಿದೆ ಎಂದು ಗೇಲಿ ಮಾಡಿದ್ದಾರೆ.
Click it and Unblock the Notifications
Sign in with Google