ವಿಡಿಯೋ : ಇಂಡೋನೇಷ್ಯಾದಲ್ಲಿ ಭೂಕಂಪದ ನಂತರ ಸುನಾಮಿಯ ಅಟ್ಟಹಾಸ

ಜಕಾರ್ತಾ, ಸೆಪ್ಟೆಂಬರ್ 28 : ಇಂಡೋನೇಷ್ಯಾದ ಸುಲವೇಶಿಯ ಕರಾವಳಿಯ ಪಲು ಎಂಬಲ್ಲಿ 7.7 ಪ್ರಮಾಣದ ಭಾರೀ ಭೂಕಂಪವಾದ ನಂತರ, ಇಡೀ ನಗರವನ್ನೇ ಆಪೋಷನ ತೆಗೆದುಕೊಳ್ಳುವಂಥ ಸುನಾಮಿ ಅಪ್ಪಳಿಸಿದೆ.

ಈಗಾಗಲೆ ಸುನಾಮಿಯ ಹೊಡೆತಕ್ಕೆ ಐವರು ಅಸುನೀಗಿದ್ದಾರೆ ಎಂಬ ವರದಿ ಬಂದಿದೆ. ಸುನಾಮಿಯ ಭೀಕರತೆ ನೋಡಿದರೆ ಸಾವಿನ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆಗಳು ಕಂಡುಬರುತ್ತಿವೆ. ಆರಂಭದಲ್ಲಿ ಸುನಾಮಿ ಎಚ್ಚರಿಕೆಯನ್ನು ಹಿಂತೆಗೆದುಕೊಳ್ಳಲಾಗಿತ್ತು.

7.5 ಮತ್ತು 7.7 ಪ್ರಮಾಣದ ಒಂದರ ಹಿಂದೆ ಒಂದು ಎರಡು ಭೂಕಂಪಗಳಾದ ನಂತರ ಸಂಭವಿಸಿದ ಸುನಾಮಿಯನ್ನು ಕೆಲವರು ವಿಡಿಯೋ ಚಿತ್ರೀಕರಣ ಮಾಡಿದ್ದು, ಟ್ವಿಟ್ಟರ್ ನಲ್ಲಿ ಹಾಕಿದ್ದಾರೆ. ಸುನಾಮಿ ಅಪ್ಪಳಿಸುತ್ತಲೇ ಮೊದಲನೇ ಮಹಡಿಯಲ್ಲಿ ನಿಂತಿದ್ದ ಜನರು ಕೂಡ ಪಾರಾಗಲು ಯತ್ನಿಸಿದ್ದಾರೆ.

Another view of the major tsunami reported to have hit Palu, Indonesia after M 7.5 earthquake today, Sept 28! Report: Catastrophes Mundiales pic.twitter.com/TShiOyTViB

— severe-weather.EU (@severeweatherEU) September 28, 2018

ಸುಮಾರು ಎರಡು ಮೀಟರ್ ಎತ್ತರದ ಭಾರೀ ಗಾತ್ರದ ಅಲೆಗಳು ಎಲ್ಲೆಂದರಲ್ಲಿ ನುಗ್ಗಿ ಹಾವಳಿ ಎಬ್ಬಿಸಿವೆ. ಕಡಲತೀರದ ಹತ್ತಿರದಲ್ಲಿದ್ದ ಮಸೀದಿಯೊಂದಕ್ಕೆ ಸಮುದ್ರದ ಅಲೆಗಳು ನುಗ್ಗಿರುವುದು ವಿಡಿಯೋದಲ್ಲಿ ದಾಖಲಾಗಿದೆ.

Another view of the major tsunami reported to have hit Palu, Indonesia after M 7.5 earthquake today, Sept 28! Report: Alerta Roja pic.twitter.com/rnUgTpuFqf

— severe-weather.EU (@severeweatherEU) September 28, 2018

ಈ ಸುನಾಮಿಯಿಂದ ಯಾರಿಗೂ ಪ್ರಾಣ ಹಾನಿ ಆಗದಿರಲಿ ಎಂದು ಹಲವಾರು ಜನರು ದೇವರನ್ನು ಪ್ರಾರ್ಥಿಸುತ್ತಿದ್ದಾರೆ. ಆದರೆ, ಪ್ರಕೃತಿಯೇ ಮುನಿದರೆ ಯಾರೇನು ಮಾಡಲು ಸಾಧ್ಯ? ಆದರೂ ಸಾಧ್ಯವಾದಷ್ಟು ಸುರಕ್ಷಿತವಾದ ಸ್ಥಳದಲ್ಲಿಯೇ ಇರಿ ಎಂಬ ಸಂದೇಶಗಳು ರವಾನೆಯಾಗುತ್ತಿವೆ.

Otra vista del peligroso #tsunami que golpeó hoy #Palu, #Indonesia tras el terremoto de M7.5
Créditos: catástrofes mundiales
Vía @severeweatherEU pic.twitter.com/y6ykXNs2Zt

— Maycol (@maycol_89) September 28, 2018

English summary

After two powerful earthquakes devastating Tsunami has hit Indonesia. More than 2 meter high tide has rocked the city of Palu. Many people have feared to be killed.