Lok Sabha Election: ದಕ್ಷಿಣ ಭಾರತದಲ್ಲಿ ಕಮಲ ಅರಳುವುದೇ? ಸಮೀಕ್ಷೇ ಹೇಳೋದೇನು?

ನವದೆಹಲಿ, ಫೆಬ್ರವರಿ.29: ದೇಶದಲ್ಲಿ ಲೋಕಸಭಾ ಚುನಾವಣೆಗೆ ಸಿದ್ಧತೆ ನಡೆಯುತ್ತಿದ್ದು, ಇನ್ನೇನು ವೇಳಾಪಟ್ಟಿ ಘೋಷಣೆಯಾಗಲಿದೆ. ಇದೇ ವೇಳೆಯಲ್ಲಿ ಹಲವು ಚುನಾವಣಾ ಸಮೀಕ್ಷೆಗಳು ನಡೆಯುತ್ತಿದ್ದು, ಈ ಬಾರಿ ಅಧಿಕಾರಕ್ಕೆ ಬರುವುದು ಎನ್‌ಡಿಎ ಮೈತ್ರಿಕೂಟವೇ ಅಥವಾ ಇಂಡಿಯಾ ಮೈತ್ರಿ ಕೂಟವಾ ಎಂಬ ಲೆಕ್ಕಾಚಾರದಲ್ಲಿ ತೊಡಗಿವೆ.

ಚುನಾವಣೆಗೆ ಇನ್ನು ಕೆಲವೇ ದಿನಗಳು ಬಾಕಿ ಉಳಿದಿದ್ದು, ಇಡೀ ರಾಷ್ಟ್ರವೇ ಲೋಕಸಭೆ ಚುನಾವಣೆಯ ಕಾವಲ್ಲಿ ಮುಳುಗಲಿದೆ. ಎಲ್ಲಾ ಪಕ್ಷಗಳು ತಮ್ಮ ಪ್ರಚಾರಕ್ಕೆ ಸಂಪೂರ್ಣವಾಗಿ ಸಿದ್ಧರಾಗಿದ್ದು, ಈ ನಡುವೆ ರಾಜಕೀಯ ಊಹಾಪೋಹಗಳು ಶುರುವಾಗಿದ್ದು, ಶೀಘ್ರದಲ್ಲೇ ಚುನಾವಣೆ ದಿನಾಂಕ ಘೋಷಣೆಯಾಗುವ ಸಾಧ್ಯತೆ ಇದೆ. ಈ ಮಧ್ಯೆ, Zee News ಮತ್ತು MATRIZE ಸಮೀಕ್ಷೆ ನಡೆಸಿದ್ದು, ಸಮೀಕ್ಷೆ ಫಲಿತಾಂಶಗಳನ್ನು ಬಹಿರಂಗೊಳಿಸಿದೆ..

ಈ ಸಮೀಕ್ಷೆಯನ್ನು ಫೆಬ್ರವರಿ 5 ರಿಂದ ಫೆಬ್ರವರಿ 27 ರ ನಡುವೆ ನಡೆಸಲಾಗಿದೆ. ಈ ಅಭಿಪ್ರಾಯ ಸಂಗ್ರಹಣೆಯಲ್ಲಿ, 87,000 ಪುರುಷರು ಮತ್ತು 54,000 ಮಹಿಳೆಯರು ಸೇರಿದಂತೆ 543 ಲೋಕಸಭಾ ಕ್ಷೇತ್ರಗಳಲ್ಲಿ 167,843 ಜನರು ಭಾಗವಹಿಸಿದ್ದಾರೆ. ಸಮೀಕ್ಷೆಯಲ್ಲಿ 27,000 ಮಂದಿ ಮೊದಲ ಮತದಾರರು ಸೇರಿದ್ದಾರೆ.

Zee News-Matriz ಸಮೀಕ್ಷೆ

Zee News-Matriz ಸಮೀಕ್ಷೆಯಲ್ಲಿ ಬಿಜೆಪಿ ನೇತೃತ್ವದ ಎನ್‌ಡಿಎ ಈ ಬಾರಿ 400 ಸ್ಥಾನಗಳನ್ನು ತಲುಪಲು ಸಾಧ್ಯವಾಗುವುದಿಲ್ಲ. ಆದರೆ, ಈ ವರ್ಷ ತಾನು ಇರಿಸಿಕೊಂಡಿರುವ 'ಮಿಷನ್ 370' ಅನ್ನು ಸುಲಭವಾಗಿ ಮೀರಿಸುತ್ತದೆ ಎಂದು ಅಂದಾಜಿಸಲಾಗಿದೆ. ಸಮೀಕ್ಷೆಯ ಪ್ರಕಾರ, ಎನ್‌ಡಿಎ 543 ರಲ್ಲಿ 377 ಸ್ಥಾನಗಳನ್ನು ಗೆಲ್ಲುತ್ತದೆ ಎಂದು ಅಂದಾಜಿಸಲಾಗಿದೆ. ಕಾಂಗ್ರೆಸ್ ನೇತೃತ್ವದ ಇಂಡಿಯಾ ಮೈತ್ರಿಕೂಟ 94 ಸ್ಥಾನಗಳನ್ನು ಮಾತ್ರ ಗಳಿಸಲು ಸಾಧ್ಯವಾಗಲಿದೆ.

ಈ ಬಾರಿ ದಕ್ಷಿಣ ಭಾರತ ಯಾರ ಕೈಗೆ?

ಇನ್ನು, ಬಿಜೆಪಿಗೆ ಅಂತಹ ಹಳಿಕೊಳ್ಳುವ ಬೆಂಬಲವಿಲ್ಲದ ದಕ್ಷಿಣ ಭಾರತದಲ್ಲಿ ಬಿಜೆಪಿ ಈ ಬಾರಿಯೂ ಕೂಡ ಅಂತಹ ಸ್ಥಾನ ಗಳಿಸುವ ಸಾಧ್ಯತೆಯಿಲ್ಲ. ಅದರಲ್ಲೂ ಕೆಲವು ಪ್ರಾದೇಶಿಕ ಪಕ್ಷಗಳ ಜೊತೆಗಿನ ಮೈತ್ರಿಯಿಂದ ಕೆಲವು ಸ್ಥಾನಗಳನ್ನು ಗಳಿಸಬಹುದು. ಇನ್ನು, ಕರ್ನಾಟಕದಲ್ಲಿ ಮಾತ್ರ ಬಿಜೆಪಿ ಸಂಪೂರ್ಣ ಹಿಡಿತ ಸಾಧಿಸಿದೆ.

ಕರ್ನಾಟಕದ 28 ಕ್ಷೇತ್ರಗಳ ಪೈಕಿ 25 ಸ್ಥಾನಗಳಲ್ಲಿಯೂ ಬಿಜೆಪಿ ಸಂಸದರಿದ್ದಾರೆ. ಆಂಧ್ರ ಪ್ರದೇಶದಲ್ಲಿ ಟಿಡಿಪಿ ಮತ್ತು ಜನಸೇನಾ ಪಕ್ಷದ ಜೊತೆಗೆ ಬಿಜೆಪಿ ಕೈ ಜೋಡಿಸಿದ್ದು, ಈ ಬಾರಿ ಫಲಿತಾಂಶದ ಮೇಲೆ ಪ್ರಭಾವ ಬೀರಲಿದೆ. ಕೇರಳದಲ್ಲಿ ಕಲಮ ಅರಳುವುದು ಸಾಧ್ಯವಿಲ್ಲ ಎನ್ನಬಹುದು ಇನ್ನು, ತೆಲಂಗಾಣದಲ್ಲಿ ಪ್ರಾದೇಶಿಕ ಪಕ್ಷಗಳು ಗಟ್ಟಿಯಾಗಿವೆ. ತೆಲಂಗಾಣದಲ್ಲಿ ಬಿಆರ್‌ಎಸ್‌ ಮತ್ತೆ ಬಿಜೆಪಿ ಜೊತೆಗೆ ಒಂದಾಗಲಿದೆ. ತಮಿಳುನಾಡಿನಲ್ಲಿ ಎಐಡಿಎಂಕೆ ಜೊತೆಗೆ ಬಿಜೆಪಿಯಿದೆ.

ಈ ಬಾರಿ ದಕ್ಷಿಣ ರಾಜ್ಯಗಳಲ್ಲಿ ಯಾರಿಗೆ ಎಷ್ಟು ಸ್ಥಾನ?

ಕರ್ನಾಟಕ :

ಬಿಜೆಪಿ+ ಮೈತ್ರಿ - 23

ಕಾಂಗ್ರೆಸ್- 5

ಆಂಧ್ರ ಪ್ರದೇಶ

YSRC- 19

TDP+ ಬಿಜೆಪಿ - 6

ತೆಲಂಗಾಣ

ಕಾಂಗ್ರೆಸ್ - 9

ಬಿಜೆಪಿ - 5

ಬಿಆರ್‌ಎಸ್ - 2

ಎಂಐಎಂ - 1

ತಮಿಳುನಾಡು

ಡಿಎಂಕೆ+ ಮೈತ್ರಿ : 36

ಬಿಜೆಪಿ - 1

ಎಡಿಎಂಕೆ - 2

ಕೇರಳ

ಸಮೀಕ್ಷೆಯ ಪ್ರಕಾರ, I.N.D.I.A ಮೈತ್ರಿಯು ಕೇರಳದ ಎಲ್ಲಾ 20 ಸ್ಥಾನಗಳನ್ನು ಗೆಲ್ಲುವ ನಿರೀಕ್ಷೆಯಿದೆ.

English summary

Zee News-MATRIZE Lok Sabha Opinion Poll: Lok Sabha election 2024 pre poll survey about South India. know more..