ಮೋದಿ ಕ್ಷೇತ್ರದಲ್ಲಿ ಓಡಲಿದೆ ಮೊದಲ ಹೈಡ್ರೋಜನ್ ಟ್ರೇನ್

Updated: Friday, January 23, 2015, 10:26 [IST]

ವಾರಣಾಸಿ, ಜ. 23: ಪ್ರಧಾನಿ ನರೇಂದ್ರ ಮೋದಿ ಲೋಕಸಭಾ ಕ್ಷೇತ್ರ ವಾರಣಾಸಿಯಲ್ಲಿ ಪ್ರಪಂಚದಲ್ಲೇ ಮೊಟ್ಟ ಮೊದಲ ಜಲಜನಕ(ಹೈಡ್ರೋಜನ್) ರೈಲ್ವೆ ಇಂಜಿನ್ ನಿರ್ಮಾಣವಾಗಲಿದೆ.

ಈ ಬಗ್ಗೆ ಮಾಹಿತಿ ನೀಡಿರುವ ರೈಲ್ವೆ ಇಲಾಖೆ ಅಧಿಕಾರಿಗಳು, ಯಂತ್ರದ ಮಾದರಿಯನ್ನು ಈಗಾಗಲೇ ತಯಾರಿಸಿ ಪರೀಕ್ಷಿಸಲಾಗಿದೆ. ಇದರ ನಿರ್ಮಾಣಕ್ಕೆ ಟೆಂಡರ್ ಕರೆದಿದ್ದು ಪರಿಸರ ಸ್ನೇಹಿಯಾಗಿರಲಿದೆ ಎಂದು ತಿಳಿಸಿದ್ದಾರೆ.[ರೈಲ್ವೆ ಇಲಾಖೆಯ 5 ಹೊಸ ಯೋಜನೆಗಳು ಯಾವವು?]

ಮೊದಲ ಹಂತದಲ್ಲಿ 330 ಅಶ್ವ ಶಕ್ತಿ(ಎಚ್ ಪಿ) ಇಂಜಿನ್ ಅಭಿವೃದ್ಧಿಪಡಿಸಲಾಗುವುದು. ಆರಂಭಿಕ ಹಂತದಲ್ಲಿ ಇದನ್ನು ಸಾಮಾನ್ಯ ಪ್ರಯಾಣಿಕ ರೈಲಿಗೆ ಅಳವಡಿಸಲಾಗುವುದು ಎಂದು ತಿಳಿಸಿದ್ದಾರೆ.[ರೈಲು ಪ್ರಯಾಣಕ್ಕೆ ಹೊರಡುವ ಮುನ್ನ ಇದನ್ನೊಮ್ಮೆ ಓದಿ]

ಇದರ ವೆಚ್ಚವೂ ಕಡಿಮೆಯಾಗಿದ್ದು, ಪರಿಸರ ಮಾಲಿನ್ಯ ಮುಕ್ತವಾಗಿರಲಿದೆ ಎಂದು ಡೀಸೆಲ್ ರೈಲು ಇಂಜಿನ್ ಕಾರ್ಖಾನೆಯ ಉಪ ಪ್ರಧಾನ ನಿರ್ದೇಶಕ ಮನೀಶ್ ಕುಮಾರ್ ಗುಪ್ತಾ ತಿಳಿಸಿದ್ದಾರೆ.