World Heritage Week 2022: ವಿಶ್ವ ಪರಂಪರೆಯ ಸಪ್ತಾಹ : ಇಂದು ತಾಜ್ ಮಹಲ್ಗೆ ಉಚಿತ ಪ್ರವೇಶ
ದೆಹಲಿ ನವೆಂಬರ್ 19: ಇಂದು ಎಲ್ಲಾ ಪ್ರವಾಸಿಗರಿಗೂ ತಾಜ್ ಮಹಲ್ಗೆ ಉಚಿತ ಪ್ರವೇಶ ನೀಡಲು ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆ (ಎಎಸ್ಐ) ನಿರ್ಧರಿಸಿದೆ. ಇದರಿಂದ ಇಂದು (ನವೆಂಬರ್ 19) ಆಗ್ರಾದ ತಾಜ್ ಮಹಲ್ನಲ್ಲಿ ಪ್ರವಾಸಿಗರಿಗೆ ಯಾವುದೇ ಪ್ರವೇಶ ಶುಲ್ಕವನ್ನು ಇರುವುದಿಲ್ಲ. ವಿಶ್ವ ಪರಂಪರೆಯ ಸಪ್ತಾಹದ ಆರಂಭವನ್ನು ಗಮನದಲ್ಲಿಟ್ಟುಕೊಂಡು ಎಎಸ್ಐ ಈ ನಿರ್ಧಾರ ಕೈಗೊಂಡಿದೆ.
ಸರ್ಕಾರ ಗುರುತಿಸಿರುವ ಪಾರಂಪರಿಕ ಪ್ರದೇಶಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸಿ, ಪರಂಪರೆಯನ್ನು ಸಂರಕ್ಷಿಸುವ ಉದ್ದೇಶದಿಂದ ಪ್ರತಿ ವರ್ಷ ನವಂಬರ್ 19ರಿಂದ ನವೆಂಬರ್ 25 ರವರೆಗೆ ವಿಶ್ವ ಪರಂಪರೆ ಸಪ್ತಾಹ ದಿನಾಚರಣೆಯನ್ನು ಆಯೋಜಿಸಲಾಗುವುದು. ಪರಂಪರೆ ಸಪ್ತಾಹದ ಅಂಗವಾಗಿ ಪಾರಂಪರಿಕ ಕಟ್ಟಡಗಳ ವೀಕ್ಷಣೆ, ಉಪನ್ಯಾಸ ಕಾರ್ಯಕ್ರಮ, ಪಾರಂಪರಿಕ ನಡಿಗೆ, ಪಾರಂಪರಿಕ ವಸ್ತುಪ್ರದರ್ಶನ, ಪಾರಂಪರಿಕ ಆಟಗಳು ಮುಂತಾದ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುವುದು.
"ವಿಶ್ವ ಪರಂಪರೆಯ ಸಪ್ತಾಹದ ಪ್ರಾರಂಭದಿಂದಾಗಿ ನವೆಂಬರ್ 19 ರಂದು ಭಾರತೀಯ ಪುರಾತತ್ವ ಸರ್ವೇಕ್ಷಣೆಯ ಸ್ಮಾರಕಗಳಲ್ಲಿ ಎಲ್ಲರಿಗೂ ಉಚಿತ ಪ್ರವೇಶವಿರುತ್ತದೆ" ಎಂದು ಭಾರತೀಯ ಪುರಾತತ್ವ ಸಮೀಕ್ಷೆ ಟ್ವೀಟ್ ಮಾಡಿದೆ.
"ಹೀಗಾಗಿ ಭಾರತೀಯ ಮತ್ತು ವಿದೇಶಿ ಪ್ರಜೆಗಗಳು ನವೆಂಬರ್ 19 ರಂದು ತಾಜ್ ಮಹಲ್, ಆಗ್ರಾ ಫೋರ್ಟ್, ಫತೇಪುರ್ ಸಿಕ್ರಿ ಮತ್ತು ಇತರ ಎಎಸ್ಐ-ರಕ್ಷಿತ ಸ್ಮಾರಕಗಳಲ್ಲಿ ಉಚಿತ ಪ್ರವೇಶವನ್ನು ಪಡೆಯುತ್ತಾರೆ. ತಾಜ್ ಮಹಲ್ಗೂ ಪ್ರವೇಶ ಉಚಿತವಾಗಿದೆ, ಆದರೆ ಪ್ರವಾಸಿಗರು ಸ್ಮಾರಕದ ಒಳಗಿನ ಮುಖ್ಯ ಸಮಾಧಿಗೆ ಭೇಟಿ ನೀಡಲು 200 ರೂಪಾಯಿಗಳ ಟಿಕೆಟ್ ಖರೀದಿಸಬೇಕು" ಎಂದು ಎಎಸ್ಐನ ಅಧೀಕ್ಷಕ ಪುರಾತತ್ವಶಾಸ್ತ್ರಜ್ಞ (ಆಗ್ರಾ ವೃತ್ತ) ರಾಜ್ ಕುಮಾರ್ ಪಟೇಲ್ ಹೇಳಿದ್ದಾರೆ.
ವಿಶ್ವ ಪರಂಪರೆಯ ಸಪ್ತಾಹದ ಉದ್ದಕ್ಕೂ ಸಾಮಾನ್ಯ ಸಾಂಸ್ಕೃತಿಕ ಚಟುವಟಿಕೆಗಳು ಮತ್ತು ಜಾಗೃತಿ ಕಾರ್ಯಕ್ರಮಗಳನ್ನು ಸ್ಮಾರಕಗಳಲ್ಲಿ ಆಯೋಜಿಸಲಾಗುವುದು ಎಂದು ಪಟೇಲ್ ಹೇಳಿದರು.
ವಿಶ್ವ ಪರಂಪರೆಯ ಸಮಾವೇಶಕ್ಕೆ ಸಹಿ ಹಾಕಿರುವ ಭಾರತವು ಪ್ರತಿ ವರ್ಷ ವಿಶ್ವ ಪರಂಪರೆಯ ದಿನ (18 ಏಪ್ರಿಲ್) ಮತ್ತು ವಿಶ್ವ ಪರಂಪರೆಯ ವಾರ (19-25 ನವೆಂಬರ್)ದಲ್ಲಿ ವಿಶ್ವ ಪರಂಪರೆಯ ಸಮಾವೇಶದ ಉತ್ಸಾಹವನ್ನು ಆಚರಿಸಲು ವಿವಿಧ ಉಪಕ್ರಮಗಳನ್ನು ಕೈಗೊಳ್ಳುತ್ತದೆ. ಈ ಕೆಲವು ಉಪಕ್ರಮಗಳಲ್ಲಿ ಟಿಕೆಟ್ ಪಡೆಯದೆ ಸ್ಮಾರಕಗಳಲ್ಲಿ ಉಚಿತ ಪ್ರವೇಶವನ್ನು ಒದಗಿಸುವುದು, ವಿಶ್ವ ಪರಂಪರೆಯ ಪುಸ್ತಕಗಳನ್ನು ಪ್ರಕಟಿಸುವುದು, ಚಿತ್ರಕಲೆ ಸ್ಪರ್ಧೆಗಳು ಮತ್ತು ಯುವಕರು ಮತ್ತು ಮಕ್ಕಳ ನಾಟಕ ಪ್ರದರ್ಶನ ಒಳಗೊಂಡಿರುತ್ತದೆ.
UNESCO ಸದಸ್ಯ ರಾಷ್ಟ್ರಗಳು 1972 ರಲ್ಲಿ ವಿಶ್ವ ಪರಂಪರೆಯ ಸಮಾವೇಶವನ್ನು ಅಳವಡಿಸಿಕೊಂಡವು. ಭಾರತ ಸೇರಿದಂತೆ 191 ರಾಜ್ಯ ಪಕ್ಷಗಳು ಈ ವಿಶ್ವ ಪರಂಪರೆಯ ಸಮಾವೇಶವನ್ನು ಅನುಮೋದಿಸಿವೆ.
Click it and Unblock the Notifications
Sign in with Google