ನರೇಗಾ ಯೋಜನೆ ದಿನದ ಕೂಲಿ 202 ರೂ.ಗೆ ಏರಿಕೆ

ನವದೆಹಲಿ, ಮೇ 14 : "ನರೇಗಾ ಯೋಜನೆಯಡಿ ಪ್ರತಿ ದಿನದ ಕೆಲಸಕ್ಕೆ ನೀಡುತ್ತಿದ್ದ ಕೂಲಿಯನ್ನು 182 ರೂ. ಗಳಿಂದ 202 ರೂ.ಗಳಿಗೆ ಏರಿಕೆ ಮಾಡಲಾಗುತ್ತದೆ" ಎಂದು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಹೇಳಿದರು.

ಗುರುವಾರ ಪತ್ರಿಕಾಗೋಷ್ಠಿ ಉದ್ದೇಶಿಸಿ ಮಾತನಾಡಿದ ಅವರು 20 ಲಕ್ಷ ಕೋಟಿ ಪ್ಯಾಕೇಜ್‌ನ ಎರಡನೇ ಹಂತದ ವಿವರಗಳನ್ನು ನೀಡಿದರು. "ಕನಿಷ್ಠ ಕೂಲಿಯನ್ನು ಎಲ್ಲಾ ಕಾರ್ಮಿಕರಿಗೂ ಅನ್ವಯವಾಗುವಂತೆ ಜಾರಿಗೊಳಿಸಲಾಗುತ್ತದೆ. ಪ್ರಸ್ತುತ ಶೇ 30ರಷ್ಟು ಕಾರ್ಮಿಕರಿಗೆ ಮಾತ್ರ ಇದೆ" ಎಂದರು.

"ಕಾರ್ಮಿಕರನ್ನು ಕೆಲಸಕ್ಕೆ ಸೇರಿಸಿಕೊಳ್ಳುವಾಗ ಕನಿಷ್ಠ ಕೂಲಿಯನ್ನು ನಮೂದಿಸಿಯೇ ಅಪಾಯಿಂಟ್‌ಮೆಂಟ್ ಲೆಟರ್ ನೀಡುವಂತೆ" ಬದಲಾವಣೆ ತರುಲಾಗುತ್ತದೆ ಎಂದು ಸಚಿವರು ವಿವರಣೆ ನೀಡಿದರು.

"ಕಳೆದ ಎರಡು ತಿಂಗಳಿನಲ್ಲಿ ನರೇಗಾ ಯೋಜನೆಯಡಿ 10,000 ಕೋಟಿ ಖರ್ಚು ಮಾಡಲಾಗಿದ್ದು 14.62 ಕೋಟಿ ದಿನದ ಉದ್ಯೋಗವನ್ನು ಸೃಷ್ಟಿ ಮಾಡಲಾಗಿದೆ. ಇದರಿಂದಾಗಿ ವಲಸೆ ಕಾರ್ಮಿಕರಿಗೆ ಸಹಾಯಕವಾಗಿದೆ" ಎಂದು ಹಣಕಾಸು ಸಚಿವರು ತಿಳಿಸಿದರು.

"ಕಳೆದ ವರ್ಷಕ್ಕೆ ಹೋಲಿಕೆ ಮಾಡಿದರೆ ನರೇಗಾ ಯೋಜನೆಯಡಿ ಕೂಲಿ ಬಯಸುತ್ತಿರುವವರ ಸಂಖ್ಯೆ 40 ರಿಂದ 50ರಷ್ಟು ಹೆಚ್ಚಾಗಿದೆ. ಯೋಜನೆಯಡಿ ನೀಡುತ್ತಿದ್ದ ದಿನ ಕೂಲಿಯನ್ನು 182 ರಿಂದ 202 ರೂ.ಗೆ ಏರಿಕೆ ಮಾಡಲಾಗಿದೆ" ಎಂದು ಹೇಳಿದರು.

#MGNREGA support to returning #Migrants

✅14.62 crore person-days of work generated till 13th May 2020
✅Actual Expenditure till date is around Rs. 10,000 Cr#AatmaNirbharBharatPackage pic.twitter.com/VDPGgI9L0q

— PIB India #StayHome #StaySafe (@PIB_India) May 14, 2020

English summary

In his announcement finance minister Nirmala Sitharaman said that national average wage under MGNREGA will increase to Rs 202 per person per day from Rs 182.