ವೈರಲ್ ವಿಡಿಯೋ; ಕೇಕ್ಗಾಗಿ ಜಗಳ, ಜನ ಮಾಡಿದ ರಂಪಾಟ ಅಷ್ಟಿಷ್ಟಲ್ಲ...
ನವದೆಹಲಿ, ಫೆಬ್ರುವರಿ 09: ಸಚಿವರು ಕೇಕ್ ಕತ್ತರಿಸುತ್ತಿದ್ದಂತೇ ಅದರ ಮೇಲೆ ಮುಗಿಬಿದ್ದ ಜನರು ಕೇಕ್ ಅನ್ನು ಚೆಲ್ಲಾಪಿಲ್ಲಿ ಮಾಡಿ ರಂಪಾಟ ನಡೆಸಿರುವ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಪಾಕಿಸ್ತಾನಿ ವಿದೇಶಾಂಗ ಸಚಿವ ಶಾಹ್ ಮಹಮೂದ್ ಖುರೇಶಿ ಎದುರು ಕೇಕ್ಗಾಗಿ ಜನರು ಹೀಗೆ ಮುಗಿಬಿದ್ದು ನಡೆಸಿದ ಗಲಭೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Cake fight erupts as foreign minister Shah Mahmood Qureshi inaugurates a road in Multan. pic.twitter.com/gTqeFjUSz7
— Naila Inayat (@nailainayat) February 8, 2021
ಸೋಮವಾರ ಮುಲ್ತಾನಾ ಎಂಬಲ್ಲಿ ಸಚಿವ ಖುರೇಷಿ ರಸ್ತೆ ಉದ್ಘಾಟನೆ ಸಲುವಾಗಿ ಬಂದಿದ್ದರು. ರಸ್ತೆ ಉದ್ಘಾಟನೆಗೂ ಮುನ್ನ ಬೃಹತ್ ಕೇಕ್ ಕತ್ತರಿಸುವಂತೆ ಸಚಿವರಿಗೆ ತಿಳಿಸಲಾಗಿತ್ತು. ಸಚಿವರು ಕೇಕ್ ಕತ್ತರಿಸುವುದನ್ನೇ ಕಾಯುತ್ತಿದ್ದಂತೆ, ಜನರು ನೂಕುನುಗ್ಗಲಲ್ಲಿ ಮುಗಿಬೀಳಲು ಆರಂಭಿಸಿದರು. ಇದನ್ನು ನೋಡುತ್ತಿದ್ದಂತೆ ಗಾಬರಿಯಾದ ಸಚಿವರು ಅಲ್ಲಿಂದ ದೌಡಾಯಿಸಿದರು.
ಆದರೆ ಕೇಕ್ ಸ್ಥಿತಿ ಮಾತ್ರ ಅಧೋಗತಿಯಾಗಿತ್ತು. ಕೇಕ್ಗಾಗಿ ಕಿತ್ತಾಡಿ, ಅರಚಾಡಿ, ಒಬ್ಬರ ಮೇಲೆ ಒಬ್ಬರು ಬೀಳುತ್ತಾ ಎರಡೂ ಕೈಗಳಲ್ಲಿ ಬಾಚಿಕೊಂಡು ಬಂದವರು ಕೆಲವರಾದರೆ, ಮುಖ ತಲೆಗೆಲ್ಲಾ ಕೇಕ್ ಮೆತ್ತಿಕೊಂಡು ಒಂದು ಪೀಸ್ ಹಿಡಿದು ಹೊರಬಂದವರು ಇನ್ನಷ್ಟು ಮಂದಿ. ಕೆಲವರೋ, ನೆಲದ ಮೇಲೆ ಬಿದ್ದ ಕೇಕನ್ನೂ ತೆಗೆದುಕೊಂಡು ತಿಂದರು. ಮತ್ತಷ್ಟು ಮಂದಿ ಕೇಕ್ ಸಿಗದೇ ನಿರಾಸೆಯಿಂದ ವಾಪಸ್ಸಾದರು.
ಒಟ್ಟಾರೆ ಒಂದೇ ನಿಮಿಷದಲ್ಲಿ ಕೇಕ್ ಚೆಲ್ಲಾಡಿ ಇಡೀ ಜಾಗವನ್ನೇ ಅಲ್ಲೋಲ ಕಲ್ಲೋಲ ಮಾಡಿದ್ದರು. ಈ ವಿಡಿಯೋವನ್ನು ಪತ್ರಕರ್ತರಾದ ನಯ್ಲಾ ಇಯಾಯತ್ ಎಂಬುವರು ಹಂಚಿಕೊಂಡಿದ್ದಾರೆ. ಇಷ್ಟಲ್ಲದೇ, ಸಚಿವರು ಮಾಸ್ಕ್ ಹಾಕಿರುವುದನ್ನೂ ಮರೆತು ಕೇಕ್ ತಿನ್ನಲು ಮುಂದಾಗಿರುವ ಸಂಗತಿ ವಿಡಿಯೋದಲ್ಲಿ ಸೆರೆಯಾಗಿದೆ.
Click it and Unblock the Notifications
Sign in with Google