ತನ್ನ 24 ಕ್ಯಾರೆಟ್ ಚಿನ್ನದ ಐಫೋನ್ ಕದ್ದ ವ್ಯಕ್ತಿಯಿಂದ ಮೇಲ್ ಸ್ವೀಕರಿಸಿದ ಊರ್ವಶಿ ರೌಟೇಲಾ, ಬೇಡಿಕೆ ಏನ್ ಗೊತ್ತಾ?
ನವದೆಹಲಿ, ಅಕ್ಟೋಬರ್ 19: ಗುಜರಾತ್ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ವಿಶ್ವಕಪ್ ಪಂದ್ಯಾವಳಿ ವೇಳೆ ತನ್ನ 24 ಕ್ಯಾರೆಟ್ ಚಿನ್ನದ ಐಪೋನ್ ಕಳೆದುಕೊಂಡಿದ್ದ ನಟಿ ಊರ್ವಶಿ ರೌಟೇಲಾಗೆ ಪೋನ್ ಕದ್ದ ವ್ಯಕ್ತಿಯಿಂದ ಮೇಲ್ ಬಂದಿದೆ.
ಅಕ್ಟೋಬರ್ 14, ಶನಿವಾರ ಅಹಮದಾಬಾದ್ನಲ್ಲಿ ನಡೆದ ಭಾರತ-ಪಾಕಿಸ್ತಾನ ವಿಶ್ವಕಪ್ ಪಂದ್ಯದ ವೇಳೆ ನಟಿ ಊರ್ವಶಿ ರೌಟೇಲಾ ಅವರು ತಮ್ಮ ಐಫೋನ್ ಕಳೆದುಕೊಂಡಿದ್ದರು. ಈ ಬಗ್ಗೆ ಅವರು ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಫೋನ್ ಹುಡುಕಿಕೊಡುವಂತೆ ಮನವಿ ಮಾಡಿದ್ದರು.
ಊರ್ವಶಿ ರೌಟೇಲಾ ಅವರು ಅಕ್ಟೋಬರ್ 15, 2023 ರ ಪೊಲೀಸ್ ದೂರಿನ ಚಿತ್ರವನ್ನು ಸಹ ಹಂಚಿಕೊಂಡಿದ್ದರು. ಈಗ 29 ವರ್ಷದ ನಟಿಯು ತನ್ನ ಚಿನ್ನದ ಐಫೋನ್ ಕದ್ದ ವ್ಯಕ್ತಿಯಿಂದ ಸ್ವೀಕರಿಸಿದ ಇಮೇಲ್ನ ಸ್ಕ್ರೀನ್ಶಾಟ್ ಅನ್ನು ಹಂಚಿಕೊಂಡಿದ್ದಾರೆ. ಅಕ್ಟೋಬರ್ 16 ರಂದು ಬಂದ ಇಮೇಲ್ನಲ್ಲಿ "ನಿಮ್ಮ ಫೋನ್ ನನ್ನ ಬಳಿ ಇದೆ, ನಿಮಗೆ ಬೇಕಾದರೆ, ನನ್ನ ಸಹೋದರನನ್ನು ಕ್ಯಾನ್ಸರ್ ನಿಂದ ರಕ್ಷಿಸಲು ನೀವು ನನಗೆ ಸಹಾಯ ಮಾಡಬೇಕು" ಎಂದು ಬರೆಯಲಾಗಿದೆ. ಈ ಇಮೇಲ್ಗೆ ಪ್ರತಿಕ್ರಿಯಿಸಿರುವ ರೌಟೆಲ್ ಥಂಬ್ಸ್-ಅಪ್ ನೀಡಿದ್ದಾರೆ.
ಇಂದು ತನ್ನ ಇನ್ಸ್ಟಾಗ್ರಾಮ್ ಸ್ಟೋರಿಗಳಲ್ಲಿ ಸ್ಕ್ರೀನ್ಶಾಟ್ನ ಚಿತ್ರವನ್ನು ನಟಿ ಹಂಚಿಕೊಂಡಿದ್ದರು. ಆದರೆ, ಅದೀಗ ಕಣ್ಮರೆಯಾಗಿದೆ. "ಅಹಮದಾಬಾದ್ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನನ್ನ 24 ಕ್ಯಾರೆಟ್ ನಿಜವಾದ ಚಿನ್ನದ ಐ ಫೋನ್ ಕಳೆದುಹೋಗಿದೆ. ಯಾರಾದರೂ ಅದನ್ನು ಕಂಡರೆ, ದಯವಿಟ್ಟು ಸಹಾಯ ಮಾಡಿ. ಆದಷ್ಟು ಬೇಗ ನನ್ನನ್ನು ಸಂಪರ್ಕಿಸಿ! #LostPhone #AhmedabadStadium #HelpNeeded #indvspak @modistadium @ahmedabadpolice" ಎಂದು ರೌಟೇಲಾ ಈ ಹಿಂದೆ ಮನವಿ ಮಾಡಿದ್ದರು.
'ಸನಮ್ ರೇ' ನಟಿ ತನ್ನ ಅಭಿಮಾನಿಗಳಿಗೆ "ಸಾಮಾನ್ಯ ಫೋನ್" ಅನ್ನು ಹೊಂದಿದ್ದಳು. ಆದರೆ ತನ್ನ ಚಿನ್ನದ ಐಫೋನ್ಗಾಗಿ ಕಾಯುತ್ತಿರುವುದಾಗಿ ತಿಳಿಸಿದ್ದಾರೆ. ಪಂದ್ಯದ ಮೊದಲು ರೌಟೇಲಾ ಅವರು ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ತಮ್ಮ ವೀಡಿಯೊಗಳನ್ನು ಹಂಚಿಕೊಂಡಿದ್ದಾರೆ. ಒಂದು ವೀಡಿಯೊದಲ್ಲಿ ಅವಳು ಪಂದ್ಯಕ್ಕೆ ನಾಲ್ಕು ಟಿಕೆಟ್ಗಳೊಂದಿಗೆ ಕಾರಿನೊಳಗೆ ಕಾಣಿಸಿಕೊಂಡಿದ್ದಳು ಎಂದು ಪ್ರತಿಕ್ರಿಯೆಗಳು ಬಂದಿವೆ.
ನಟಿ ತನ್ನ ಫೋನ್ ಅನ್ನು ಹುಡುಕಿಕೊಟ್ಟ ಯಾರಿಗಾದರೂ ಬಹುಮಾನವನ್ನು ಸಹ ನೀಡುತ್ತೇನೆ ಮತ್ತು ಫೋನ್ನ ಕೊನೆಯ ಸ್ಥಳ ಮಾಲ್ನಲ್ಲಿದೆ ಎಂದು ಅವರು ಬರೆದಿದ್ದಾರೆ.
Click it and Unblock the Notifications
Sign in with Google