ಬಿಹಾರ: ಹಳಿ ತಪ್ಪಿದ ಸಹರ್ಸ-ಪಾಟ್ನಾ ರಾಜ್ಯರಾಣಿ ಎಕ್ಸ್ ಪ್ರೆಸ್ ರೈಲು!

ಪಾಟ್ನಾ, ಏಪ್ರಿಲ್ 23 : ಬಿಹಾರದ ಸಹರ್ಸ ಬಳಿ ಭಾನುವಾರ ಸಹರ್ಸ-ಪಾಟ್ನಾ ರಾಜ್ಯರಾಣಿ ಎಕ್ಸ್ ಪ್ರೆಸ್ ರೈಲು ಹಳಿ ತಪ್ಪಿದ್ದು, ಅದೃಷ್ಟವಶಾತ್ ಈ ಅವಘಡದಲ್ಲಿ ಯಾವುದೇ ಪ್ರಾಣಹಾನಿಯಾಗಿಲ್ಲ.

ಬೆಳಗ್ಗೆ ಸುಮಾರು 9.30ಕ್ಕೆ ರಾಜ್ಯರಾಣಿ ಎಕ್ಸ್ ಪ್ರೆಸ್ ರೈಲು, ಸಹರ್ಸ ರೈಲು ನಿಲ್ದಾಣದಿಂದ ಪಾಟ್ನಾದತ್ತ ಹೊರಟಿದ್ದ ವೇಳೆ ರೈಲಿನ 2 ಬೋಗಿಗಳು ಹಳಿ ತಪ್ಪಿವೆ. ಇದರಿಂದ ಸುಮಾರು 3 ಗಂಟೆಗಳ ಕಾಲ ಈ ಮಾರ್ಗದ ರೈಲು ಸಂಚಾರದಲ್ಲಿ ವ್ಯತ್ಯಯವಾಗಿತ್ತು.

ತಾಂತ್ರಿಕ ಕಾರಣದಿಂದಾಗಿ ರೈಲು ಹಳಿ ತಪ್ಪಿದೆ ಎಂದು ಅಧಿಕಾಗಿಳು ತಿಳಿಸಿದ್ದಾರೆ. ಕೂಡಲೇ ಸ್ಥಳದಲ್ಲೇ ಇದ್ದ ರೈಲ್ವೇ ಅಧಿಕಾರಿಗಳು ಘಟನೆಯನ್ನು ಪರಿಶೀಲಿಸುತ್ತಿದ್ದು, ಹಳಿ ಸರಿ ಪಡಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ.

ರೈಲು ಹಳಿ ತಪ್ಪಿದ ಕಾರಣ ಸಹರ್ಸ-ಮಾನ್ಸಿ, ಸಹರ್ಸ-ಮಾಧೇಪುರ ಮಾರ್ಗದಲ್ಲಿ ರೈಲು ಸಂಚಾರ ಸ್ಥಗಿತವಾಗಿದ್ದು, ರೈಲ್ವೇ ಸಿಬ್ಬಂದಿ ದುರಸ್ತಿ ಕಾರ್ಯ ನಡೆಸುತ್ತಿದ್ದಾರೆ.

ಅಧಿಕಾರಿಗಳು ನೀಡಿರುವ ಮಾಹಿತಿಯಂತೆ 2 ಬೋಗಿಗಳು ಹಳಿ ತಪ್ಪಿವೆಯಾದರೂ ಘಟನೆಯಲ್ಲಿ ಯಾವುದೇ ಪ್ರಯಾಣಿಕರಿಗೆ ತೊಂದರೆಯಾಗಿಲ್ಲ.

ಹಾಗೂ ರೈಲಿನ ಎರಡು ಬೋಗಿಗಳು ವರೆತು ಪಡಿಸಿ ಉಳಿದ ಬೇರಾವುದೇ ಕೋಚ್ ಗಳಿಗೆ ಧಕ್ಕೆಯಾಗಿಲ್ಲ ಎಂದು ತಿಳಿಸಿದ್ದಾರೆ.

English summary

Two bogies of Saharsa-Patna Rajya Rani Express today derailed at the railway station here, disrupting the rail traffic on Saharsa-Mansi and Saharsa-Madhepura sections for three hours.