Tripura Election 2023 : ಫೆಬ್ರವರಿ 16 ರಂದು ಮತದಾನ, ಮಾರ್ಚ್ 2ಕ್ಕೆ ಫಲಿತಾಂಶ!

Updated: Wednesday, January 18, 2023, 17:05 [IST]

ತ್ರಿಪುರಾದಲ್ಲಿ ವಿಧಾನಸಭಾ ಚುನಾವಣೆಯ ವೇಳಾಪಟ್ಟಿಯನ್ನು ಚುನಾವಣಾ ಆಯೋಗ ಇಂದು ಪ್ರಕಟಿಸಿದೆ. ಪ್ರಸ್ತುತ ಬಿಜೆಪಿ ಅಧಿಕಾರದಲ್ಲಿರುವ ತ್ರಿಪುರಾದಲ್ಲಿ ಫೆಬ್ರವರಿ 16 ರಂದು ಮತದಾನ ನಡೆಯಲಿದೆ. ಮತಗಳ ಎಣಿಕೆ ಮಾರ್ಚ್ 2 ರಂದು ನಡೆಯಲಿದೆ. ತ್ರಿಪುರಾ ವಿಧಾನಸಭೆಯ ಅಧಿವೇಶನ ಮಾರ್ಚ್ 22, 2023 ರಂದು ಕೊನೆಗೊಳ್ಳಲಿದೆ.

ತ್ರಿಪುರಾ ವಿಧಾನಸಭೆಯು 80 ಸದಸ್ಯ ಬಲವನ್ನು ಹೊಂದಿದೆ. ಬಿಜೆಪಿ-ಇಂಡಿಜಿನಸ್ ಪೀಪಲ್ಸ್ ಫ್ರಂಟ್ ಆಫ್ ತ್ರಿಪುರಾ (ಐಪಿಎಫ್‌ಟಿ) ಮೈತ್ರಿಕೂಟವು 2018 ರ ತ್ರಿಪುರಾ ವಿಧಾನಸಭಾ ಚುನಾವಣೆಯಲ್ಲಿ 60 ಸದಸ್ಯರ ಸದನದಲ್ಲಿ ಮೂರನೇ ಎರಡರಷ್ಟು ಬಹುಮತವನ್ನು ಗಳಿಸಿತು. ರಾಜ್ಯದಲ್ಲಿ 25 ವರ್ಷಗಳ ಸುದೀರ್ಘ ಆಡಳಿತವನ್ನು ನಡೆಸಿದೆ.

The Commission has directed enforcement agencies to be impartial and transparent in their functioning ensuring a level playing field. Agencies to work in a coordinated approach. : CEC Shri Kumar#AssemblyElections #TripuraElections #ECI pic.twitter.com/HnkvZ8uf8G
— Election Commission of India #SVEEP (@ECISVEEP) J…

ಪ್ರಸ್ತಾಪದಲ್ಲಿರುವ 60 ಸ್ಥಾನಗಳಲ್ಲಿ ಬಿಜೆಪಿ 35, ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾರ್ಕ್ಸ್‌ವಾದಿ) 16, ಐಪಿಎಫ್‌ಟಿ 8 ಗೆದ್ದಿದ್ದರೆ, ಕಾಂಗ್ರೆಸ್ ಯಾವುದೇ ಸ್ಥಾನವನ್ನು ಗಳಿಸಿಲ್ಲ. ತ್ರಿಪುರಾ ರಾಜ್ಯಾದ್ಯಂತ 3,328 ಮತಗಟ್ಟೆಗಳನ್ನು ಹೊಂದಿದೆ.

ತ್ರಿಪುರ ಅಸೆಂಬ್ಲಿ ಚುನಾವಣೆ 2023

ಈ ಬಾರಿ ಅಧಿಕಾರದಲ್ಲಿರುವ ಬಿಜೆಪಿ, ಎಡ-ಕಾಂಗ್ರೆಸ್ ಸಂಯೋಜನೆ ಮತ್ತು ತೃಣಮೂಲ ಕಾಂಗ್ರೆಸ್‌ನೊಂದಿಗೆ ತ್ರಿಕೋನ ಸ್ಪರ್ಧೆಯನ್ನು ಎದುರಿಸಲಿದೆ. 60 ಸದಸ್ಯ ಬಲದ ವಿಧಾನಸಭೆಯಲ್ಲಿ ಬಿಜೆಪಿ 34 ಶಾಸಕರನ್ನು ಹೊಂದಿದ್ದರೆ, ಅದರ ಮಿತ್ರ ಪಕ್ಷ ಐಪಿಎಫ್‌ಟಿ ಐವರನ್ನು ಹೊಂದಿದೆ.

ರಾಜ್ಯದಲ್ಲಿ ಬಿಜೆಪಿಯ ವಿಜಯದ ನಂತರ ಬಿಪ್ಲಬ್ ದೇವ್ ಮುಖ್ಯಮಂತ್ರಿಯಾದರು. ಆದರೆ ಕಾರ್ಯಕ್ಷಮತೆಯ ಸಮಸ್ಯೆಗಳಿಂದ ಮೇ 2022 ರಲ್ಲಿ ಅವರನ್ನು ತೆಗೆದುಹಾಕಲಾಯಿತು. ನಂತರ ಪಕ್ಷ ಡಾ ಮಾಣಿಕ್ ಸಹಾ ಅವರನ್ನು ಹೊಸ ಸಿಎಂ ಆಗಿ ಆಯ್ಕೆ ಮಾಡಿತು. ಇವರು ಸದ್ಯ ರಾಜ್ಯ ಘಟಕದೊಳಗೆ ಬೆಳೆಯುತ್ತಿರುವ ಭಿನ್ನಾಭಿಪ್ರಾಯಗಳನ್ನು ನಿವಾರಿಸುವ ಸವಾಲನ್ನೂ ಸಹಾ ಎದುರಿಸುತ್ತಿದ್ದಾರೆ.

ಬಿಜೆಪಿಯನ್ನು ಸೋಲಿಸಲು ತ್ರಿಪುರಾದಲ್ಲಿ ಎಡ-ಕಾಂಗ್ರೆಸ್ ಸಂಯೋಜನೆ ಮತ್ತು ತೃಣಮೂಲ ಕಾಂಗ್ರೆಸ್‌ ಒಟ್ಟಾಗಿ ಸೇರಿಕೊಂಡಿವೆ.

ಬುಡಕಟ್ಟು ಮೂಲದ ಪಕ್ಷವಾದ ಐಪಿಎಫ್‌ಟಿಯೊಂದಿಗೆ ಮೈತ್ರಿಯನ್ನು ಮುಂದುವರಿಸಲು ಬಿಜೆಪಿ ಆಶಿಸುತ್ತಿದ್ದರೆ, ತ್ರಿಪುರಾ ರಾಜಮನೆತನದ ಮಾಜಿ ಕಾಂಗ್ರೆಸ್ ನಾಯಕ ಪ್ರದ್ಯೋತ್ ಬಿಕ್ರಮ್ ಮಾಣಿಕ್ಯ ದೇಬ್ ಬರ್ಮಾ ನೇತೃತ್ವದ (TIPRA) ಟಿಪ್ರಾ ಮೋಥಾ ಈ ವರ್ಷ ನಿರ್ಣಾಯಕ ಪಾತ್ರವನ್ನು ವಹಿಸುವ ನಿರೀಕ್ಷೆಯಿದೆ.

ತೃಣಮೂಲ ಕಾಂಗ್ರೆಸ್ ಕೂಡ ರಾಜ್ಯದಲ್ಲಿ ತನ್ನ ಹೆಜ್ಜೆ ಗುರುತುಗಳನ್ನು ವಿಸ್ತರಿಸಲು ಪ್ರಯತ್ನಿಸುತ್ತಿದೆ. ಟಿಎಂಸಿ ಮುಖ್ಯಸ್ಥೆ ಮತ್ತು ಪಶ್ಚಿಮ ಬಂಗಾಳ ಸಿಎಂ ಮಮತಾ ಬ್ಯಾನರ್ಜಿ ತ್ರಿಪುರಾಗೆ ಭೇಟಿ ನೀಡಿದ್ದು, ಪ್ರಚಾರಕ್ಕೆ ಮತ್ತೊಮ್ಮೆ ಭೇಟಿ ನೀಡಲಿದ್ದಾರೆ. ಅದರ ಈಶಾನ್ಯ ಉಸ್ತುವಾರಿ ಸುಶ್ಮಿತಾ ದೇವ್ ನೇತೃತ್ವದಲ್ಲಿ, ಟಿಎಂಸಿ ಈ ಬಾರಿ ಪಕ್ಷವನ್ನು ಬಂಗಾಳದ ಆಚೆಗೆ ವಿಸ್ತರಿಸುವ ಪ್ರಯತ್ನದಲ್ಲಿ ಉತ್ಸಾಹಭರಿತ ಹೋರಾಟವನ್ನು ಮಾಡಲು ಆಶಿಸುತ್ತಿದೆ.

ತ್ರಿಪುರಾ ಚುನಾವಣಾ ವೇಳಾಪಟ್ಟಿಯ ವಿವರ ಇಲ್ಲಿದೆ:

ಅಧಿಸೂಚನೆ ಹೊರಡಿಸಿದ ದಿನಾಂಕ: ಜನವರಿ 21

ನಾಮಪತ್ರ ಸಲ್ಲಿಸಲು ಕೊನೆಯ ದಿನಾಂಕ: ಜನವರಿ 20

ಪರಿಶೀಲನೆಯ ದಿನಾಂಕ: ಜನವರಿ 31

ನಾಮಪತ್ರ ಹಿಂಪಡೆಯಲು ಕೊನೆಯ ದಿನಾಂಕ: ಫೆ.2

ಮತದಾನದ ದಿನಾಂಕ: ಫೆಬ್ರವರಿ 16

ಮತ ಎಣಿಕೆ ದಿನಾಂಕ: ಮಾರ್ಚ್ 2