ಅಪಘಾತಕ್ಕೊಳಗಾದವರಿಗೆ ನೆರವಾಗುತ್ತಿದ್ದವರ ಮೇಲೇ ಹರಿದ ಲಾರಿ: 7 ಸಾವು

ಬೆಟುಲ್(ಮಧ್ಯಪ್ರದೇಶ), ಡಿಸೆಂಬರ್ 14: ರಸ್ತೆಯಲ್ಲಿ ಅಪಘಾತಕ್ಕೊಳಗಾಗಿ ಸಂಕಷ್ಟದಲ್ಲಿದ್ದ ಕೆಲವರಿಗೆ ಕೈಲಾದ ಸಹಾಯ ಮಾಡುತ್ತ, ಅವರನ್ನು ಸಂತೈಸುತ್ತಿದ್ದ ಜನರ ಮೇಲೇ ಲಾರಿಯೊಂದು ಹರಿದ ಪರಿಣಾಮ 7 ಜನ ಸ್ಥಳದಲ್ಲೇ ಮೃತರಾದ ಹೃದಯವಿದ್ರಾವಕ ಘಟನೆ ಮಧ್ಯಪ್ರದೇಶದ ಮೆಟುಲ್ ನ ಬೊರ್ದೇಹಿ ಎಂಬಲ್ಲಿ ನಡೆದಿದೆ.

ನಿನ್ನೆ(ಡಿ.13) ರಾತ್ರಿ ಇಲ್ಲಿನ ರಸ್ತೆಯಲ್ಲಿ ಒಂದು ಸಣ್ಣ ಅಪಘಾತವಾಗಿತ್ತು. ಆ ಅಪಘಾತದಲ್ಲಿ ಗಾಯಗೊಂಡವರಿಗೆ ಕೆಲವು ಸ್ಥಳೀಯರು ನೆರವು ನೀಡುತ್ತ, ಸಂತೈಸುತ್ತಿದ್ದರು. ಈ ಸಂದರ್ಭದಲ್ಲಿ ವೇಗವಾಗಿ ಬಂದ ಲಾರಿಯೊಂದು ಇಲ್ಲಿದ್ದ 10 ಕ್ಕೂ ಹೆಚ್ಚು ಜನರ ಮೇಲೆ ಹರಿದ ಪರಿಣಾಮ 7 ಜನ ಸ್ಥಳದಲ್ಲೇ ಮೃತರಾಗಿದ್ದು, ಗಂಭೀರ ಗಾಯಗೊಂಡಿರುವ ಇಬ್ಬರನ್ನು ಹತ್ತಿರದ ಆಸ್ಪತ್ರೆಗೆ ಸೇರಿಸಲಾಗಿದೆ.

ಘಟನೆಯಲ್ಲಿ ಮೃತರಾದವರ ಗುರುತು ಪತ್ತೆಯಾಗಿಲ್ಲ. ದೂರು ದಾಖಲಿಸಿಕೊಂಡಿರುವ ಮೆಟುಲ್ ಪೊಲೀಸರು ಹೆಚ್ಚಿನ ವಿಚಾರಣೆ ನಡೆಸುತ್ತಿದ್ದಾರೆ.

English summary

Madhya Pradesh : 7 dead, 2 injured after a dumfer truck hit and overturned on villagers who were helping the people who were injured in an accident which had earlier taken place at the spot in Betul's Bordehi last night.