ಪಾರ್ಸೆಲ್ ನೆಟ್ವರ್ಕ್ ಹೆಚ್ಚಿಸಲು ವೆಬ್ ತಾಣ ತೆರೆದ ಇಂಡಿಯಾ ಪೋಸ್ಟ್
ನವದೆಹಲಿ, ನವೆಂಬರ್ 14: ಡಿಪಾರ್ಟ್ಮೆಂಟ್ ಆಫ್ ಪೋಸ್ಟ್(ಡಿಒಪಿ) ಅಥವಾ ಇಂಡಿಯಾ ಪೋಸ್ಟ್ ತನ್ನ ಪಾರ್ಸೆಲ್ ಜಾಲ ವ್ಯವಹಾರವನ್ನು ವಿಸ್ತರಿಸುವ ಉದ್ದೇಶದಿಂದ ಮಂಗಳವಾರದಂದು ಇ-ಕಾಮರ್ಸ್ ಪೋರ್ಟಲ್ ಅನ್ನು ಅನಾವರಣಗೊಳಿಸಿದೆ.
ಕೇಂದ್ರ ಸಚಿವ ಮನೋಜ್ ಸಿನ್ಹಾ ಅವರು ಟ್ವೀಟ್ ಮಾಡಿ ಹೊಸ ಸೇವೆಯ ಘೋಷಣೆ ಮಾಡಿದ್ದಾರೆ. ಹೊಸ ಸೇವೆಯ ಬಗ್ಗೆ ಇಲಾಖೆ ಈವರೆಗೆ ಮಾಹಿತಿ ನೀಡಿಲ್ಲ. ಆದರೆ, ಡಿಸೆಂಬರ್ ತಿಂಗಳಲ್ಲಿ ಈ ಸೇವೆಯು ಪೂರ್ಣಪ್ರಮಾಣದಲ್ಲಿ ಸೇವೆ ಎಲ್ಲರಿಗೂ ಲಭ್ಯವಾಗಲಿದೆ ಎಂದು ಭಾರತೀಯ ಅಂಚೆ ತಿಳಿಸಿದೆ.
ಮೋದಿ ಕನಸು ನನಸು, ಅಂಚೆ ಪೇಮೆಂಟ್ ಬ್ಯಾಂಕಿನಲ್ಲಿ ಏನೇನು ಲಭ್ಯ
ಇ-ಕಾಮರ್ಸ್ ಸೇವೆ ಆರಂಭಿಸಿ ,ಆದಾಯ ಹೆಚ್ಚಳಕ್ಕೆ ಒತ್ತು ನೀಡಲಾಗಿದೆ. ಇಲಾಖೆಯು ಕ್ಯಾಶ್ ಆನ್ ಡೆಲವರಿ ಸೇವೆಯಿಂದ 2700 ಕೋಟಿ ರೂ. ಸಂಗ್ರಹಿಸಿದ್ದು, ಈ ಸೇವೆಯಲ್ಲಿ 2013ರಲ್ಲಿ ಪ್ರಾರಂಭಿಸಲಾಗಿದೆ. ಇನ್ನು ಇ- ಕಾಮರ್ಸ್ ಕ್ಷೇತ್ರದಿಂದ ಭಾರತೀಯ ಅಂಚೆಗೆ ಶೇ.13 ರಷ್ಟು ಆದಾಯ ಹೆಚ್ಚಳವಾಗಿದ ಎಂದು ಅಧಿಕಾರಿಗಳು ಹೇಳಿದ್ದಾರೆ.
@IndiaPostOffice has launched e-commerce portal and I am glad that today I have received first parcel by this e-commerce portal. pic.twitter.com/T38SLw3vbq
— Manoj Sinha (@manojsinhabjp) November 13, 2018