ಮುಂದುವರೆದ ರೂಪಾಯಿ ಅಪಮೌಲ್ಯ, ಡಾಲರ್ ಎದುರು ಸಾರ್ವಕಾಲಿಕ ಕುಸಿತ
ನವದೆಹಲಿ, ಅಕ್ಟೋಬರ್ 04: ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ರೂಪಾಯಿ ಮೌಲ್ಯ ದಿನೇ-ದಿನೇ ಕುಸಿತವಾಗುತ್ತಿದ್ದು, ಡಾಲರ್ ಎದುರು ದಾಖಲೆಯ 73.81ಕ್ಕೆ ಕುಸಿದಿದೆ.
ಸಾರ್ವಕಾಲಿಕ ದಾಖಲೆಯ 73.34 ರಿಂದ ದಿನದ ವಹಿವಾಟು ಆರಂಭಿಸಿದ ರೂಪಾಯಿ ಬುಧವಾರ ಮಾರುಕಟ್ಟೆ ಅಂತ್ಯವಾಗುವ ವೇಳೆಗೆ 73.81ಕ್ಕೆ ತಲುಪಿತು. ಇದು ಸಾರ್ವಕಾಲಿಕ ದಾಖಲೆಯ ಕುಸಿತವಾಗಿದೆ.
ತೈಲ ಆಮದುದಾರರು ಅಮೆರಿಕದ ಕರೆನ್ಸಿಗೆ ಹೆಚ್ಚು ಬೇಡಿಕೆ ಸಲ್ಲಿಸುತ್ತಿರುವ ಮತ್ತು ಬಂಡವಾಳದ ಹೊರಹರಿವು ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ರೂಪಾಯಿ ಅಪಮೌಲ್ಯ ಹೆಚ್ಚಾಗುತ್ತಿದೆ ಎಂದು ವಿಶ್ಲೇಷಿಸಲಾಗಿದೆ. ರೂಪಾಯಿ ಮೌಲ್ಯವು ಇನ್ನೂ ಕೆಲವು ವಾರಗಳ ಕಾಲ ಏರಿಕೆ ಆಗುವುದು ಅನುಮಾನ.
ಕಚ್ಚಾ ತೈಲ ಮಾರಾಟ ಸಂಸ್ಥೆಗಳಿಗೆ ಪ್ರತ್ಯೇಕ ವ್ಯವಸ್ಥೆ ಮಾಡಿಕೊಡಲು ಆರ್ಬಿಐ ವಿಫಲವಾದ ಕಾರಣ ರೂಪಾಯಿ ಮೌಲ್ಯ ಕಳೆದುಕೊಳ್ಳುತ್ತಿದೆ, ಕೇಲವ ರೂಪಾಯಿ ಮಾತ್ರವಲ್ಲ ಇತರ ಎಲ್ಲ ಕರೆನ್ಸಿಗಳು ಡಾಲರ್ ಎದುರು ಮೌಲ್ಯ ಕಳೆದುಕೊಳ್ಳುತ್ತಿವೆ ಎಂದು ಆರ್ಥಿಕ ತಜ್ಞ ವಿ.ಕೆ.ಶರ್ಮಾ ಹೇಳಿದ್ದಾರೆ.
Click it and Unblock the Notifications
Sign in with Google