ಭಯೋತ್ಪಾದಕ ಯಾಸಿನ್ ಮಲಿಕ್ಗೆ ಮರಣದಂಡನೆ ವಿಧಿಸುವಂತೆ ಕೋರಿದ ಎನ್ಐಎ
ನವದೆಹಲಿ, ಮೇ. 27: ಒಂದು ವರ್ಷದ ಹಿಂದೆ ಭಯೋತ್ಪಾದನೆ ನಿಧಿ ಪ್ರಕರಣದಲ್ಲಿ ವಿಚಾರಣಾ ನ್ಯಾಯಾಲಯದಿಂದ ಜೀವಾವಧಿ ಶಿಕ್ಷೆಗೆ ಗುರಿಯಾಗಿರುವ ಭಯೋತ್ಪಾದಕ ಯಾಸಿನ್ ಮಲಿಕ್ಗೆ ಮರಣದಂಡನೆ ವಿಧಿಸುವಂತೆ ಕೋರಿ ಎನ್ಐಎ ಶುಕ್ರವಾರ ದೆಹಲಿ ಹೈಕೋರ್ಟ್ಗೆ ಮೊರೆ ಹೋಗಿದೆ. ಇಂತಹ ಭೀಕರ ಭಯೋತ್ಪಾದಕನಿಗೆ ಮರಣದಂಡನೆ ನೀಡದಿದ್ದರೇ ನ್ಯಾಯಕ್ಕೆ ಅನ್ಯಾಯವಾಗುತ್ತದೆ ಎಂದಿದೆ.
ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್ಐಎ) ಸಲ್ಲಿಸಿರುವ ಅರ್ಜಿಯನ್ನು ಮೇ 29 ರಂದು ನ್ಯಾಯಮೂರ್ತಿಗಳಾದ ಸಿದ್ಧಾರ್ಥ್ ಮೃದುಲ್ ಮತ್ತು ತಲ್ವಂತ್ ಸಿಂಗ್ ಅವರ ಪೀಠದ ಮುಂದೆ ವಿಚಾರಣೆಗೆ ಪಟ್ಟಿ ಮಾಡಲಾಗಿದೆ. ಮೇ 24, 2022 ರಂದು, ರಾಷ್ಟ್ರ ರಾಜಧಾನಿಯ ವಿಚಾರಣಾ ನ್ಯಾಯಾಲಯವು ಜಮ್ಮು ಕಾಶ್ಮೀರ ಲಿಬರೇಶನ್ ಫ್ರಂಟ್ (JKLF) ಮುಖ್ಯಸ್ಥ ಮಲಿಕ್ಗೆ ಕಟ್ಟುನಿಟ್ಟಾದ ಭಯೋತ್ಪಾದನಾ ವಿರೋಧಿ ಕಾನೂನುಬಾಹಿರ ಚಟುವಟಿಕೆಗಳ ತಡೆಗಟ್ಟುವಿಕೆ (UAPA) ಮತ್ತು ಐಪಿಸಿ ಕಾಯಿದೆಯಡಿಯಲ್ಲಿ ವಿವಿಧ ಅಪರಾಧಗಳಲ್ಲಿ ತಪ್ಪಿತಸ್ಥರೆಂದು ಘೋಷಿಸಿದ ನಂತರ ಜೀವಾವಧಿ ಶಿಕ್ಷೆಯನ್ನು ವಿಧಿಸಿತು.
ಯುಎಪಿಎ ಅಡಿಯಲ್ಲಿನ ಆರೋಪಗಳನ್ನು ಒಳಗೊಂಡಂತೆ ಯಾಸಿನ್ ಮಲಿಕ್ ತಪ್ಪೊಪ್ಪಿಕೊಂಡಿದ್ದಾರೆ. ಯಾಸಿನ್ ಮಲಿಕ್ನ ಶಿಕ್ಷೆಯ ಹೆಚ್ಚಳಕ್ಕಾಗಿ ಹೈಕೋರ್ಟ್ಗೆ ಸಲ್ಲಿಸಿದ ಅರ್ಜಿಯಲ್ಲಿ, ಎನ್ಐಎ ಅಂತಹ ಭೀಕರ ಭಯೋತ್ಪಾದಕರಿಗೆ ತಪ್ಪೊಪ್ಪಿಕೊಂಡ ಕಾರಣಕ್ಕಾಗಿ ಮರಣದಂಡನೆಯನ್ನು ನೀಡದಿದ್ದರೆ, ಶಿಕ್ಷೆಯ ನೀತಿಯ ಸಂಪೂರ್ಣ ಸವೆತ ಉಂಟಾಗುತ್ತದೆ ಮತ್ತು ಮರಣದಂಡನೆಯನ್ನು ತಪ್ಪಿಸಿ ಹೊರನಡೆಯಲು ಭಯೋತ್ಪಾದಕರಿಗೆ ಒಂದು ಮಾರ್ಗವಿದೆ ಎಂದು ಹೇಳಿದಂತಾಗುತ್ತದೆ ಎಂದು ತಿಳಿಸಿದೆ.
ಮರಣದಂಡನೆಗಾಗಿ ಯಾಸಿನ್ ಮಲಿಕ್ ಅವರ ಅಪರಾಧಗಳು "ಅಪರೂಪದ ಪ್ರಕರಣಗಳ" ವರ್ಗದಲ್ಲಿ ಬರುವುದಿಲ್ಲ ಎಂಬ ವಿಚಾರಣಾ ನ್ಯಾಯಾಲಯದ ತೀರ್ಮಾನವು ಕಾನೂನುಬದ್ಧವಾಗಿ ದೋಷಪೂರಿತವಾಗಿದೆ ಮತ್ತು ಸಂಪೂರ್ಣವಾಗಿ ಸಮರ್ಥನೀಯವಲ್ಲ" ಎಂದು ಭಯೋತ್ಪಾದನಾ ವಿರೋಧಿ ತನಿಖಾ ಸಂಸ್ಥೆ ಹೇಳಿದೆ.
"ಅಂತಹ ಭಯಂಕರ ಭಯೋತ್ಪಾದಕರಿಗೆ ಮರಣದಂಡನೆ ನೀಡದಿರುವುದು ನ್ಯಾಯದ ತಪ್ಪಿಗೆ ಕಾರಣವಾಗುತ್ತದೆ, ಭಯೋತ್ಪಾದನೆಯ ಕೃತ್ಯವು ಸಮಾಜದ ವಿರುದ್ಧದ ಅಪರಾಧವಲ್ಲ. ಆದರೆ ಇದು ಇಡೀ ರಾಷ್ಟ್ರದ ವಿರುದ್ಧದ ಅಪರಾಧವಾಗಿದೆ. ಬೇರೆ ರೀತಿಯಲ್ಲಿ ಹೇಳುವುದಾದರೆ ಇದು ಬಾಹ್ಯ ಆಕ್ರಮಣ, ಯುದ್ಧದ ಕೃತ್ಯ ಮತ್ತು ರಾಷ್ಟ್ರದ ಸಾರ್ವಭೌಮತ್ವಕ್ಕೆ ಧಕ್ಕೆ ಎಂದು ಮನವಿಯಲ್ಲಿ ಹೇಳಲಾಗಿದೆ.
ಸರ್ವೋಚ್ಚ ನ್ಯಾಯಾಲಯದ ಪ್ರಕಾರ, ಜೀವಾವಧಿ ಶಿಕ್ಷೆ ಎಂದರೆ ಕೊನೆಯ ಉಸಿರು ಇರುವವರೆಗೂ ಸೆರೆವಾಸ. ನ್ಯಾಯಾಲಯವು ಯಾಸಿನ್ ಮಲಿಕ್ಗೆ ಐಪಿಸಿಯ ಸೆಕ್ಷನ್ 120 ಬಿ (ಕ್ರಿಮಿನಲ್ ಪಿತೂರಿ), 121-ಎ (ಭಾರತ ಸರ್ಕಾರದ ವಿರುದ್ಧ ಯುದ್ಧ ಮಾಡುವ ಪಿತೂರಿ) ಮತ್ತು ಸೆಕ್ಷನ್ 15 (ಭಯೋತ್ಪಾದನೆ), 18 (ಭಯೋತ್ಪಾದನೆಗಾಗಿ ಪಿತೂರಿ) ಮತ್ತು 20 (ಭಯೋತ್ಪಾದನಾ ಸಂಘಟನೆಯ ಸದಸ್ಯ) ಅಡಿಯಲ್ಲಿ ತಲಾ 10 ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಿದೆ.
ಯುಎಪಿಎಯ ಸೆಕ್ಷನ್ 13 (ಕಾನೂನುಬಾಹಿರ ಕಾಯ್ದೆ), 38 (ಭಯೋತ್ಪಾದನೆಯ ಸದಸ್ಯತ್ವಕ್ಕೆ ಸಂಬಂಧಿಸಿದ ಅಪರಾಧ) ಮತ್ತು 39 (ಭಯೋತ್ಪಾದನೆಗೆ ನೀಡಿದ ಬೆಂಬಲ) ಅಡಿಯಲ್ಲಿ ತಲಾ ಐದು ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಿದೆ.
Click it and Unblock the Notifications
Sign in with Google