ಕಾಂಗ್ರೆಸ್ಸಿಗೆ ರಾಜಕಾರಣ ಎಂದರೆ ವ್ಯಾಪಾರ : ಮೋದಿ

ನವದೆಹಲಿ, ಫೆ.16 : 60 ವರ್ಷ ದೇಶದಲ್ಲಿ ಆಡಳಿತ ನಡೆಸಿದ ಕಾಂಗ್ರೆಸ್ ಪಕ್ಷಕ್ಕೆ ರಾಜಕಾರಣ ಉದ್ಯಮವಾದರೆ, ಬಿಜೆಪಿ ಪಾಲಿಗೆ ಅದು ದೇಶಭಕ್ತಿ ಮತ್ತು ಸೇವೆ ಎಂದು ಹೇಳಿರುವ ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿ ಕಾಂಗ್ರೆಸ್ ಪಕ್ಷದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

ಬಿಜೆಪಿ ಪ್ರಧಾನಿ ಅಭ್ಯರ್ಥಿಯಾಗಿ ಘೋಷಣೆಯಾದ ಬಳಿಕ ಮೊದಲ ಬಾರಿಗೆ ಹಿಮಾಚಲ ಪ್ರದೇಶ ರಾಜ್ಯಕ್ಕೆ ಭೇಟಿ ನೀಡಿದ್ದ ನರೇಂದ್ರ ಮೋದಿ, ಹಮೀರ್ ಪುರ್ ನಲ್ಲಿ ಬೃಹತ್ ಸಮಾವೇಶ ಉದ್ದೇಶಿಸಿ ಮಾತನಾಡಿದರು. ತಮ್ಮ ಭಾಷಣದ ತುಂಬಾ ಕಾಂಗ್ರೆಸ್ ಪಕ್ಷವನ್ನು ಕಟು ಶಬ್ದಗಳಿಂದ ಟೀಕಿಸಿದ ಅವರು, ಸುಳ್ಳು ಭರವಸೆಗಳನ್ನು ನೀಡುವ ಕಾಂಗ್ರೆಸ್ ಪಕ್ಷ ದೇಶಕ್ಕೆ ಅಗತ್ಯವಿಲ್ಲ ಎಂದು ಹೇಳಿದರು.

ಎನ್ ಡಿಎ ಎಂದರೆ National Development Alliance ಎಂದು ಹೇಳಿದ ಮೋದಿ, ಕಾಂಗ್ರೆಸ್ ಪ್ರಜಾಪ್ರಭುತ್ವಕ್ಕಾಗಿ ಕೆಲಸ ಮಾಡುವುದಿಲ್ಲ ವಂಶಪಾರಂಪರ್ಯ ರಾಜಕಾರಣವನ್ನು ಮುಂದುವರೆಸಲು ಕೆಲಸ ಮಾಡುತ್ತದೆ ಎಂದು ಟೀಕಿಸಿದರು. ಜನರಿಗೆ ಸುಳ್ಳು ಭರವಸೆ ನೀಡುವ ಪಕ್ಷಕ್ಕೆ ಸರಿಯಾದ ಪಾಠ ಕಲಿಸಿ ಎಂದು ಜನರಿಗೆ ಕರೆ ನೀಡಿದರು.

ಮೋದಿ ಭಾಷಣದ ಮುಖ್ಯಾಂಶಗಳು
* ಕೆಲವರಿಗೆ ರಾಜಕಾರಣ ಅಂದ್ರೆ ಬರೀ ವ್ಯಾಪಾರ, ಆದರೆ ನಮಗೆ ರಾಜಕಾರಣ ಅಂದ್ರೆ ರಾಷ್ಟ್ರಭಕ್ತಿ, ಜನಸೇವೆ
* ಭ್ರಷ್ಟಾಚಾರದ ಮೂಲ ಕಾಂಗ್ರೆಸ್ ಪಕ್ಷ, ಸುಮಾರು 60 ವರ್ಷಗಳಿಂದ ಸರ್ಕಾರ ನಡೆಸುತ್ತಿರುವ ಕಾಂಗ್ರೆಸ್ ಭ್ರಷ್ಟಾಚಾರದಲ್ಲಿ ತೊಡಗಿದೆ.
* ಬಿಜೆಪಿಯನ್ನು ಅಧಿಕಾರಕ್ಕೆ ತನ್ನಿ 100 ದಿನದಲ್ಲಿ ಬೆಲೆ ಇಳಿಕೆ ಮಾಡುತ್ತೇವೆ ಎಂದು ಮೋದಿ ಭರವಸೆ ನೀಡಿದರು.
* ಹಿಮಾಚಲ ಪ್ರದೇಶ ಪುಣ್ಯಭೂಮಿ, ಈ ಪ್ರದೇಶದ ಜನರ ಪ್ರೀತಿಯನ್ನು ಮರೆಯಲು ಅಸಾಧ್ಯ
* ದೇಶ ಶಾಂತಿಯುತವಾಗಿ ನಿದ್ರಿಸುತ್ತಿದೆ ಎಂದರೆ, ಹಿಮಾಚಲ ಪ್ರದೇಶದ ಯುವಕರು ದೇಶದ ಗಡಿಭಾಗದಲ್ಲಿ ಎಚ್ಚರದಿಂದ ಕಾವಲು ಕಾಯುತ್ತಿದ್ದಾರೆ ಎಂದು ಅರ್ಥ.
* ಅಟಲ್ ಬಿಹಾರಿ ವಾಜಪೇಯಿ ಅವರಿಗೆ ಹಿಮಾಚಲ ಪ್ರದೇಶವೆಂದರೆ ವಿಶೇಷ ಪ್ರೀತಿ ಆದ್ದರಿಂದ ಈ ರಾಜ್ಯಕ್ಕೆ ಹೆಚ್ಚಿನ ಆದ್ಯತೆ ನೀಡುತ್ತೇವೆ.
* ಬಿಜೆಪಿ ಅಧಿಕಾರಕ್ಕೆ ಬಂದರೆ ರಾಜ್ಯದಲ್ಲಿ ರೈಲ್ವೆ ವ್ಯವಸ್ಥೆ ಪಡಿಸುತ್ತೇವೆ ಎಂದು ಮೋದಿ ಭರವಸೆ ನೀಡಿದರು.
* ಬೆಲೆ ಏರಿಕೆ ಮತ್ತು ಭ್ರಷ್ಟಾಚಾರದಿಂದಾಗಿ ಕಾಂಗ್ರೆಸ್ ಪಕ್ಷ ಜನರ ವಿಶ್ವಾಸ ಕಳೆದುಕೊಂಡಿದೆ.
* ದುರ್ಬಲ ಆರ್ಥಿಕ ನೀತಿಯಿಂದ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ.
* ಕಾಂಗ್ರೆಸ್ ಸರ್ಕಾದಿಂದ ಮಹಿಳೆಯರಿಗೆ ಸೂಕ್ತ ರಕ್ಷಣೆ ದೊರೆಯುತ್ತಿಲ್ಲ. [ಮಹಿಳಾ ಸಮಾವೇಶದಲ್ಲಿ ಮೋದಿ ಹೇಳಿದ್ದೇನು]

Do you trust their leaders, their promises and what they say? If not then why do you tolerate them: Narendra Modi in Himachal Pradesh

— narendramodi_in (@narendramodi_in) February 16, 2014

This is perhaps the 1st government which is not trusted by the people. Governments need trust of people to function: Narendra Modi

— narendramodi_in (@narendramodi_in) February 16, 2014

Congress leaders are going across the nation talking about greats of past but what about price rise: Narendra Modi in HP

— narendramodi_in (@narendramodi_in) February 16, 2014

English summary

BJP PM candidate Narendra Modi adressed rally in Hamirpur district in Himachal Pradesh on Feb 16, Sunday. This is his first visit to the state ever since the announcement of Modi's PM candidature for Lok Sabha election 2014. In his speech Modi Changing the description of NDA from National Democratic Alliance to National Development Alliance, asserted that BJP wants development and not empty promises.