ನೋಟ್ ಬ್ಯಾನ್ ಬೆಂಬಲಿಸಿದವರಿಗೆ ವಂದನೆ ಸಲ್ಲಿಸಿದ ಮೋದಿ

ನವೆಂಬರ್ 08 : ನೋಟ್ ಬ್ಯಾನ್ ಮಾಡಿ ವರ್ಷವಾದ ಹಿನ್ನೆಲೆಯಲ್ಲಿ ಈ ಮಹತ್ತರವಾದ ನಿರ್ಧಾರಕ್ಕೆ ಬೆಂಬಲ ಸೂಚಿಸಿದ ಜನತೆಗೆ ಮೋದಿ ಸರಣಿ ಟ್ವೀಟ್ ಮಾಡಿ ವಂದನೆ ಸಲ್ಲಿಸಿದ್ದಾರೆ.

ಬುಧವಾರ (ನಂವೆಂಬರ್ ೦8) ಬೆಳಿಗ್ಗೆ ಮೊದಲು ಬಿಜೆಪಿ ಹಿರಿಯ ನಾಯಕ ಲಾಲ್ ಕೃಷ್ಣ ಅಡ್ವಾಣಿ ಅವರಿಗೆ ಹುಟ್ಟುಹಬ್ಬ ಶುಭಾಷಯ ಕೋರಿದ ಮೋದಿ ನಂತರ ಸರಣಿ ಟ್ವೀಟ್ ಮಾಡುವ ಮೂಲಕ ಅಪನಗದೀಕರಣ ಬೆಂಬಲಿಸಿದ ಜನತೆಗೆ ವಂದನೆಗಳನ್ನು ತಿಳಿಸಿದ್ದಾರೆ.

ಮೊದಲ ಟ್ವೀಟ್ ನಲ್ಲಿ "125 ಕೋಟಿ ಭಾರತೀಯರು ನಿರ್ಣಾಯಕವಾದ ಹೋರಾಟದಲ್ಲಿ ಪಾಲ್ಗೊಂಡು ವಿಜಯ ಸಾಧಿಸಿದ್ದಾರೆ' ಎಂದು ಹೇಳಿದ್ದಾರೆ. ಜೊತೆಗೆ ನೋಟ್ ಬ್ಯಾನ್ ನಿಂದ ಆದ ಅನುಕೂಲಗಳ ಪಟ್ಟಿಯ ಚಿತ್ರವನ್ನು ಅದರ ಜೊತೆ ಪ್ರಕಟಿಸಿದ್ದಾರೆ.

ಮೋದಿ ತಮ್ಮ ಎರಡನೇ ಟ್ವೀಟ್ ನಲ್ಲಿ ಅಪನಗದೀಕರಣದ ಕುರಿತಾದ 7:13 ನಿಮಿಷದ ಕಿರುಚಿತ್ರವೊಂದನ್ನು ಹಂಚಿಕೊಂಡು, ಅಪನಗದೀಕರಣದಿಂದಾದ ಲಾಭಗಳ ಪಟ್ಟಿ ಇಲ್ಲಿದೆ ನೋಡಿ ಎಂದು ಬರೆದುಕೊಂಡಿದ್ದಾರೆ.

125 crore Indians fought a decisive battle and WON. #AntiBlackMoneyDay pic.twitter.com/3NPqEBhqGq

— Narendra Modi (@narendramodi) November 8, 2017

ತಮ್ಮ ಮೂರನೇ ಟ್ವೀಟ್ ನಲ್ಲಿ ಭ್ರಷ್ಟಾಚಾರ ಮತ್ತು ಕಪ್ಪುಹಣದ ವಿರುದ್ಧ ಮಾಡಿದ ಪ್ರಯತ್ನದ ಬಗ್ಗೆ ನಿಮ್ಮ ಅಭಿಪ್ರಾಯವನ್ನು ಎನ್.ಎಂ (ನರೇಂದ್ರ ಮೋದಿ) ಆಪ್ ನಲ್ಲಿ ತಿಳಿಸಿ ಎನ್ನುವ ಮೂಲಕ ಸಾರ್ವಜನಿಕರ ಅಭಿಪ್ರಾಯ ಸಂಗ್ರಹಣೆಗೆ ಮೋದಿ ಮುಂದಾಗಿದ್ದಾರೆ.

ಅಪನಗದೀಕರಣದ ಬಗ್ಗೆ ಸಾರ್ವಜನಿಕರು ತಮ್ಮ ಅಭಿಪ್ರಾಯವನ್ನು nm4.in/dnldapp ಇಲ್ಲಿ ನೀಡಬಹುದಾಗಿದೆ.

ಮೋದಿ ಅವರ ಟ್ವೀಟ್ ಗಳಿಗೆ ಭಾರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ, ಸಾವಿರಾರು ಲೈಕ್ ಗಳು ಕಮೆಂಟುಗಳು ಹರಿದುಬಂದಿವೆ. ಕೆಲವರು ಮೋದಿ ಅವರ ನಿರ್ಧಾರವನ್ನು ಬೆಂಬಲಿಸಿ ಕಮೆಂಟ್ ಮಾಡಿದ್ದರೆ ಹಲವರು ಟೀಕಿಸಿ ಅಭಿಪ್ರಾಯ ಪ್ರಕಟಿಸಿದ್ದಾರೆ.

English summary

in a series of tweets Narendra Modi thanks people for supporting the Brave decision of Demonatisation. he also uploded a short video witch showing Benifits of Demonatisation, and in a another tweet Modi asked people to give opinion about demonatisation in NM app.