ಮಧ್ಯಪ್ರದೇಶ: ಮರಳು ತುಂಬಿದ್ದ ಲಾರಿ ಮಗುಚಿ 8 ಕಾರ್ಮಿಕರು ಸಾವು
ಅಲಿರಾಜ್ಪುರ(ಮಧ್ಯಪ್ರದೇಶ), ಫೆಬ್ರವರಿ 07: ಮಧ್ಯಪ್ರದೇಶದ ಅಲಿರಾಜ್ಪುರ ಎಂಬಲ್ಲಿ ಇಂದು(ಫೆ.7) ಬೆಳಿಗ್ಗೆ ಮರಳನ್ನು ಹೊತ್ತ ಟ್ರಕ್ ವೊಂದು ಮಗುಚಿದ ಪರಿಣಾಮ ಅದರಲ್ಲಿದ್ದ 8 ಕಾರ್ಮಿಕರು ಮೃತರಾಗಿದ್ದಾರೆ.
ಖಾಂಡ್ವಾ-ಬರೋಡಾ ಹೆದ್ದಾರಿಯಲ್ಲಿ 16 ಕಾರ್ಮಿಕರನ್ನು ಹೊತ್ತ ಟ್ರಕ್ ಸಾಗುತ್ತಿದ್ದದ ಸಮಯದಲ್ಲಿ ಚಾಲಕನ ನಿಯಂತ್ರಣ ತಪ್ಪಿ ಮಗುಚಿದೆ. ಈ ಸಮಯದಲ್ಲಿ 8 ಕಾರ್ಮಿಕರು ಮೃತರಾಗಿದ್ದಾರೆ. ಉಳಿದ ಎಂಟು ಜನರೂ ತೀವ್ರವಾಗಿ ಗಾಯಗೊಂಡಿದ್ದು, ಅವರನ್ನು ಅಲಿರಾಜ್ಪುರ ಆಸ್ಪತ್ರೆಗೆ ಸೇರಿಸಲಾಗಿದೆ.
ಗಾಯಗೊಂಡ ಕಾರ್ಮಿಕರೆಲ್ಲರೂ ಬಾಲಕಾರ್ಮಿಕರು ಎಂದು ಪೊಲೀಸರು ತಿಳಿಸಿದ್ದಾರೆ. ಪ್ರಕರಣ ದಾಖಲಿಸಲಾಗಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ.
Click it and Unblock the Notifications
Sign in with Google