ಉಗ್ರರ ಮೇಲೆ ದಾಳಿ, ಭಾರತದ ಬೆನ್ನಿಗೆ ಯುಎಸ್ ನಿಂತಿದೆಯೆ?

ನವದೆಹಲಿ, ಸೆ. 29: ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ಹಾಗೂ ಗಡಿ ನಿಯಂತ್ರಣ ರೇಖೆಯ ಬಳಿ ಇದ್ದ ಉಗ್ರರ ಕ್ಯಾಂಪ್ ಮೇಲೆ ನಡೆಸಿದ ದಾಳಿ ಪೂರ್ವನಿಯೋಜಿತವಾಗಿತ್ತು, ಇದಕ್ಕೆ ಅಮೆರಿಕದ ಬೆಂಬಲವೂ ಇತ್ತು ಎಂಬ ಮಾಹಿತಿ ಬಂದಿದೆ.

ನಿಮ್ಮೊಂದಿಗೆ ನಾವಿದ್ದೇವೆ ಎಂದು ಅಮೆರಿಕ ಸಂಪೂರ್ಣ ಬೆಂಬಲ ಘೋಷಿಸಿದ ಬಗ್ಗೆ ಸ್ಪಷ್ಟ ಮಾಹಿತಿ ಇಲ್ಲ. ಇಸ್ಲಾಮಾಬಾದಿನಲ್ಲಿ ನಡೆಯಬೇಕಿದ್ದ ಸಾರ್ಕ್ ಸಮ್ಮೇಳನದಿಂದ ಭಾರತ ಹಿಂದಕ್ಕೆ ಸರಿದಿದ್ದು ತಿಳಿದಿರಬಹುದು. ಇದಾದ ಬಳಿಕ ಕಳೆದ ವಾರದಿಂದ ನಡೆದ ಬೆಳವಣಿಗೆಯನ್ನು ಗಮನಿಸಿದರೆ ಅಮೆರಿಕದ ಬೆಂಬಲ ಇರುವುದಕ್ಕೆ ಪುರಾವೆ ಸಿಗುತ್ತದೆ. [ ಎಷ್ಟು ಉಗ್ರರ ಕ್ಯಾಂಪ್ ಧ್ವಂಸ, ಎಷ್ಟು ಜನ ಉಗ್ರರು ಬಲಿ?]

ಭಾರತದ ಭದ್ರತಾ ಸಲಹೆಗಾರ ಅಜಿತ್ ಗೋವೆಲ್ ಜತೆ ದೂರವಾಣಿ ಮೂಲಕ ಮಾತನಾಡಿದ ಅಮೆರಿಕ ರಕ್ಷಣಾ ಕಾರ್ಯದರ್ಶಿ ಆಸ್ಟನ್ ಕಾರ್ಟರ್ ಅವರು, ನಿಮ್ಮ ಬೆಂಬಲಕ್ಕೆ ನಾವಿದ್ದೇವೆ. ಭಯೋತ್ಪಾದನೆಯನ್ನು ಮಟ್ಟ ಹಾಕುವುದೇ ನಮ್ಮ ಮುಖ್ಯ ಉದ್ದೇಶ ಎಂದು ಭರವಸೆ ನೀಡಿದ್ದರು.

Regional cooperation and terror don't go together. India pulls out of SAARC Summit in Islamabad pic.twitter.com/jabKoaBegJ

— Vikas Swarup (@MEAIndia) September 27, 2016

ಪಾಕಿಸ್ತಾನ ವಿಶ್ವದ ಹಲವು ರಾಷ್ಟ್ರಗಳ ಹಿತವಚನವನ್ನು ಕಡೆಗಣಿಸಿ ಮತ್ತೂ ಕೂಡ ಭಯೋತ್ಪಾದನೆಗೆ ಕುಮ್ಮಕ್ಕು ನೀಡುತ್ತಿರುವುದು ಸರಿಯಲ್ಲ ಎಂದು ಅವರು ತಿಳಿಸಿದ್ದರು.

Here is the link to EAM @SushmaSwaraj's address at the 71st #UNGA https://t.co/G04DkPUP1u

— Indian Diplomacy (@IndianDiplomacy) September 26, 2016

ನಂತರಯುಎಸ್ ಕಾರ್ಯದರ್ಶಿ ಜಾನ್ ಕೆರಿ ಅವರು ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಅವರೊಂದಿಗೆ ಮಾತುಕತೆ ನಡೆಸಿ, ಕಾಶ್ಮೀರದ ಬಾರಮುಲ್ಲಾ ಉರಿಯಲ್ಲಿ ಉಗ್ರರು ನಡೆಸಿದ ಕೃತ್ಯವನ್ನು ಖಂಡಿಸಿದರು. ['ಸರ್ಜಿಕಲ್ ಆಪರೇಷನ್' ಅಂದರೆ ಏನು ಗೊತ್ತಾ?]

ಭಯೋತ್ಪಾದನೆ ಹತ್ತಿಕ್ಕುವಲ್ಲಿ ಯುಎಸ್ ಸದಾ ಕಾಲ ಬೆಂಬಲ ನೀಡುತ್ತದೆ ಎಂದು ತಿಳಿಸಿದರು. ಗಡಿ ಭಾಗದಲ್ಲಿ ನಡೆದಿರುವ ಭಯೋತ್ಪಾದನಾ ಚಟುವಟಿಕೆಯನ್ನು ಹತ್ತಿಕ್ಕುವಂತೆ ಸೂಚಿಸಿದರು ಎಂದು ತಿಳಿದು ಬಂದಿದೆ.

English summary

US Secretary of State, John Kerry, has had two conversations over the last two days with Indian External Affairs Minister Sushma Swaraj, reported sources. The conversations were over the increasing diplomatic tension between India and Pakistan.