ಮತ್ತೆ ಬಾಲ ಬಿಚ್ಚಿದ ಉಗ್ರರು ಎನ್ ಕೌಂಟರ್ ಗೆ ಬಲಿ

Updated: Sunday, January 18, 2015, 18:23 [IST]

ಶ್ರೀನಗರ, ಜ, 18: ಕಾಶ್ಮೀರ ಗಡಿಯಲ್ಲಿ ಮತ್ತೆ ಗುಂಡಿನ ಮೊರೆತ ಕೇಳಿಬಂದಿದೆ. ಭಾನುವಾರ ಮುಂಜಾನೆ ಎನ್ ಕೌಂಟರ್ ನಲ್ಲಿ ಉಗ್ರರಿಬ್ಬರು ಹತ್ಯೆ ಮಾಡಲಾಗಿದೆ.

ಜೈಷ್-ಇ-ಮಹಮದ್ ಸಂಘಟನೆ ಸೇರಿದ ಉಗ್ರರಿಬ್ಬರನ್ನು ಉತ್ತರ ಕಾಶ್ಮೀರದ ಸೊಪೋರ್ ಪಟ್ಟಣ ಸಮೀಪ ಏನ್ ಕೌಂಟರ್ ನಲ್ಲಿ ಹತ್ಯೆಮಾಡಲಾಗಿದೆ.[ಗಣರಾಜ್ಯೋತ್ಸವಕ್ಕೆ ಮುಂಬೈಗೆ ಬಾಂಬ್, ಉಗ್ರರ ಬೆದರಿಕೆ ಸಂದೇಶ]

ಅಡಗುದಾಣದ ಬಳಿ ನಾವು ತೆರಳಿದಾಗ ಉಗ್ರರು ದಾಳಿ ಮಾಡಲು ಮುಂದಾದರು. ತಕ್ಷಣ ಸೇನೆ ಪ್ರತಿದಾಳಿ ನಡೆಸಿತು. ಗುಂಡಿನ ದಾಳಿಯಲ್ಲಿ ಇಬ್ಬರು ಉಗ್ರರು ಸ್ಥಳದಲ್ಲೇ ಹತರಾದರು ಎಂದು ಹಿರಿಯ ಸೇನಾಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.[ಉಗ್ರರ ವಿರುದ್ಧ ಹೋರಾಟ: ಫ್ರಾನ್ಸಿಗೆ ಸಾಧ್ಯ, ಭಾರತಕ್ಕೆ ಸಾಧ್ಯವಿಲ್ಲವೇ?]

ಮನೆಯಲ್ಲಿ ಅಡಗಿಕೊಂಡಿದ್ದ ಉಗ್ರರ ಮೇಲೆ ದಾಳಿ ಮಾಡಲಾಯಿತು. ಈ ಸಂದರ್ಭ ತಪ್ಪಿಸಿಕೊಂಡು ಹೋಗಲು ಯತ್ನಿಸಿದ್ದಲ್ಲದೇ ಸೈನ್ಯದ ಮೇಲೆ ಗುಂಡಿನ ದಾಳಿ ಮಾಡಲು ಉಗ್ರಗಾಮಿಗಳು ಮುಂದಾದರು. ಸೇನೆ ಪ್ರತಿ ದಾಳಿ ನಡೆಸಿದಾಗ ಗುಂಡಿಗೆ ಬಲಿಯಾದರು. ಉತ್ತರ ಕಾಶ್ಮೀರದ ಹಲವೆಡೆ ಉಗ್ರರು ಅವಿತುಕೊಂಡುರುವ ಬಗ್ಗೆ ಮಾಹಿತಿಯಿದೆ ಎಂದು ಅವರು ತಿಳಿಸಿದ್ದಾರೆ.