Himachal Pradesh Election 2022 Voting Live: ಮತದಾನ ಪ್ರಕ್ರಿಯೆ ಮುಕ್ತಾಯ, ಡಿ.8ಕ್ಕೆ ಮತಎಣಿಕೆ ಕಾರ್ಯ

Updated: Saturday, November 12, 2022, 18:07 [IST]

ಹಿಮಾಚಲ ಪ್ರದೇಶದಲ್ಲಿ ಶನಿವಾರ ನವೆಂಬರ್ 12 ರಂದು ಒಂದೇ ಹಂತದಲ್ಲಿ ಮತದಾನ ನಡೆಯಲಿದೆ. ವಿಧಾನಸಭೆ ಚುನಾವಣೆಯ ಪ್ರಚಾರ ಗುರುವಾರ (ನವೆಂಬರ್ 10) ಕೊನೆಗೊಂಡಿತು. ಶನಿವಾರ (ನವೆಂಬರ್ 12) ಬೆಳಗ್ಗೆ 8 ಗಂಟೆಗೆ ಹಿಮಾಚಲದಲ್ಲಿ ಮತದಾನ ಆರಂಭವಾಗಲಿದ್ದು ಸಂಜೆ 5.30ರವರೆಗೆ ನಡೆಯಲಿದೆ. ಮತದಾನದ ಕುರಿತ ಸಂಪೂರ್ಣ ಅಪ್ಡೇಟ್ಸ್ ಇಲ್ಲಿದೆ.

ಹಿಮಾಚಲ ಪ್ರದೇಶ ಇಲ್ಲಿಯವರೆಗೆ ಬಿಜೆಪಿ ಮತ್ತು ಕಾಂಗ್ರೆಸ್ ನಡುವೆ ನೇರ ಸ್ಪರ್ಧೆಯನ್ನು ಕಂಡಿದೆ. ಆದರೆ ಈ ಬಾರಿ ಎಎಪಿ ಪ್ರವೇಶದಿಂದ ಕೆಲವು ವಿಧಾನಸಭಾ ಕ್ಷೇತ್ರಗಳಲ್ಲಿ ಸ್ಪರ್ಧೆ ತೀವ್ರಗೊಳ್ಳಬಹುದು.

ಈ ಮೂರು ಪಕ್ಷಗಳ ಹೊರತಾಗಿ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಸಿಪಿಐಎಂ), ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಸಿಪಿಐ), ಬಹುಜನ ಸಮಾಜ ಪಕ್ಷ (ಬಿಎಸ್‌ಪಿ) ಮತ್ತು ರಾಷ್ಟ್ರೀಯ ದೇವಭೂಮಿ ಪಕ್ಷ (ಆರ್‌ಡಿಪಿ) ಚುನಾವಣೆಯಲ್ಲಿ ಸ್ಪರ್ಧಿಸುವ ಇತರ ಪಕ್ಷಗಳು ಇವೆ. ಬಿಜೆಪಿ, ಕಾಂಗ್ರೆಸ್ ಮತ್ತು ಎಎಪಿ ಎಲ್ಲಾ 68 ಸ್ಥಾನಗಳಲ್ಲಿ ಸ್ಪರ್ಧಿಸುತ್ತಿದ್ದರೆ, ಸಿಪಿಐಎಂ 11, ಸಿಪಿಐ 1, ಬಿಎಸ್‌ಪಿ 53 ಮತ್ತು ಆರ್‌ಡಿಪಿ 29 ರಲ್ಲಿ ಸ್ಪರ್ಧಿಸುತ್ತಿವೆ.

ಸೇರಾಜ್, ಹರೋಲಿ, ಮಂಡಿ, ಶಿಮ್ಲಾ ಗ್ರಾಮಾಂತರ ಮತ್ತು ಹಮೀರ್‌ಪುರ ಪ್ರಮುಖ ಕ್ಷೇತ್ರಗಳಾಗಿವೆ. ಸೇರಾಜ್‌ನಲ್ಲಿ ಬಿಜೆಪಿಯಿಂದ ಜೈ ರಾಮ್ ಠಾಕೂರ್ ಕಾಂಗ್ರೆಸ್‌ನಿಂದ ಚೇತ್ರಮ್ ಠಾಕೂರ್ ಹಾಗೂ ಎಎಪಿಯಿಂದ ಗೀತಾ ನಂದ್ ಠಾಕೂರ್ ನಡುವೆ ಸ್ಪರ್ಧೆ ನಡೆಯಲಿದೆ. ಹರೋಲಿಯಲ್ಲಿ ಬಿಜೆಪಿಯಿಂದ ರಾಮಕುಮಾರ್ ಕಾಂಗ್ರೆಸ್‌ನಿಂದ ಮುಖೇಶ್ ಅಗ್ನಿಹೋತ್ರಿ ಎಎಪಿಯಿಂದ ರವೀಂದರ್ ಪಾಲ್ ಸಿಂಗ್ ಮಾನ್ ಸ್ಪರ್ಧಿಸುತ್ತಿದ್ದಾರೆ. ಇನ್ನಷ್ಟು ವಿವರ ಮುಂದಿದೆ..

Himachal Pradesh Election 2022 Voting Live Updates, News and Highlights in Kannada

Nov 12, 2022, 5:55 pm IST

ಹಿಮಾಚಲ ಪ್ರದೇಶದ 68 ವಿಧಾನಸಭಾ ಕ್ಷೇತ್ರಗಳಿಗೆ ಮತದಾನ ಪ್ರಕ್ರಿಯೆ ಪೂರ್ಣಗೊಂಡಿದ್ದು, ಮತಗಟ್ಟೆಗಳನ್ನು ಸೀಲ್ ಮಾಡಲಾಗಿದೆ. ಡಿಸೆಂಬರ್ 8ರಂದು ಮತ ಎಣಿಕೆ ಕಾರ್ಯ ನಡೆಯಲಿದೆ.

Voting in Himachal Pradesh Assembly elections concludes.

EVMs and VVPATs being sealed and secured at polling booths in Dharamshala and Shimla

Counting of votes on December 8 pic.twitter.com/PF2wWWhgtD
— ANI (@ANI) November 12, 2022

Nov 12, 2022, 5:17 pm IST

2019ರ ಲೋಕಸಭೆ ಚುನಾವಣೆಯಲ್ಲಿ ಶೇ.72.4ರಷ್ಟು ಮತದಾನವಾಗಿತ್ತು. ಇದು 2017ರ ವಿಧಾನಸಭಾ ಚುನಾವಣೆಯಲ್ಲಿ ಶೇಕಡಾ 74.6ಕ್ಕೆ ಏರಿತು. ಇದು 2003 ರಿಂದ ಈಚೆಗೆ ದಾಖಲಾಗಿರುವ ಅತಿ ಹೆಚ್ಚು ಮತದಾನ ಪ್ರಮಾಣವಾಗಿದೆ.

Nov 12, 2022, 5:13 pm IST

ವಿಶ್ವದ ಅತಿ ಎತ್ತರದ ತಾಶಿಗಂಗ್‌ನಲ್ಲಿರುವ ಮತಗಟ್ಟೆಯಲ್ಲಿ 52 ಮತದಾರರಲ್ಲಿ 51 ಮಂದಿ ಮತ ಚಲಾಯಿಸಿದ್ದಾರೆ.

Nov 12, 2022, 3:42 pm IST

ಜುಬ್ಬಲ್-ಕೋಟ್‌ಖೈ ವಿಧಾನಸಭೆಯಲ್ಲಿ 46.07%ರಷ್ಟು ಮತದಾನ ಹಾಗೂ ಅನಿ ವಿಧಾನಸಭಾ ಕ್ಷೇತ್ರದಲ್ಲಿ 46.04%ರಷ್ಟು ಮತದಾನವಾಗಿದೆ.ಸೋಲನ್‌ನ ಐದು ವಿಧಾನಸಭಾ ಕ್ಷೇತ್ರಗಳಲ್ಲಿ ಇದುವರೆಗೆ 41.36 ರಷ್ಟು ಮತದಾನವಾಗಿದೆ.

Nov 12, 2022, 3:41 pm IST

ದೂರದ ಶಿಮ್ಲಾ, ದಂಡೇರ್‌ವಾಡಿ ಗ್ರಾಮದಲ್ಲಿ ಮಹಿಳೆಯರ ದೊಡ್ಡ ಗುಂಪು ಮತಕಟ್ಟೆಯಲ್ಲಿ ಜಮಾಯಿಸಿದೆ. ತೀವ್ರ ಚಳಿ ಮತ್ತು ಹಿಮಾಪಾತದ ನಡುವೆ ಮತಗಟ್ಟೆಯಲ್ಲಿ ನಿಂತು ಮತ ಚಲಾಯಿಸುತ್ತಿದ್ದಾರೆ.

Nov 12, 2022, 3:07 pm IST

ಕಾಂಗ್ರೆಸ್ ಶಾಸಕ ವಿಕ್ರಮಾದಿತ್ಯ ಸಿಂಗ್ ಮತ ಚಲಾಯಿಸಿದ ಬಳಿಕ ಮಾತನಾಡಿ, ಕಳೆದ ಉಪಚುನಾವಣೆಯಲ್ಲಿ ಸೋತಂತೆ ಈ ಚುನಾವಣೆಯಲ್ಲಿಯೂ ಬಿಜೆಪಿ ಸೋಲಲಿದೆ ಎಂದಿದ್ದಾರೆ.

Nov 12, 2022, 2:59 pm IST

ಹಿಮಾಚಲ ಪ್ರದೇಶದಲ್ಲಿ ಮಧ್ಯಾಹ್ನ 1 ಗಂಟೆಯವರೆಗೆ ಶೇ.37.19 ಮತದಾನವಾಗಿದೆ.

Nov 12, 2022, 2:59 pm IST

ಮಾಜಿ ಮುಖ್ಯಮಂತ್ರಿ ಶಾಂತಕುಮಾರ್, ಬಿಜೆಪಿ ಮಾಜಿ ರಾಜ್ಯಾಧ್ಯಕ್ಷ ಸತ್ಪಾಲ್ ಸತ್ತಿ, ಡಾ.ರಾಜೀವ್ ಬಿಂದಾಲ್, ಪ್ರಧಾನ ಕಾರ್ಯದರ್ಶಿ ತ್ರಿಲೋಕ್ ಜಮ್ವಾಲ್, ರಾಕೇಶ್ ಜಮ್ವಾಲ್ ಮತ್ತು ತ್ರಿಲೋಕ್ ಜಮ್ವಾಲ್ ಮತಗಟ್ಟೆಯಲ್ಲಿ ಮತ ಚಲಾಯಿಸಿದರು.

Nov 12, 2022, 2:59 pm IST

ಬಿಜೆಪಿ ರಾಜ್ಯ ಸಚಿವ ಪವನ್ ರಾಣಾ ಅವರು ತಮ್ಮ ತವರು ಕ್ಷೇತ್ರವಾದ ಜ್ವಾಲಾಮುಖಿಯಲ್ಲಿ ಮತ ಚಲಾಯಿಸಿದರು.

Nov 12, 2022, 2:06 pm IST

ಹಿಮಾಚಲ ಪ್ರದೇಶದಲ್ಲಿ ಕಳೆದ ಐದು ವರ್ಷಗಳಲ್ಲಿ ಆಗಿರುವ ಅಭಿವೃದ್ಧಿಯನ್ನು ಸ್ಪಷ್ಟವಾಗಿ ನೋಡಬಹುದು, ಜನರಲ್ಲಿ ಸಂತೋಷದ ವಾತಾವರಣವಿದೆ ಏಕೆಂದರೆ ಅವರು ಸರ್ಕಾರವನ್ನು ಪುನರಾವರ್ತಿಸಲು ಬಯಸುತ್ತಾರೆ ಎಂದು ಜೆಪಿ ನಡ್ಡಾ ಹೇಳಿದರು.

Nov 12, 2022, 2:04 pm IST

'ಈ ಬಾರಿ ಕಾಂಗ್ರೆಸ್ ಸರ್ಕಾರ ರಚಿಸಲಿದೆ, ಸಿಎಂ ಹುದ್ದೆಗೆ ನಮ್ಮಲ್ಲಿ ಅನೇಕ ನಾಯಕರು ಇದ್ದಾರೆ' ಎಂದು ಹಿಮಾಚಲ ಅಧ್ಯಕ್ಷೆ ಪ್ರತಿಭಾ ಸಿಂಗ್ ಹೇಳಿದ್ದಾರೆ.

Nov 12, 2022, 2:03 pm IST

ಭಾರೀ ಹಿಮಪಾತದ ನಡುವೆ ಮತದಾನ ಮಾಡಲು ಮತದಾರರು ಚಂಬಾ ಜಿಲ್ಲೆಯ ಪಾಂಗಿ ತೆಹಸಿಲ್‌ನಲ್ಲಿರುವ ಚಸಕ್ ಭಟೋರಿ ಮತಗಟ್ಟೆಯತ್ತ ನಡೆಯುತ್ತಿರುವ ದೃಶ್ಯ.

Himachal Pradesh | Voters on their way to polling station Chasak Bhatori in Pangi tehsil of Chamba district#AssemblyPolls2022 pic.twitter.com/JM6aKqN8xn
— ANI (@ANI) November 12, 2022

Nov 12, 2022, 2:02 pm IST

ಜನರು ಬಿಜೆಪಿಗೆ ಮತ್ತೊಂದು ಅವಕಾಶ ನೀಡಲು ಬಯಸುತ್ತಾರೆ, ಜನರು ಪ್ರಧಾನಿ ಮೋದಿ ಮತ್ತು ಬಿಜೆಪಿ ಸರ್ಕಾರವನ್ನು ನಂಬುತ್ತಾರೆ, ನಮ್ಮ ಪಕ್ಷದ ಪರವಾಗಿ ವಾತಾವರಣವಿರುವುದನ್ನು ನಾನು ನೋಡುತ್ತೇನೆ: ಜೆಪಿ ನಡ್ಡಾ

Nov 12, 2022, 2:01 pm IST

ಹಿಮಾಚಲ ಪ್ರದೇಶದ ಜನರು ತಮ್ಮ ಹಕ್ಕುಗಳು ಮತ್ತು ಮತದಾನದ ಹಕ್ಕಿನ ಬಗ್ಗೆ ತಿಳಿದಿರುತ್ತಾರೆ. ಆದ್ದರಿಂದ ಇಲ್ಲಿ ಮತದಾನ ಯಾವಾಗಲೂ ಚೆನ್ನಾಗಿ ನಡೆಯುತ್ತದೆ ಎಂದು ಬಿಜೆಪಿ ಅಧ್ಯಕ್ಷ ಜೆಪಿ ನಡ್ಡಾ ಹೇಳಿದರು.

Nov 12, 2022, 2:00 pm IST

ಯುವಕರು ಹಿರಿಯರಿಂದ ಸ್ಫೂರ್ತಿ ಪಡೆದು ಮುನ್ನಡೆಯಲು ಅವಕಾಶ ಸಿಗುತ್ತದೆ, ದಿವಂಗತ ಶ್ಯಾಮ್ ಸರಣ್ ನೇಗಿ ಅವರಿಗೆ ನಾವು ಶ್ರದ್ಧಾಂಜಲಿ ಸಲ್ಲಿಸುತ್ತೇವೆ, ಇಂದು ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಮಾಡುವುದು ಅವರಿಗೆ ನಿಜವಾದ ಗೌರವವಾಗಿದೆ - ಮುಖ್ಯ ಚುನಾವಣಾ ಆಯುಕ್ತ ರಾಜೀವ್ ಕುಮಾರ್

Nov 12, 2022, 1:59 pm IST

ಇಂದು ಮತ ಚಲಾಯಿಸುತ್ತಿರುವ 80 ವರ್ಷ ಮೇಲ್ಪಟ್ಟ ಹಿಮಾಚಲ ಪ್ರದೇಶದ 1.2 ಲಕ್ಷ ಮತದಾರರಿಗೆ ನಾನು ವಂದಿಸುತ್ತೇನೆ - ಮುಖ್ಯ ಚುನಾವಣಾ ಆಯುಕ್ತ ರಾಜೀವ್ ಕುಮಾರ್

Nov 12, 2022, 12:53 pm IST

ಚಿಕ್ಕ ಮಕ್ಕಳಿರುವ ಮತದಾರರಿಗೆ ಹಮೀರ್‌ಪುರ ಜಿಲ್ಲೆಯಲ್ಲಿ ವಾಹನ ಸೌಲಭ್ಯವಿದೆ ಎಂದು ಮುಖ್ಯ ಚುನಾವಣಾ ಆಯುಕ್ತ ರಾಜೀವ್ ಕುಮಾರ್ ಹೇಳಿದರು.

Nov 12, 2022, 12:44 pm IST

105 ವರ್ಷ ವಯಸ್ಸಿನ ಮತದಾರ ನರೋ ದೇವಿ ಅವರು ಹಿಮಾಚಲ ಪ್ರದೇಶ ವಿಧಾನಸಭಾ ಚುನಾವಣೆಗಾಗಿ ಚುರಾ ವಿಧಾನಸಭಾ ಕ್ಷೇತ್ರದ ಮತಗಟ್ಟೆ ಸಂಖ್ಯೆ 122 ರಲ್ಲಿ ಮತ ಚಲಾಯಿಸಿದರು.

Nov 12, 2022, 12:29 pm IST

ಮತ್ತೆ ಬರಲಿದೆ ಡಬಲ್ ಎಂಜಿನ್ ಸರ್ಕಾರ- ಅನುರಾಗ್ ಠಾಕೂರ್

ಹಿಮಾಚಲ ಚುನಾವಣೆಯಲ್ಲಿ ನಾವು ಸಿಎಂ ಜೈ ರಾಮ್ ಠಾಕೂರ್ ನೇತೃತ್ವದಲ್ಲಿ ಹೋರಾಡುತ್ತಿದ್ದೇವೆ, ಅವರ ನಾಯಕತ್ವದಲ್ಲಿ ಹಿಮಾಚಲ ಸರ್ಕಾರ 5 ವರ್ಷಗಳ ಕಾಲ ಉತ್ತಮ ಕೆಲಸ ಮಾಡಿದೆ, ಆದ್ದರಿಂದ ಡಬಲ್ ಎಂಜಿನ್ ಸರ್ಕಾರ ಮರಳಿ ಬರುವಂತೆ ಜನರು ಮತ್ತೊಮ್ಮೆ ನಮಗೆ ಆಶೀರ್ವಾದ ಮಾಡುತ್ತಾರೆ ಎಂದು ನಮಗೆ ಖಚಿತವಾಗಿದೆ ಎಂದು ಕೇಂದ್ರ ಸಚಿವ ಅನುರಾಗ್ ಠಾಕೂರ್ ಮತಚಲಾವಣೆ ಬಳಿಕ ಹೇಳಿದರು.

Nov 12, 2022, 12:27 pm IST

ಮತಚಲಾಯಿಸಿದ ಜೆಪಿ ನಡ್ಡಾ ಹೇಳಿದ್ದು ಹೀಗೆ-

ಭಾರತೀಯ ಜನತಾ ಪಕ್ಷದ ಅಧ್ಯಕ್ಷ ಜೆಪಿ ನಡ್ಡಾ ಮತ್ತು ಅವರ ಪತ್ನಿ ಮಲ್ಲಿಕಾ ನಡ್ಡಾ ಬಿಲಾಸ್‌ಪುರದ ವಿಜಯಪುರದಲ್ಲಿ ಮತ ಚಲಾಯಿಸಿದರು. ಬಳಿಕ ಮಾತನಾಡಿದ ಅವರು 'ಬೆಳಿಗ್ಗೆಯಿಂದ ಮತದಾನದ ವಾತಾವರಣ ನೋಡಿದರೆ ಜನರು ಉತ್ಸುಕರಾಗಿದ್ದಾರೆ ಮತ್ತು ಆ ಉತ್ಸಾಹವು ಒಳ್ಳೆಯದಕ್ಕಾಗಿ ಇದೆ ಎಂದು ನಾನು ಭಾವಿಸುತ್ತೇನೆ' ಎಂದರು.

BJP chief JP Nadda & his wife Mallika Nadda cast their votes at a polling station in Vijaypur, Bilaspur

He says, "With the kind of atmosphere I'm seeing since morning, I think people have zeal and that zeal is over something right. I request people to cast vote in large numbers" pic.twitter.com/z5IhuIJosJ
— ANI (@ANI) November 12, 2022

Nov 12, 2022, 12:21 pm IST

ಹಿಮಾಚಲ ಪ್ರದೇಶದ ಎಲ್ಲಾ 68 ವಿಧಾನಸಭಾ ಕ್ಷೇತ್ರಗಳಲ್ಲಿ ಬೆಳಗ್ಗೆ 11 ಗಂಟೆಯವರೆಗೆ ಶೇ.17.98 ಮತದಾನವಾಗಿದೆ.

Nov 12, 2022, 12:19 pm IST

ಕಾಂಗ್ರೆಸ್ ಸಂಸದ ಆನಂದ್ ಶರ್ಮಾ ಅವರು ಶಿಮ್ಲಾದ ಲಾಂಗ್‌ವುಡ್ ಬೂತ್‌ನಲ್ಲಿ ಮತ ಚಲಾಯಿಸಿ ಮಾತನಾಡಿದರು- ಈ ಬಾರಿ ಹಿಮಾಚಲ ಪ್ರದೇಶದಲ್ಲಿ ಸಂಪ್ರದಾಯ ಬದಲಾಗುವುದಿಲ್ಲ, ಸರ್ಕಾರ ಬದಲಾಗುತ್ತದೆ ಮತ್ತು ಬದಲಾವಣೆ ಇರುತ್ತದೆ. ಆಮ್ ಆದ್ಮಿ ಪಕ್ಷಕ್ಕೆ ಏನೂ ಸಿಗುವುದಿಲ್ಲ. ಎಲ್ಲರ ಮುಂದೆ ಅವರ ಪಕ್ಷ ಕಾಣುತ್ತದೆ. ಅವರು ಬಿಜೆಪಿಯ ಬಿ ಟೀಮ್ ಮತ್ತು ಅವರ ಕೆಲಸ ಕೇವಲ ವೋಟ್ ಕಟ್ ಮಾಡುವುದು ಎಂದು ಹೇಳಿದರು.

Nov 12, 2022, 11:35 am IST

ಕಂಗ್ರಾ ಜಿಲ್ಲೆಯ 15 ವಿಧಾನಸಭಾ ಸ್ಥಾನಗಳು ಮತ್ತು ಮಂಡಿ ಜಿಲ್ಲೆಯ 10 ಸ್ಥಾನಗಳು ಹಿಮಾಚಲ ಪ್ರದೇಶದ ಚುನಾವಣೆಯ ಸ್ಥಿತಿಯನ್ನು ನಿರ್ಧರಿಸುತ್ತವೆ.

Nov 12, 2022, 11:34 am IST

ಹಿಮಾಚಲ ಪ್ರದೇಶದ ಲಾಹೌಲ್ ಮತ್ತು ಸ್ಪಿತಿಯಲ್ಲಿ ಬೆಳಿಗ್ಗೆ 9 ಗಂಟೆಯವರೆಗೆ 1.56% ಮತ್ತು ಸಿರ್ಮೌರ್‌ನಲ್ಲಿ 6.26% ಮತದಾನವಾಗಿದೆ.

Nov 12, 2022, 10:42 am IST

ಹಿಮಾಚಲ ಪ್ರದೇಶದ ಎಲ್ಲಾ 68 ವಿಧಾನಸಭಾ ಕ್ಷೇತ್ರಗಳಲ್ಲಿ ಬೆಳಗ್ಗೆ 9 ಗಂಟೆಯವರೆಗೆ ಶೇ.5.02ರಷ್ಟು ಮತದಾನವಾಗಿದೆ.

Nov 12, 2022, 10:41 am IST

ಹಿಮಾಚಲ ಪ್ರದೇಶದ ಮಾಜಿ ಮುಖ್ಯಮಂತ್ರಿ ಪ್ರೇಮ್ ಕುಮಾರ್ ಧುಮಾಲ್, ಅವರ ಪುತ್ರ ಕೇಂದ್ರ ಸಚಿವ ಅನುರಾಗ್ ಠಾಕೂರ್ ಮತ್ತು ಕುಟುಂಬದವರು ಮತ ಚಲಾಯಿಸಿದರು.

Former Himachal Pradesh CM Prem Kumar Dhumal, his son & Union Minister Anurag Thakur and their family cast their votes for #HimachalPradeshElections.

Visuals from a polling station in Samirpur, Hamirpur. pic.twitter.com/D0vgw0ncxY
— ANI (@ANI) November 12, 2022

Nov 12, 2022, 10:40 am IST

ಹಿಮಾಚಲ ಪ್ರದೇಶ ಕಾಂಗ್ರೆಸ್ ಮುಖ್ಯಸ್ಥೆ ಪ್ರತಿಭಾ ಸಿಂಗ್ ಸುದ್ದಿಗಾರರೊಂದಿಗೆ ಮಾತನಾಡಿ, ನಾವು ರಾಜ್ಯದ ಜನತೆಗೆ ಅಭಿವೃದ್ಧಿ ಮತ್ತು ಕೆಲಸಕ್ಕಾಗಿ ಮತ ನೀಡುವಂತೆ ಮನವಿ ಮಾಡುತ್ತೇವೆ. ಕಾಂಗ್ರೆಸ್ ಯಾವಾಗಲೂ ಅಭಿವೃದ್ಧಿಗಾಗಿ ಕೆಲಸ ಮಾಡಿದೆ ಮತ್ತು ಮುಂಬರುವ ದಿನಗಳಲ್ಲಿ ಕಾಂಗ್ರೆಸ್ ಮಾತ್ರ ನಮ್ಮನ್ನು ರಾಜ್ಯದಲ್ಲಿ ಮುನ್ನಡೆಸುತ್ತದೆ. ಕಾಂಗ್ರೆಸ್ 40-45 ಸ್ಥಾನಗಳನ್ನು ಗೆಲ್ಲುತ್ತದೆ ಎಂಬ ವಿಶ್ವಾಸವಿದೆ ಎಂದರು.

Nov 12, 2022, 10:39 am IST

ಕಾಂಗ್ರೆಸ್‌ಗೆ ಪ್ರತಿ ಚುನಾವಣೆಯಲ್ಲಿ ಸುಳ್ಳು ಭರವಸೆಗಳನ್ನು ನೀಡುವ ಅಭ್ಯಾಸವಿದೆ ಮತ್ತು ಸಾರ್ವಜನಿಕರಿಗೆ ಅವರ ನಿಜವಾದ ಮುಖ ತಿಳಿದಿದೆ - ಕೇಂದ್ರ ಸಚಿವ ಅನುರಾಗ್ ಠಾಕೂರ್

Nov 12, 2022, 10:38 am IST

ಉತ್ತರಾಖಂಡ, ಯುಪಿ, ಮಣಿಪುರ ಮತ್ತು ಗೋವಾದಲ್ಲಿ ಮತ್ತೆ ನಮ್ಮ ಸರ್ಕಾರ ರಚನೆಯಾದಂತೆಯೇ, ಈ ಬಾರಿ ಹಿಮಾಚಲ ಪ್ರದೇಶ ಮತ್ತು ಗುಜರಾತ್‌ನಲ್ಲಿಯೂ ರಚನೆಯಾಗಲಿದೆ - ಕೇಂದ್ರ ಸಚಿವ ಅನುರಾಗ್ ಠಾಕೂರ್

Nov 12, 2022, 10:38 am IST

ಹಿಮಾಚಲ ಪ್ರದೇಶದ 68 ವಿಧಾನಸಭಾ ಕ್ಷೇತ್ರಗಳಿಗೆ ಮತದಾನ ನಡೆಯುತ್ತಿದ್ದು, ಬಿಗಿ ಭದ್ರತೆಯ ನಡುವೆ ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಮಾಡಲು ಆಗಮಿಸಿದ ಜನರು

12:19 AM, 12 Nov

12:20 AM, 12 Nov

ಶಿಮ್ಲಾ ಗ್ರಾಮಾಂತರದಲ್ಲಿ ಬಿಜೆಪಿಯಿಂದ ರವಿ ಮೆಹ್ತಾ ಕಾಂಗ್ರೆಸ್‌ನಿಂದ ವಿಕ್ರಮಾದಿತ್ಯ ಸಿಂಗ್ ಹಾಗೂ ಎಎಪಿಯಿಂದ ಪ್ರೇಮ್ ಠಾಕೂರ್ ನಡುವೆ ತೀವ್ರ ಪೈಪೋಟಿ ನಡೆಯಲಿದೆ. ಇನ್ನೂ ಮಂಡಿಯಲ್ಲಿ ಬಿಜೆಪಿಯಿಂದ ಅನಿಲ್ ಶರ್ಮಾ ಕಾಂಗ್ರೆಸ್‌ನಿಂದ ಚಂಪಾ ಠಾಕೂರ್ ಹಾಗೂ ಎಎಪಿಯಿಂದ ಶ್ಯಾಮ್ ಲಾಲ್ ಸ್ಪರ್ಧೆಯಲ್ಲಿದ್ದಾರೆ. ಹಮೀರ್‌ಪುರಯಲ್ಲಿ ಬಿಜೆಪಿಯಿಂದ ನರಿಂದರ್ ಠಾಕೂರ್ ಕಾಂಗ್ರೆಸ್‌ನಿಂದ ಪುಷ್ಪೇಂದ್ರ ವರ್ಮಾ ಹಾಗೂ ಎಎಪಿಯಿಂದ ಶುಶೀಲ್ ಕುಮಾರ್ ಸುರೋಚ್ ನಡುವೆ ಸ್ಪರ್ಧೆ ನಡೆಯಲಿದೆ.

12:22 AM, 12 Nov

ಹಿಮಾಚಲದಲ್ಲಿ ಒಟ್ಟು 55,74,793 ಮತದಾರರಿದ್ದಾರೆ. ಇವರಲ್ಲಿ 55,07,261 ಸಾಮಾನ್ಯ ಮತದಾರರಿದ್ದರೆ, 67,532 ಸೇವಾ ಮತದಾರರಿದ್ದಾರೆ. ಅಲ್ಲದೆ, 1ನೇ ಜನವರಿ 2022 ಮತ್ತು 1 ಅಕ್ಟೋಬರ್ 2022 ರ ನಡುವೆ 18 ವರ್ಷ ವಯಸ್ಸನ್ನು ತಲುಪಿದ 43,173 ಯುವ ಮತದಾರರಿದ್ದಾರೆ. ಈ ಬಾರಿ ಆಯೋಗವು ರಾಜ್ಯದಲ್ಲಿ 7,881 ಮತಗಟ್ಟೆಗಳನ್ನು ಸ್ಥಾಪಿಸಿದೆ. ಡಿಸೆಂಬರ್ 8 ರಂದು ಗುಜರಾತ್ ಜೊತೆಗೆ ಹಿಮಾಚಲ ಪ್ರದೇಶದ ಫಲಿತಾಂಶಗಳನ್ನು ಪ್ರಕಟಿಸಲಾಗುವುದು.

7:42 AM, 12 Nov

ಹಿಮಾಚಲ ಪ್ರದೇಶ ವಿಧಾನಸಭೆ ಚುನಾವಣೆಗೆ ಸಿದ್ಧತೆಗಳು ಪೂರ್ಣಗೊಂಡಿವೆ. ಚುನಾವಣಾ ಆಯೋಗ ಭದ್ರತೆಗಾಗಿ 30 ಸಾವಿರ ಭದ್ರತಾ ಸಿಬ್ಬಂದಿಯನ್ನು ನಿಯೋಜಿಸಿದೆ.

7:43 AM, 12 Nov

ರಾಜ್ಯದಲ್ಲಿ ಒಟ್ಟು 412 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ. ರಾಜ್ಯಾದ್ಯಂತ 7,881 ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದೆ.

7:44 AM, 12 Nov

ರಾತ್ರಿ 8 ಗಂಟೆಗೆ ಮತದಾನ ಆರಂಭವಾಗಲಿದ್ದು, ಹಿಮಾಚಲ ಪ್ರದೇಶ ವಿಧಾನಸಭಾ ಚುನಾವಣೆಯಲ್ಲಿ ಹೊಸ ಸರ್ಕಾರವನ್ನು ಆಯ್ಕೆ ಮಾಡಲು ರಾಜ್ಯಾದ್ಯಂತ 55 ಲಕ್ಷಕ್ಕೂ ಹೆಚ್ಚು ಮತದಾರರು ಮತ ಚಲಾಯಿಸಲಿದ್ದಾರೆ. ರಾಜಕೀಯ ಪಕ್ಷಗಳ ಭವಿಷ್ಯವನ್ನು ಇಂದು ಮತದಾರರು ನಿರ್ಧರಿಸಲಿದ್ದಾರೆ.

7:46 AM, 12 Nov

ಹಿಮಾಚಲ ಪ್ರದೇಶ ವಿಧಾನಸಭಾ ಚುನಾವಣೆ 2022: ಮಂಡಿ ಜಿಲ್ಲೆಯ ಸಿರಾಜ್ ವಿಧಾನಸಭೆಯ ಮತದಾನ ಕೇಂದ್ರ-44 ಔಹಾನಿಯಲ್ಲಿ ಅಣಕು ಮತದಾನವನ್ನು ನಡೆಸಲಾಯಿತು.

#WATCH हिमाचल प्रदेश विधानसभा चुनाव 2022: मंडी जिला के सिराज विधानसभा के मंतदान केंद्र-44 औहानी में मॉक पोलिंग की गई।

राज्य के 68 सीटों पर आज सुबह 8 बजे से वोटिंग शुरू होगी। pic.twitter.com/n6c7DqOAqw
— ANI_HindiNews (@AHindinews) November 12, 2022

8:08 AM, 12 Nov

ಶಿಮ್ಲಾ ಜಿಲ್ಲೆಯ ರಾಂಪುರ ವಿಧಾನಸಭೆಯ 83 ಮತ್ತು 84ನೇ ಮತಗಟ್ಟೆಗಳಲ್ಲಿ ಅಣಕು ಮತದಾನವನ್ನು ನಡೆಸಲಾಯಿತು.

8:09 AM, 12 Nov

ಹಿಮಾಚಲ ಪ್ರದೇಶ ವಿಧಾನಸಭೆ ಚುನಾವಣೆಗೆ ಸಿದ್ಧತೆ ಪೂರ್ಣಗೊಂಡಿದ್ದು, ರಾಜ್ಯದ 68 ಸ್ಥಾನಗಳಿಗೆ ಮತದಾನ ಆರಂಭವಾಗಿದೆ.

Preparations begin for polling for the Himachal Pradesh state elections, visuals from a booth in Seraj pic.twitter.com/lJL3vKLSPs
— ANI (@ANI) November 12, 2022

8:12 AM, 12 Nov

ಮತದಾನಕ್ಕೂ ಮುನ್ನ ಹಿಮಾಚಲ ಪ್ರದೇಶ ಮುಖ್ಯಮಂತ್ರಿ ಜೈರಾಮ್ ಠಾಕೂರ್, "ಇಂದು ಮತದಾನ ನಡೆಯುತ್ತಿದೆ ಮತ್ತು ಪ್ರಜಾಪ್ರಭುತ್ವಕ್ಕೆ ಹೆಚ್ಚಿನ ಶಕ್ತಿ ನೀಡಲು ನೀವು ಮತ ಚಲಾಯಿಸಲು ಹೋಗಬೇಕು ಎಂದು ನಾನು ಎಲ್ಲಾ ಮತದಾರರಿಗೆ ಹೇಳಲು ಬಯಸುತ್ತೇನೆ" ಎಂದು ಹೇಳಿದರು. ಈ ಬಾರಿ ಸರ್ಕಾರವನ್ನು ಮರಳಿ ತರುವ ಇರಾದೆ ಜನರಿಗಿದ್ದು, ಇದರಲ್ಲಿ ಖಂಡಿತಾ ಯಶಸ್ಸು ಸಾಧಿಸುತ್ತೇವೆ ಎಂಬ ನಂಬಿಕೆ ನನಗಿದೆ ಎಂದರು.

I am happy that the campaign completed in a good atmosphere. People of Himachal cooperated. I thank the people of Himachal for this. I urge all voters to cast their vote today so that we can further strengthen democracy: Himachal CM Jairam Thakur #HimachalPradeshElection2022 pic.twitter.com/YhG3kSJtkS
— ANI (@ANI) November 12, 2022

8:15 AM, 12 Nov

ಮತದಾರರಿಗೆ ಮತ ಚಲಾಯಿಸುವಂತೆ ಮೋದಿ ಮನವಿ

ಇಂದು ನಡೆಯಲಿರುವ ವಿಧಾನಸಭಾ ಚುನಾವಣೆಯಲ್ಲಿ ಭಾಗವಹಿಸುವಂತೆ ಹಿಮಾಚಲ ಪ್ರದೇಶದ ಮತದಾರರಿಗೆ ಪ್ರಧಾನಿ ನರೇಂದ್ರ ಮೋದಿ ಮನವಿ ಮಾಡಿದ್ದಾರೆ. ಈ ಕುರಿತು ಟ್ವೀಟ್ ಮಾಡಿರುವ ಪ್ರಧಾನಿ ಮೋದಿ, “ಇಂದು ಹಿಮಾಚಲ ಪ್ರದೇಶದ ಎಲ್ಲಾ ವಿಧಾನಸಭಾ ಕ್ಷೇತ್ರಗಳಿಗೆ ಮತದಾನದ ದಿನ. ದೇವಭೂಮಿಯ ಎಲ್ಲಾ ಮತದಾರರು ಈ ಪ್ರಜಾಪ್ರಭುತ್ವದ ಹಬ್ಬದಲ್ಲಿ ಪೂರ್ಣ ಉತ್ಸಾಹದಿಂದ ಭಾಗವಹಿಸಿ ಮತದಾನದಲ್ಲಿ ಹೊಸ ದಾಖಲೆಯನ್ನು ರಚಿಸಬೇಕೆಂದು ನಾನು ವಿನಂತಿಸುತ್ತೇನೆ. ಈ ಸಂದರ್ಭದಲ್ಲಿ ಪ್ರಥಮ ಬಾರಿಗೆ ಮತ ಚಲಾಯಿಸುವ ರಾಜ್ಯದ ಎಲ್ಲಾ ಯುವ ಜನತೆಗೆ ನನ್ನ ವಿಶೇಷ ಶುಭಾಶಯಗಳು''ಎಂದು ಬರೆದಿದ್ದಾರೆ.

हिमाचल प्रदेश की सभी विधानसभा सीटों के लिए आज मतदान का दिन है। देवभूमि के समस्त मतदाताओं से मेरा निवेदन है कि वे लोकतंत्र के इस उत्सव में पूरे उत्साह के साथ भाग लें और वोटिंग का नया रिकॉर्ड बनाएं। इस अवसर पर पहली बार वोट देने वाले राज्य के सभी युवाओं को मेरी विशेष शुभकामनाएं।
— Narendra Modi (@narendramodi) November 12, 2022

8:20 AM, 12 Nov

ಹೊಸ ಸರ್ಕಾರ ರಚಿಸಲು ಸಹಾಯ ಮಾಡಿ- ಕಾಂಗ್ರೆಸ್ ಅಧ್ಯಕ್ಷೆ ಹೊಸ ಸರ್ಕಾರ ರಚಿಸಲು ಸಹಾಯ ಮಾಡಿ

ಹಿಮಾಚಲ ಪ್ರದೇಶ ಕಾಂಗ್ರೆಸ್ ಅಧ್ಯಕ್ಷೆ ಪ್ರತಿಭಾ ಸಿಂಗ್ ರಾಮ್‌ಪುರದಲ್ಲಿ ಮಾತನಾಡಿ, “ಹಿಮಾಚಲದ ಎಲ್ಲಾ ಜನರು ಇಂದು ಮತದಾನದ ಬಗ್ಗೆ ಉತ್ಸುಕರಾಗಿದ್ದಾರೆ. ಅವರೆಲ್ಲರೂ ಇಂದು ಮತ ಚಲಾಯಿಸುತ್ತಾರೆ ಮತ್ತು ಹಿಮಾಚಲ ಪ್ರದೇಶದಲ್ಲಿ ಹೊಸ ಸರ್ಕಾರ ರಚಿಸಲು ಸಹಾಯ ಮಾಡುತ್ತಾರೆ'' ಎಂದರು.

हिमाचल के सभी लोग आज मतदान को लेकर बहुत उत्साहित हैं। वे सभी आज मतदान करेंगे और हिमाचल प्रदेश में नई सरकार बनाने में मदद करेंगे: हिमाचल प्रदेश कांग्रेस अध्यक्ष प्रतिभा सिंह, रामपुर pic.twitter.com/bkgt97L13w
— ANI_HindiNews (@AHindinews) November 12, 2022

8:32 AM, 12 Nov

ಹಿಮಾಚಲ ಪ್ರದೇಶದ 68 ವಿಧಾನಸಭಾ ಸ್ಥಾನಗಳಿಗೆ ಮತದಾನ ನಡೆಯುತ್ತಿದೆ. ಹಿಮಾಚಲ ಪ್ರದೇಶ ವಿಧಾನಸಭೆ ಚುನಾವಣೆಗೆ ಜನರು ತಮ್ಮ ಮತ ಚಲಾಯಿಸಲು ಆರಂಭಿಸಿದ್ದಾರೆ. ಧರ್ಮಶಾಲಾ ಮತಗಟ್ಟೆ ಸಂಖ್ಯೆ 12 ರ ಫೋಟೋಗಳು ಇಲ್ಲಿದೆ.

Himachal Pradesh | People cast their votes for the Assembly election across the state; visuals from polling booth number 12, Dharamshala

Voting is underway for 68 Assembly constituencies in Himachal Pradesh#AssemblyElections2022 pic.twitter.com/DoFl7GfDdS
— ANI (@ANI) November 12, 2022

8:35 AM, 12 Nov

ಹಿಮಾಚಲ ಪ್ರದೇಶ ಬದಲಾಗಲಿದೆ ಎಂದ ಜೈರಾಮ್ ಠಾಕೂರ್ ಪತ್ನಿ

ಹಿಮಾಚಲ ಪ್ರದೇಶ ಸಿಎಂ ಜೈರಾಮ್ ಠಾಕೂರ್ ಅವರ ಪತ್ನಿ ಸಾಧನಾ ಠಾಕೂರ್ ಮಾತನಾಡಿ, “ಜೈರಾಮ್ ಠಾಕೂರ್ ಅವರು ರಾಜ್ಯದಾದ್ಯಂತ ಪ್ರಚಾರ ನಡೆಸಿದ್ದರಿಂದ ಇದು ನಮಗೆ ಬಹಳ ವಿಶೇಷವಾದ ದಿನವಾಗಿದೆ. ದೇವರು ಅವರಿಗೆ ಯಶಸ್ಸನ್ನು ನೀಡಲಿ ಎಂದು ನಾನು ಪ್ರಾರ್ಥಿಸುತ್ತೇನೆ, ಇದರಿಂದ ನಮ್ಮ ರಾಜ್ಯವು ಹೊಸ ಬದಲಾವಣೆಯವನ್ನು ಕಾಣಲಿದೆ. ಹಿಮಾಚಲ ಬದಲಾಗಲಿದೆ'' ಎಂದರು.

It's a very special day for us, as he (HP CM Jairam Thakur) campaigned across the state, being the CM. I pray to god to bless him with success, so our state reaches new heights. Himachal will change: Sadhana Thakur, wife of Himachal Pradesh CM Jairam Thakur#AssemblyPolls2022 pic.twitter.com/FOpr4xY8nR
— ANI (@ANI) November 12, 2022

8:38 AM, 12 Nov

ಮತದಾನಕ್ಕೂ ಮುನ್ನ ಸಿಎಂ ಜೈರಾಮ್ ಠಾಕೂರ್ ಟೆಂಪಲ್ ರನ್

ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಜೈರಾಮ್ ಠಾಕೂರ್, ಅವರ ಪತ್ನಿ ಸಾಧನಾ ಠಾಕೂರ್ ಮತ್ತು ಪುತ್ರಿಯರಾದ ಚಂದ್ರಿಕಾ ಠಾಕೂರ್ ಮತ್ತು ಪ್ರಿಯಾಂಕಾ ಠಾಕೂರ್ ಅವರು ಮತ ಚಲಾಯಿಸುವ ಮೊದಲು ಮಂಡಿಯ ಸೆರಾಜ್‌ನಲ್ಲಿರುವ ದೇವಸ್ಥಾನಕ್ಕೆ ಭೇಟಿ ನೀಡಿದರು.

Himachal Pradesh CM Jairam Thakur, his wife Sadhana Thakur & daughters Chandrika Thakur & Priyanka Thakur, offer prayers in Mandi, ahead of casting their votes for the state's #AssemblyElections2022 pic.twitter.com/OGWVvDXW7j
— ANI (@ANI) November 12, 2022

8:39 AM, 12 Nov

ಮಹಿಳೆಯರು ಮತ್ತು ಯುವಕರು ಮತ ಚಲಾಯಿಸುವಂತೆ ಅಮಿತ್ ಶಾ ಮನವಿ

ಹಿಮಾಚಲ ವಿಧಾನಸಭಾ ಚುನಾವಣೆ 2022: ಬಲಿಷ್ಠ ಸರ್ಕಾರವನ್ನು ಆಯ್ಕೆ ಮಾಡಲು ಮಹಿಳೆಯರು, ಯುವಕರು ಅಧಿಕ ಸಂಖ್ಯೆಯಲ್ಲಿ ಮತ ಚಲಾಯಿಸುವಂತೆ ಅಮಿತ್ ಶಾ ಮನವಿ ಮಾಡಿದ್ದಾರೆ.

8:55 AM, 12 Nov

ಹಿಮಾಚಲ ಪ್ರದೇಶದಲ್ಲಿ ಮತದಾನದ ಕುರಿತು ಪ್ರಿಯಾಂಕಾ ಗಾಂಧಿ ಟ್ವೀಟ್

ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ಅವರು ಹಿಮಾಚಲ ಪ್ರದೇಶದಲ್ಲಿ ಮತದಾನದ ಕುರಿತು ಟ್ವೀಟ್ ಮಾಡಿದ್ದಾರೆ - ಸಂಪೂರ್ಣ ತಿಳುವಳಿಕೆಯೊಂದಿಗೆ ಮತದಾನ ಮಾಡಿ. ಪರಿಸ್ಥಿತಿಯನ್ನು ಬದಲಾಯಿಸಲು ಮತ್ತು ಹಿಮಾಚಲದ ಭವಿಷ್ಯವನ್ನು ನಿರ್ಧಾರ ಮಾಡುವಲ್ಲಿ ನಿಮ್ಮ ಪ್ರಮುಖ ಕೊಡುಗೆ ನೀಡಿ.

प्रिय हिमाचल वासियों,

आप सब अपने व अपने प्रदेश के हालातों को भलीभांति समझते हैं। अपनी परिस्थितियों को देखते हुए पूरी सूझबूझ से मतदान का कर्तव्य निभाएं व हालातों को बदलने व हिमाचल के भविष्य को बुनने में अपना महत्वपूर्ण योगदान दें।

जय हिंद।
जय हिमाचल।
— Priyanka Gandhi Vadra (@priyankagandhi) November 12, 2022

9:06 AM, 12 Nov

ಹಿಮಾಚಲ ಪ್ರದೇಶದ 68 ಕ್ಷೇತ್ರಗಳಲ್ಲಿ ಮತದಾನ ಮುಂದುವರಿದಿದ್ದು, ಯುವ ಮತದಾರರು ಮತದಾನ ಮಾಡಲು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುತ್ತಿದ್ದಾರೆ.

9:08 AM, 12 Nov

ಮತಗಟ್ಟೆಗೆ ಮತದಾನ ಮಾಡಲು ಬಂದಿದ್ದ ಯುವ ಮತದಾರರೊಬ್ಬರು ಮಾತನಾಡಿ- ಮತದಾನವನ್ನು ಹೆಚ್ಚು ಜವಾಬ್ದಾರಿಯಿಂದ ತೆಗೆದುಕೊಳ್ಳಬೇಕು, ಇಂದಿನ ಪೀಳಿಗೆ ಇದನ್ನು ಅತ್ಯಂತ ಲಘುವಾಗಿ ಪರಿಗಣಿಸುತ್ತದೆ ಎಂದರು.

9:10 AM, 12 Nov

ಹಿಮಾಚಲ ಪ್ರದೇಶದ ಧರ್ಮಶಾಲಾದಲ್ಲಿ ಬಿಗಿ ಭದ್ರತೆಯ ನಡುವೆ ಮತದಾನ ಮುಂದುವರಿದಿದೆ, ಮತದಾರರು ಮತ ಚಲಾಯಿಸಲು ಸರತಿ ಸಾಲಿನಲ್ಲಿ ನಿಂತು ಮತಗಟ್ಟೆ ಸಂಖ್ಯೆ 12 ರಲ್ಲಿ ನಿಂತಿರುವ ದೃಶ್ಯಗಳು.

People of Himachal Pradesh are casting their votes today to elect a new government in the state.

Visuals from polling booth no. 12 in Dharamshala. #HimachalPradeshElections pic.twitter.com/bkKnoAVUhj
— ANI (@ANI) November 12, 2022

9:10 AM, 12 Nov

ಹಿಮಾಚಲ ಪ್ರದೇಶದಲ್ಲಿ ಮೊದಲ ಬಾರಿಗೆ ಮತದಾನ ಮಾಡುತ್ತಿರುವ ಮತದಾರರು ಉತ್ಸಾಹದಿಂದ ಮತದಾನ ಮಾಡಿದ್ದು, ಯುವ ಮತದಾರರು ಹೆಚ್ಚಿನ ಸಂಖ್ಯೆಯಲ್ಲಿ ಮತದಾನ ಮಾಡಲು ಆಗಮಿಸುತ್ತಿದ್ದಾರೆ.

9:12 AM, 12 Nov

ಹಿಮಾಚಲ ಪ್ರದೇಶದಲ್ಲಿ ಮತದಾನದ ಬಗ್ಗೆ ಮಹಿಳೆಯರಲ್ಲಿ ಹೆಚ್ಚಿನ ಉತ್ಸಾಹವಿರುವುದು ಕಂಡು ಬರುತ್ತಿದೆ. ಮತಗಟ್ಟೆಯ ಹೊರಗೆ ಮಹಿಳೆಯರು ಹೆಚ್ಚಿನ ಸಂಖ್ಯೆಯಲ್ಲಿ ನೆರೆದಿದ್ದಾರೆ.

Himachal Pradesh | People cast their votes in Nadaun Assembly constituency, Hamirpur; visuals from polling station 4

I am a first-time voter; feel very excited. I have voted for development: Ankita, a voter#AssemblyElections2022 pic.twitter.com/0453ZyRUhR
— ANI (@ANI) November 12, 2022

9:14 AM, 12 Nov

ಹಿಮಾಚಲ ಪ್ರದೇಶದ ವಿಧಾನಸಭಾ ಚುನಾವಣೆಯಲ್ಲಿ ಸಿಎಂ ಜೈರಾಮ್ ಠಾಕೂರ್ ಅವರ ಪುತ್ರಿ ಚಂದ್ರಿಕಾ ಠಾಕೂರ್ ಮಾತನಾಡಿ- ಜನರು ಮತದಾನ ಮಾಡಲು ಉತ್ಸಾಹದಿಂದಿದ್ದಾರೆ, ಸಾರ್ವಜನಿಕರು ನಮ್ಮೊಂದಿಗಿದ್ದಾರೆ ಎಂದು ನಾವು ವಿಶ್ವಾಸ ಹೊಂದಿದ್ದೇವೆ.

9:14 AM, 12 Nov

ಮಂಡಿಯ ಜನರು ಸದಾ ಸಿಎಂ ಜೈ ರಾಮ್ ಠಾಕೂರ್ ಅವರನ್ನು ಬೆಂಬಲಿಸಿದ್ದಾರೆ, ಆಗಿರುವ ಅಭಿವೃದ್ಧಿಯನ್ನು ಜನರು ನೋಡಿದ್ದಾರೆ, ಹೀಗಾಗಿ ಜನರು ಇಂದು ಅಭಿವೃದ್ಧಿಯ ಹೆಸರಿನಲ್ಲಿ ಮತ್ತೊಮ್ಮೆ ಮತ ಹಾಕುತ್ತಾರೆ - ಚಂದ್ರಿಕಾ ಠಾಕೂರ್

9:26 AM, 12 Nov

ಈ ಚುನಾವಣೆ ಹಿಮಾಚಲ ಪ್ರದೇಶವನ್ನು ಮುಂದಕ್ಕೆ ಕೊಂಡೊಯ್ಯಲು ಮತ್ತು ಪರಿಸ್ಥಿತಿಯನ್ನು ಬದಲಾಯಿಸಲು, ಪ್ರಸ್ತುತ ಸರ್ಕಾರವು ಕಾಂಗ್ರೆಸ್ ಮಾತ್ರವಲ್ಲದೆ ಸಮಾಜದ ಪ್ರತಿಯೊಂದು ವರ್ಗದ ಧ್ವನಿಯನ್ನು ಹತ್ತಿಕ್ಕಿದೆ ಎಂದು ಕಾಂಗ್ರೆಸ್ ಶಾಸಕ ವಿಕ್ರಮಾದಿತ್ಯ ಸಿಂಗ್ ಹೇಳಿದರು.

9:26 AM, 12 Nov

ಮುಖ್ಯಮಂತ್ರಿ ಜೈರಾಮ್ ಠಾಕೂರ್ ಮತ್ತು ಅವರ ಕುಟುಂಬ ಸೆರಾಜ್ ವಿಧಾನಸಭಾ ಕ್ಷೇತ್ರದಲ್ಲಿ ಮತ ಚಲಾಯಿಸಿದರು. ಮುಖ್ಯಮಂತ್ರಿ ಜೈರಾಮ್ ಠಾಕೂರ್ ಮತ್ತು ಅವರ ಕುಟುಂಬ ಸೆರಾಜ್ ವಿಧಾನಸಭಾ ಕ್ಷೇತ್ರದಲ್ಲಿ ಮತ ಚಲಾಯಿಸಿದರು. ಬಳಿಕ ಮಾತನಾಡಿದ ಅವರು, ಬಿಜೆಪಿ ಪ್ರಚಂಡ ಗೆಲುವು ಸಾಧಿಸುವುದು ಖಚಿತ, ಶಾಂತಿಯುತವಾಗಿ ಮತ ಚಲಾವಣೆ ಮಾಡುವುದು ಎಲ್ಲಕ್ಕಿಂತ ಮುಖ್ಯ ಎಂದರು.

Himachal Pradesh CM Jairam Thakur & his family cast their votes in Seraj Assembly constituency for #AssemblyElections2022; visuals from polling station 44 in Mandi

Confident of a grand win. Feedback is great. Most importantly, people are casting their votes peacefully, he said. pic.twitter.com/UbPnheSuej
— ANI (@ANI) November 12, 2022

9:29 AM, 12 Nov

ಇತ್ತೀಚೆಗಷ್ಟೇ ಹಿಮಾಚಲದಲ್ಲಿ ನಡೆದ ಉಪಚುನಾವಣೆಯಲ್ಲಿ ಬಿಜೆಪಿ ಸರ್ಕಾರ ಸೋಲನುಭವಿಸಿತ್ತು. ಆ ಚುನಾವಣೆ ಸೆಮಿಫೈನಲ್, ಇಂದು ಫೈನಲ್. ಈ ಚುನಾವಣೆಯಲ್ಲೂ ಬಿಜೆಪಿ ಸೋಲಲಿದೆ. ಬಹುಮತದೊಂದಿಗೆ ಕಾಂಗ್ರೆಸ್ ಸರ್ಕಾರ ರಚಿಸಲಿದೆ ಎಂದು ಕಾಂಗ್ರೆಸ್ ಶಾಸಕ ವಿಕ್ರಮಾದಿತ್ಯ ಸಿಂಗ್ ಹೇಳಿದರು.

9:44 AM, 12 Nov

ಕುಟುಂಬಸ್ಥರೊಂದಿಗೆ ಶನಿ ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸಿದ ವಿಕ್ರಮಾದಿತ್ಯ ಸಿಂಗ್

ಹಿಮಾಚಲ ಪ್ರದೇಶ ಕಾಂಗ್ರೆಸ್ ಅಧ್ಯಕ್ಷೆ ಪ್ರತಿಭಾ ಸಿಂಗ್ ಮತ್ತು ಅವರ ಪುತ್ರ ಹಾಗೂ ಪಕ್ಷದ ಶಾಸಕ ವಿಕ್ರಮಾದಿತ್ಯ ಸಿಂಗ್ ಶಿಮ್ಲಾದ ಶನಿ ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸಿದರು.

Himachal Pradesh Congress chief Pratibha Singh and her son & party MLA Vikramaditya Singh offer prayers at Shani Mandir in Shimla, ahead of casting their votes for #HimachalPradeshElections pic.twitter.com/DUXs4bkRlS
— ANI (@ANI) November 12, 2022

9:51 AM, 12 Nov

ಹಿಮಾಚಲ ಪ್ರದೇಶ ಸರ್ಕಾರದ ಸಚಿವರು ಮತ್ತು ಶಿಮ್ಲಾದ ಬಿಜೆಪಿ ಶಾಸಕ ಸುರೇಶ್ ಭಾರದ್ವಾಜ್ ಅವರು ಮತದಾನ ಕೇಂದ್ರ- 63/87 ರಲ್ಲಿ ಮತ ಚಲಾಯಿಸಿದರು.

9:53 AM, 12 Nov

ಜನ ಬಿಜೆಪಿಗೆ ಮತ ಮತಚಲಾಯಿಸುತ್ತಿದ್ದಾರೆ- ಸುರೇಶ್ ಭಾರದ್ವಾಜ್

ಮತ ಚಲಾಯಿಸಿದ ನಂತರ ಮಾತನಾಡಿದ ಹಿಮಾಚಲ ಪ್ರದೇಶ ಸರ್ಕಾರದ ಸಚಿವರು ಮತ್ತು ಶಿಮ್ಲಾದ ಬಿಜೆಪಿ ಶಾಸಕ ಸುರೇಶ್ ಭಾರದ್ವಾಜ್- ಸದ್ಯದ ಬೆಳವಣಿಗೆ ಆಧಾರದ ಮೇಲೆ ರಾಜ್ಯದಲ್ಲಿ ಮತ್ತೊಮ್ಮೆ ಬಿಜೆಪಿ ಸರ್ಕಾರ ರಚಿಸುತ್ತದೆ ಎಂದು ನಾನು ಹೇಳಬಲ್ಲೆ, ಜನರು ನಮ್ಮ ಪರವಾಗಿ ಹೆಚ್ಚಿನ ಸಂಖ್ಯೆಯಲ್ಲಿ ಮತ ಚಲಾಯಿಸುತ್ತಿದ್ದಾರೆ ಎಂದರು.