ಕಾಶ್ಮೀರ ಕಣಿವೆಯ 5 ಮೋಸ್ಟ್ ವಾಂಟೆಡ್ ಭಯೋತ್ಪಾದಕರ ಪಟ್ಟಿ ಬಿಡುಗಡೆ
ಶ್ರೀನಗರ, ಸೆಪ್ಟೆಂಬರ್ 16: ಜಮ್ಮು ಕಾಶ್ಮೀರ ಕಣಿವೆಯ ಶಾಂತಿ ಕದಡುತ್ತಿರುವ 5 ಮೋಸ್ಟ್ ವಾಂಟೆಂಡ್ ಭಯೋತ್ಪಾದಕರ ಪಟ್ಟಿಯನ್ನು ಇಲ್ಲಿನ ಪೊಲೀಸರು ಬಿಡುಗಡೆ ಮಾಡಿದ್ದಾರೆ.
ಅಮರನಾಥ್ ಯಾತ್ರೆಯ ಸಂದರ್ಭದಲ್ಲಿ ನಡೆದ ಭಯೋತ್ಪಾದಕ ದಾಳಿಯ ರೂವಾರಿ ಲಷ್ಕರ್ ಈ ತೊಯ್ಬಾ ಸಂಘಟನೆಯ ಕಮಾಂಡರ್ ಅಬು ಇಸ್ಮಾಯಿಲ್ ಅನ್ನು ಎನ್ ಕೌಂಟರ್ ಮೂಲಕ ಸೆ.15 ರಂದು ಬಲಿಹಾಕಿದ ನಂತರ ಈ ಪಟ್ಟಿ ಬಿಡುಗಡೆ ಮಾಡಲಾಗಿದೆ.
ಹಿಜ್ಬುಲ್ ಮುಜಾಹಿದ್ದೀನ್ ಸಂಘಟನೆಯಿಂದ ಅಲ್ ಖೈದಾ ಸಂಘಟನೆಗೆ ಸೇರಿದ 20 ವರ್ಷದ ಜಾಕಿರ್ ಮುಸಾ, ಹಿಜ್ಬುಲ್ ಮುಜಾಹಿದ್ದೀನ್ ನ ಹೊಸ ನಾಯಕ 29 ವರ್ಷದ ರಿಯಾಜ್ ನೈಕೂ, ಹಿಜ್ಬುಲ್ ಮುಜಾಹಿದ್ದೀನ್ ನ ಕಮಾಂಡರ್ ಸದ್ದಮ್ ಪೆದ್ದರ್, ಲಷ್ಕರ್ ಈ ತೊಯ್ಬಾದ 28 ವರ್ಷದ ಜೀನತ್ ಉಲ್ ಇಸ್ಲಾಮ್ ಮತ್ತು ಜೈಶ್ ಇ ಮೊಹಮ್ಮದ್ ಸಂಘಟನೆಯ ಖಾಲಿದ್ ಈ ಪಟ್ಟಿಯಲ್ಲಿದ್ದಾರೆ.
ಇವರೆಲ್ಲರೂ ಕಾಶ್ಮೀರದಲ್ಲೇ ಅಡಗಿರುವ ಶಂಕೆಯಿದ್ದು, ಅವರನ್ನು ಸದೆಬಡಿಯಲು ಸೇನೆ ಸಂಚು ರೂಪಿಸುತ್ತಿದೆ.
Click it and Unblock the Notifications
Sign in with Google