Haryana Election Exit Poll Results: ಹರಿಯಾಣದಲ್ಲಿ ಕಾಂಗ್ರೆಸ್‌, ಬಿಜೆಪಿ 2ಕ್ಕೂ ಗೆಲುವು: ಸಮೀಕ್ಷೆಗಳು ಹೇಳುವುದು ಹೀಗೆ.....

Updated: Saturday, October 5, 2024, 20:22 [IST]

ಹರಿಯಾಣ ವಿಧಾನಸಭೆಯ ಎಲ್ಲಾ 90 ಸ್ಥಾನಗಳಿಗೆ ಮತದಾನ ಪೂರ್ಣಗೊಂಡಿದೆ. ಸಂಜೆ 5 ಗಂಟೆಯವರೆಗಿನ ಮತದಾನದ ಅಂಕಿ ಅಂಶಗಳ ಪ್ರಕಾರ ಹರಿಯಾಣದಲ್ಲಿ ಒಟ್ಟು ಶೇ.61ರಷ್ಟು ಮತದಾನವಾಗಿದೆ. ಮೇವಾತ್‌ನಲ್ಲಿ ಗರಿಷ್ಠ 68.28 ಶೇಕಡಾ ಮತಗಳು ಚಲಾವಣೆಯಾದರೆ, ಜಗಧ್ರಿ ವಿಧಾನಸಭಾ ಕ್ಷೇತ್ರದಲ್ಲಿ ಗರಿಷ್ಠ 73.90 ರಷ್ಟು ಮತದಾನವಾಗಿದೆ. ಅಕ್ಟೋಬರ್ 8, 2024 ರಂದು ಮತಗಳ ಎಣಿಕೆ ನಡೆಯಲಿದೆ. ಮುಂಚಿತವಾಗಿ ಇಂದು ಎಕ್ಸಿಟ್ ಪೋಲ್ ಗಳು ಬರಲಾರಂಭಿಸಿವೆ.

ಜಮ್ಮು ಮತ್ತು ಕಾಶ್ಮೀರದ 'ಪೀಪಲ್ ಪಲ್ಸ್' ಎಕ್ಸಿಟ್ ಪೋಲ್ ಬಿಡುಗಡೆ ಆಗಿದೆ. ಇಲ್ಲಿ ಕಾಂಗ್ರೆಸ್ 46 ರಿಂದ 50 ಸ್ಥಾನ, ಬಿಜೆಪಿ ಕೇವಲ 23 ರಿಂದ 27, ಪಿಡಿಪಿ 07 ರಿಂದ 11 ಸೀಟುಗಳು ಗೆದ್ದರೆ, ಇತರೆ ಪಾರ್ಟಿಗಳು 4ರಿಂದ 6 ಸೀಟು ಗೆಲ್ಲುವ ಸಾಧ್ಯತೆ ಇದೆ ಎಂದು ತಿಳಿದು ಬಂದಿದೆ. ದಶಕದ ನಂತರ ಬಿಜೆಪಿ ವಿರುದ್ಧ ಕಾಂಗ್ರೆಸ್ ಸೆಟೆದು ನಿಲ್ಲುವ ಭರವಸೆ ಸಿಕ್ಕಿದೆ.

Haryana Election Exit Poll Results Congress win in Haryana Most polls say

ರಿಪಬ್ಲಿಕ್ ಮ್ಯಾಟ್ರಿಜ್ ಬಿಡುಗಡೆ ಮಾಡಿರುವ ಅಂಕಿ ಅಂಶಗಳ ಪ್ರಕಾರ ಹರಿಯಾಣದಲ್ಲಿ ಕಾಂಗ್ರೆಸ್ ಮುನ್ನಡೆ ಸಾಧಿಸುತ್ತಿದೆ. ಹರಿಯಾಣದಲ್ಲಿ, ಮ್ಯಾಟ್ರಿಕ್ಸ್ ಸಮೀಕ್ಷೆ ಬಿಜೆಪಿಗೆ 18 ರಿಂದ 24 ಸ್ಥಾನಗಳನ್ನು, ಕಾಂಗ್ರೆಸ್‌ಗೆ 55 ರಿಂದ 62 ಸ್ಥಾನಗಳನ್ನು, ಜೆಜೆಪಿಗೆ 0 ರಿಂದ 3 ಸ್ಥಾನಗಳನ್ನು, ಭಾರತೀಯ ರಾಷ್ಟ್ರೀಯ ಲೋಕದಳಕ್ಕೆ (ಐಎನ್‌ಎಲ್‌ಡಿ) 3 ರಿಂದ 6 ಸ್ಥಾನಗಳನ್ನು ಮತ್ತು ಇತರರಿಗೆ 2 ರಿಂದ 5 ಸ್ಥಾನಗಳನ್ನು ನೀಡಿದೆ. ಆದರೆ ಮ್ಯಾಟ್ರಿಸ್‌ನ ಎಕ್ಸಿಟ್ ಪೋಲ್ ಪ್ರಕಾರ, ಆಮ್ ಆದ್ಮಿ ಪಕ್ಷ (ಎಎಪಿ) ಹರಿಯಾಣ ವಿಧಾನಸಭೆ ಚುನಾವಣೆಯಲ್ಲಿ ತನ್ನ ಖಾತೆಯನ್ನು ತೆರೆದೇ ಇಲ್ಲ. ಹರಿಯಾಣದಲ್ಲಿ ಬಹುಮತಕ್ಕೆ 90 ರಲ್ಲಿ 46 ಸ್ಥಾನಗಳು ಬೇಕು.

ಹರಿಯಾಣ ಚುನಾವಣೆಯಲ್ಲಿ ಒಟ್ಟು ಮತದಾರರು 2024

ಹರಿಯಾಣ ಚುನಾವಣೆ 2024 ರಲ್ಲಿ ಒಟ್ಟು ಮತದಾರರು 2,03,54,350, ಇದರಲ್ಲಿ ಪುರುಷ ಮತದಾರರು 1,07,75,957, ಮಹಿಳಾ ಮತದಾರರು 95,77,926 ಮತ್ತು ತೃತೀಯಲಿಂಗಿ ಮತದಾರರು 467 ಇದ್ದಾರೆ. ಹರಿಯಾಣದಲ್ಲಿ 18 ರಿಂದ 19 ವರ್ಷದೊಳಗಿನ ಮತದಾರರು 5,24,514, ಅಂಗವಿಕಲ ಮತದಾರರು 1, 49, 142 ಮತ್ತು 85 ವರ್ಷಕ್ಕಿಂತ ಮೇಲ್ಪಟ್ಟ ಮತದಾರರು 2, 31, 093 ಇದ್ದಾರೆ. 100 ವರ್ಷ ಮೇಲ್ಪಟ್ಟ ಮತದಾರರು 8,821 ಮತ್ತು ಸೇವಾ ಮತದಾರರು 1,09,217 ಇದ್ದಾರೆ.

ಹರಿಯಾಣ ಚುನಾವಣೆ 2024 ರಲ್ಲಿ ಒಟ್ಟು ಅಭ್ಯರ್ಥಿಗಳು

ಹರಿಯಾಣದಲ್ಲಿ 90 ವಿಧಾನಸಭಾ ಸ್ಥಾನಗಳಿದ್ದು, ಈ ಬಾರಿ ಒಟ್ಟು 1031 ಅಭ್ಯರ್ಥಿಗಳು ಸ್ಪರ್ಧಿಸುತ್ತಿದ್ದಾರೆ. ಇವರಲ್ಲಿ 930 ಪುರುಷರು, 101 ಮಹಿಳೆಯರು ಮತ್ತು 646 ಸ್ವತಂತ್ರ ಅಭ್ಯರ್ಥಿಗಳು ಇದ್ದಾರೆ. ಈ ಬಾರಿ ಹರಿಯಾಣದಲ್ಲಿ ಒಟ್ಟು 20 ಸಾವಿರದ 629 ಮತಗಟ್ಟೆಗಳನ್ನು ಮಾಡಲಾಗಿತ್ತು. ಇಲ್ಲಿ 3740 ಕೇಂದ್ರಗಳು ಸೂಕ್ಷ್ಮ ಮತ್ತು ಅತಿ ಸೂಕ್ಷ್ಮ ವಿಭಾಗದಲ್ಲಿವೆ. ಮುಸ್ಲಿಂ ಪ್ರಾಬಲ್ಯದ ಪ್ರದೇಶವಾದ ಮೇವಾತ್‌ನ ನುಹ್ ಜಿಲ್ಲೆಯನ್ನು ಅತ್ಯಂತ ಸೂಕ್ಷ್ಮವೆಂದು ಪರಿಗಣಿಸಲಾಗಿದೆ.

ಹರಿಯಾಣದಲ್ಲಿ ಶೇ.61ರಷ್ಟು ಮತದಾನ

ಹರಿಯಾಣದ ಎಲ್ಲಾ 90 ವಿಧಾನಸಭಾ ಸ್ಥಾನಗಳಿಗೆ ಇಂದು ಮತದಾನ ನಡೆದಿದೆ. ಬೆಳಗ್ಗೆ 7ರಿಂದ ಸಂಜೆ 6ರವರೆಗೆ ಮತದಾನ ನಡೆಯಿತು. ಈ ಅವಧಿಯಲ್ಲಿ ಹರಿಯಾಣದಲ್ಲಿ ಶೇ.61ರಷ್ಟು ಮತದಾನವಾಗಿದೆ. ಮೇವಾತ್‌ನಲ್ಲಿ ಸಂಜೆ 5 ಗಂಟೆಯವರೆಗೆ ಅತಿ ಹೆಚ್ಚು ಅಂದರೆ ಶೇಕಡಾ 68.28 ರಷ್ಟು ಮತಗಳು ಚಲಾವಣೆಯಾದವು. ಆದರೆ ಇದುವರೆಗಿನ ಅತ್ಯಂತ ಕಡಿಮೆ ಶೇಕಡಾ 49.97 ರಷ್ಟು ಮತಗಳು ಗುರುಗ್ರಾಮ್‌ನಲ್ಲಿವೆ. ಹರಿಯಾಣ ಅಸೆಂಬ್ಲಿಯಲ್ಲಿ 90 ರಲ್ಲಿ 57 ಸ್ಥಾನಗಳಿವೆ, ಇಲ್ಲಿ ಜಾಟ್ ಜನಸಂಖ್ಯೆಯು ಶೇಕಡಾ 10 ಕ್ಕಿಂತ ಹೆಚ್ಚು. ರೋಹ್ಟಕ್, ಹಿಸಾರ್ ಮತ್ತು ಕರ್ನಾಲ್ ಜಿಲ್ಲೆಗಳ ಸ್ಥಾನಗಳು ಜಾಟ್ ಬೆಲ್ಟ್‌ನಲ್ಲಿವೆ. 2019 ರ ಹರ್ಯಾಣ ವಿಧಾನಸಭಾ ಚುನಾವಣೆಯಲ್ಲಿ ಜಾಟ್ ಪ್ರಾಬಲ್ಯವಿರುವ ಪ್ರದೇಶಗಳಲ್ಲಿ 20 ಸ್ಥಾನಗಳನ್ನು ಕಾಂಗ್ರೆಸ್, 19 ಬಿಜೆಪಿ ಮತ್ತು 18 ಇತರ ಪಕ್ಷಗಳು ಗೆದ್ದಿವೆ.

ಯಾವ ಜಿಲ್ಲೆಯಲ್ಲಿ ಎಷ್ಟು ಶೇಕಡಾ ಮತದಾನವಾಗಿದೆ?

ಅಂಬಾಲಾ: 62.26% ಭಿವಾನಿ: 63.06% ಚಾರ್ಖಿ ದಾದ್ರಿ: 58.10% ಫತೇಹಾಬಾದ್: 67.05% ಗುರುಗ್ರಾಮ್: 64.16% ಜಜ್ಜರ್: 60.52% ಕೈತಾಲ್: 62.53% ಕರ್ನಾಲ್: 60.42% ಮೆ.65:65% .28% ಪಲ್ವಾಲ್: 67.69% ಪಂಚಕುಲ : 54.71% ಪಾಣಿಪತ್: 60.52% ರೇವಾರಿ: 60.91% ರೋಹ್ಟಕ್: 60.56% ಸಿರ್ಸಾ: 65.37% ಸೋನಿಪತ್: 56.69% ಯಮುನಾನಗರ: 67.93%ರಷ್ಟು ಮತದಾನವಾಗಿದೆ.