Cyclone Biparjoy: ಚಂಡಮಾರುತದ ಅಬ್ಬರ; ಹೆಣ್ಣುಮಗುವಿಗೆ ‘ಬಿಪರ್ಜಾಯ್’ ಅಂತ ಹೆಸರಿಟ್ಟ ದಂಪತಿ
ಗುಜರಾತ್,ಜೂನ್ 16: ಭೂಕಂಪಗಳು ಮತ್ತು ಚಂಡಮಾರುತಗಳಂತಹ ನೈಸರ್ಗಿಕ ವಿಕೋಪಗಳ ನಂತರ ಮಕ್ಕಳಿಗೆ ಹೆಸರಿಡುವ ವಿಚಿತ್ರ ಪ್ರವೃತ್ತಿ ಹೊಸದಲ್ಲ, ಆದರೆ ಭಾರತೀಯರು ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ ಮತ್ತು ಮಾರಣಾಂತಿಕ ಕೊರೊನಾವೈರಸ್ ನಂತರ ತಮ್ಮ ಮಕ್ಕಳಿಗೆ ಹೆಸರಿಸಿದ್ದಾರೆ. ಇದೀಗ ಚಂಡಮಾರುತದ ಭೀಕರತೆಯನ್ನ ಸೃಷ್ಟಿಸಿರುವ ಬಿಪರ್ಜಾಯ್ ಹೆಸರನ್ನ ನವಜಾತ ಹೆಣ್ಣು ಶಿಶುವಿಗೆ ಇಡಲಾಗಿದೆ.
ಹೌದು, ರಾಜ್ಯದ ಪಶ್ಚಿಮ ಕರಾವಳಿಯತ್ತ ಸಾಗುತ್ತಿರುವ ತೀವ್ರ ಚಂಡಮಾರುತದ ನಂತರ ಗುಜರಾತ್ನಲ್ಲಿ ನವಜಾತ ಹೆಣ್ಣು ಮಗುವಿಗೆ 'ಬೈಪರ್ಜಾಯ್' ಎಂದು ನಾಮಕರಣ ಮಾಡಲಾಗಿದೆ. ಚಂಡಮಾರುತದಿಂದ ಭೂಕುಸಿತ ಉಂಟಾಗುವ ಸಾಧ್ಯತೆ ಹಿನ್ನಲೆ ತಮ್ಮ ಸ್ಥಳಗಳಿಂದ ಸ್ಥಳಾಂತರಿಸಲ್ಪಟ್ಟ ಸಾವಿರಾರು ಜನರಲ್ಲಿ ಬೈಪರ್ಜಾಯ್ ಅವರ ತಾಯಿ ಒಬ್ಬರು. ಒಂದು ತಿಂಗಳ ಹಿಂದೆ ಹೆಣ್ಣು ಮಗುವಿಗೆ ಜನ್ಮ ನೀಡಿದ ಮಹಿಳೆ, ಈಗ ಗುಜರಾತ್ನ ಕಚ್ ಜಿಲ್ಲೆಯ ಜಖೌ ಎಂಬಲ್ಲಿ ಆಶ್ರಯ ಪಡೆದಿದ್ದಾರೆ. ಅಬ್ಬರಿಸುತ್ತ ಜನರನ್ನು ಕಾಡುತ್ತಿರುವ ಸೈಕ್ಲೋನ್ ಹೆಸರನ್ನೇ ಈಗ ತಮ್ಮ ಮಗಳಿಗೆ ಇಟ್ಟಿದ್ದಾರೆ.
ಕೊರೊನಾ ಸಾಂಕ್ರಾಮಿಕ ತೀವ್ರ ಸ್ವರೂಪದಲ್ಲಿದ್ದಾಗ ಉತ್ತರ ಪ್ರದೇಶದ ಗೋರಖ್ಪುರದಲ್ಲಿ ದಂಪತಿ ತಮ್ಮ ಮಗುವಿಗೆ 'ಕೊರೊನಾ' ಎಂದು ಹೆಸರಿಟ್ಟಿದ್ದರು. ಅಂತೆಯೇ ಆಂಧ್ರಪ್ರದೇಶದ ಕಡಪಾ ಜಿಲ್ಲೆಯಲ್ಲೂ ವೈರಸ್ನ ಹೆಸರನ್ನು ಮಗುವೊಂದಕ್ಕೆ ಇಡಲಾಗಿತ್ತು.
ರಾಜಸ್ಥಾನದ ಕುಟುಂಬವೊಂದರ ದಂಪತಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ತಮ್ಮ ಮಗುವಿಗೆ ವಿಚಿತ್ರವಾಗಿ ಹೆಸರಿಟ್ಟರು. ಕೋವಿಡ್ ತಡೆಗಟ್ಟಲು ವಿಧಿಸಲಾಗಿದ್ದ ಲಾಕ್ಡೌನ್ ಸಂದರ್ಭದಲ್ಲಿ ಜನಿಸಿದ ಗಂಡು ಮಗುವಿಗೆ 'ಲಾಕ್ಡೌನ್' ಎಂದೇ ಹೆಸರಿಟ್ಟಿದ್ದರು. ಇನ್ನೂ ಮುಂಬೈ-ಉತ್ತರ ಪ್ರದೇಶ ರೈಲಿನಲ್ಲಿ ಜನಿಸಿದ ಮತ್ತೊಂದು ಮಗುವಿಗೆ ಅವರ ಪೋಷಕರು "ಲಾಕ್ಡೌನ್" ಎಂದು ಹೆಸರಿಸಿದ್ದಾರೆ.
Click it and Unblock the Notifications
Sign in with Google